3 лютага ў мабільнай галерэі Нацыянальнай бібліятэкі Беларусі адбылося ўрачыстае адкрыццё персанальнай выстаўкі каліграфіі Лі Цзо (Кітай).
У мерапрыемстве ўзялі удзел першы намеснік дырэктара па абслугоўванні карыстальнікаў і ідэалогіі Алена Далгаполава, загадчык галерэйна-выставачнага аддзела, старшыня ГА “Міжнародная гільдыя жывапісцаў” Фёдар Ястраб, сакратар Саюза пісьменнікаў Беларусі, лаўрэат Дзяржаўнай прэміі Беларусі Георгій Марчук, аўтар работ Лі Цзо.
На выстаўцы прадстаўлена больш за 60 каліграфічных аркушаў аўтара з яго ж арыгінальнымі тэкстамі. Гэта кітайскія вершы – творы, невялікія па памеры, але багатыя па змесце. Яны напісаны паэтычнымі радкамі паводле старажытнай традыцыі вершаскладання.
Выстаўка ладзіцца пры падтрымцы Саюза пісьменнікаў Беларусі і Інстытута Канфуцыя.
Яна будзе працаваць на кальцавым калідоры 3-га паверха да 3 сакавіка 2012 года.
 |
 |
 |
 |
 |
 |
 |
Каліграфія Кітая. У каліграфіі ёсць уласны закон. |
 |
Пад рукавом і пэндзалем працякаюць цудоўныя аблокі, а скрозь туш на паперы з’яўляецца пунсовая зара. |
 |
Вецер спявае ў калыханні макаўкі старога дрэва, нібы музычны інструмент, месяц перамяшчае па акне духмяны цень кветак. |
 |
Сто тысяч гадоў кветка Мэй і архідэя цвітуць у нашых сэрцах, сто тысяч гадоў сасна і кіпарыс свежыя ў нас у марах. |
 |
Сумяшчаем жорсткасць і мяккасць, маем у сабе і долю сілы, і долю пяшчоты. |
 |
Адмаўляцца ад сквапнасці – значыць заслугоўваць гонар, а адмаўляцца ад здрадніцтва – значыць праяўляць гераізм. |
 |
Галоўка зламана, але сцябліна горда стаіць, пялёсткі ападаюць, але не перастаюць духмяна пахнуць. |
 |
Пунсовыя кветкі Мэй на снезе распускаюцца, духмяна пахнуць, і іхнія пяшчотныя пялёсткі не баяцца ні ветру, ні снегу – гэта сапраўдная Прыгажосць. |
