15 мая ў галерэі “Панарама” Нацыянальнай бібліятэкі Беларусі адбылося ўрачыстае адкрыццё выстаўкі акварэлі Вячаслава Паўлаўца “Акварэалізм”.
З прывітальным словам на мерапрыемстве выступілі загадчык галерэйна-выставачнага аддзела, старшыня грамадскага аб’яднання “Міжнародная гільдыя жывапісцаў” Фёдар Ястраб; намеснік старшыні грамадскага аб’яднання “Беларускі саюз мастакоў”, мастак-графік Рыгор Сітніца; старшы навуковы супрацоўнік Інстытута мастацтвазнаўства, этнаграфіі і фальклору імя К. Крапівы НАН Беларусі, кандыдат мастацтвазнаўства, дацэнт Алена Пікулік; кандыдат мастацтвазнаўства, прафесар кафедры народнага дэкаратыўна-прыкладнога мастацтва Беларускага дзяржаўнага ўніверсітэта культуры і мастацтваў Уладзімір Рынкевіч і мастак-графік Вячаслаў Паўлавец.
Экспазіцыя выстаўкі складаецца з графічных аркушаў, створаных мастаком за апошнія пяць гадоў.
Уваход на выстаўку платны, складае кошт наведвання агляднай пляцоўкі.
Кантактны тэлефон: (+375-17) 293-28-23.
E-mail: pr@nlb.by
 |
 |
 |
 |
 |
