ГалоўнаяНавіныМастацкія выстаўкі
Нацыянальная бібліятэка на XXVІ ММКВК: дзень другі
У Электронным каталогу НББ рэалізаваны адзіны пошукавы інтэрфейс да шматлікіх інфармацыйных рэсурсаў бібліятэкі

Ваенныя ў мастацтве: як прайшло адкрыццё выстаўкі "Айчыне служым"

Ваенныя ў мастацтве: як прайшло адкрыццё выстаўкі "Айчыне служым"
Іншыя навіны

7 лютага ў бібліятэцы адкрылася мастацкая выстаўка "Айчыне служым", прымеркаваная да 100-годдзя Узброеных Сіл Рэспублікі Беларусь і 75-годдзя вызвалення Беларусі ад нямецка-фашысцкіх захопнікаў.

Замалёўкі ваенных дзеянняў, глыбокія партрэты і пейзажы – асноўныя сюжэты, якія прадстаўлены на новай мастацкай выстаўцы. Аўтарамі жывапісу і графікі з’яўляюцца члены студыі ваенных мастакоў пры Цэнтральным доме афіцэраў.

У мерапрыемстве прыняў удзел дырэктар Нацыянальнай бібліятэкі Беларусі Раман Матульскі. Ён адзначыў, што важная частка дзейнасці галоўнага сацыякультурнага і інфармацыйнага цэнтра краіны – патрыятычнае выхаванне моладзі і фарміраванне правільнага разумення ролі арміі ў жыцці грамадства.

Палкоўнік, начальнік упраўлення ідэалагічнай работы Міністэрства абароны Рэспублікі Беларусь Уладзімір Макараў падкрэсліў, што выстаўка адлюстроўвае сучасную беларускую армію, і падзякаваў Нацыянальнай бібліятэцы за супрацоўніцтва.

Асабістым госцем стаў ветэран, першы намеснік старшыні Савета Мінскай гарадской арганізацыі ветэранаў, палкоўнік у адстаўцы Віктар Костка. Ён выказаў свае думкі аб гісторыі краіны і нагадаў пра баявыя заслугі беларускага народа ў Вялікай Айчыннай вайне.

Кіраўнік cтудыі ваенных мастакоў, заслужаны дзеяч мастацтваў Рэспублікі Беларусь Мікалай Апіок расказаў пра ролю мастацтва ў вайне і патрыятычным выхаванні моладзі і падарыў дырэктару Нацыянальнай бібліятэкі каталог работ студыі.

На ўрачыстым адкрыцці выстаўкі прагучаў музычна-паэтычны выступ галоўнага рэжысёра Драматычнага тэатра беларускай арміі Ігара Фільчанкава пра баявую службу салдат.

Напрыканцы мерапрыемства госці змаглі азнаёміцца з экспазіцыяй.


Наведаць выстаўку ў галерэі “Ракурс” (2-гі паверх) можна да 10 сакавіка 2019 г.
Дата яе заканчэння можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефоны для даведак: (8 017) 266 37 37, 293 28 33, 293 28 81.
Е-mail: pr@nlb.by

Матэрыял прадастаўлены аддзелам сувязей з грамадскасцю.


Навіны

Кансервацыя папяровых дакументаў: сучасны стан, тэндэнцыі развіцця

26 Май 2020

26 мая аддзелам рэстаўрацыі і кансервацыі бібліятэчных дакументаў Нацыянальнай бібліятэкі Беларусі быў праведзены вэбінар для абласных бібліятэк на тэму “Кансервацыя папяровых дакументаў: сучасны стан, тэндэнцыі развіцця”.

Бібліятэка анлайн

І зноў пра Вялікую Айчынную вайну: дакументы, артыкулы, успаміны пра ваенныя падзеі і абаронцаў – у інфармацыйным рэсурсе “Дзяржыншчына гераічная”

26 Май 2020

Аддаючы даніну памяці ўдзельнікам Вялікай Айчыннай вайны і загінулым, віртуальная чытальная зала Нацыянальнай бібліятэкі Беларусі працягвае знаёміць карыстальнікаў з краязнаўчымі рэсурсамі публічных бібліятэк, прысвечанымі гэтай тэме. На гэты раз прадстаўляем “Дзяржыншчыну гераічную” – электронны рэсурс Дзяржынскай раённай цэнтралізаванай бібліятэчнай сістэмы.

Бібліятэка анлайн

26 Май 2020

Wir.by публікуе лекцыі пра беларускую культуру. Гэта відэа, падкасты, артыкулы і нават гульні. Сярод асноўных тэм — лінгвістыка, літаратура, жывапіс, гісторыя, міфалогія, архітэктура і кіно.

Навіны бібліятэк

Буктрэйлеры: “Живые и мёртвые” Канстанціна Сіманава

26 Май 2020

Канстанцін Сіманаў сустрэў 1941 год ужо сфармаваным літаратарам, журналістам. Таму яго погляд на падзеі, у гушчы якіх ён апынуўся, асабліва каштоўны. Бо выяўленчая сіла літаратурнага таленту і пісьменніцкая назіральнасць дапамаглі яму разглядзець і захаваць на паперы шматлікія важныя дэталі жыцця на вайне.

Буктрэйлеры

Гісторыя, інтэрв’ю, экскурсіі ды іншыя цікавосткі – топ відэа пра Нацыянальную бібліятэку Беларусі

22 Май 2020

Нацыянальная бібліятэка Беларусі, турбуючыся пра здароўе сваіх чытачоў, часова зачыніла свае дзверы для наведвальнікаў, але па-ранейшаму працягвае актыўную працу анлайн.

Бібліятэка анлайн

Зводны электронны каталог бібліятэк Беларусі – для дыстанцыйнага абслугоўвання карыстальнікаў

22 Май 2020

З пераходам бібліятэк на дыстанцыйную форму абслугоўвання Зводны электронны каталог бібліятэк Беларусі можа стаць цудоўным памочнікам у пошуку і аддаленай працы з фондамі найбуйнейшых бібліятэк краіны.

Бібліятэка анлайн

22 мая – 120 гадоў з дня нараджэння вядомага беларускага вучонага Мікалая Іванавіча Каспяровіча

22 Май 2020

Славуты беларускі навуковец М.І. Каспяровіч (1900–1937) пакінуў значны след у гісторыі культуры Беларусі. Яго цікавілі літаратура і мова, архітэктура і жывапіс, гісторыя і этнаграфія, але найбольшую вядомасць ён атрымаў як выдатны краязнаўца і арганізатар беларускага краязнаўчага руху першай трэці ХХ ст.

Па старонках беларускага календара

111