ГалоўнаяНавіныМастацкія выстаўкі
“І зорка гарыць, і не вяне вянок…”: усё пра Максіма Багдановіча на адной выстаўцы!
Восеньскі калейдаскоп

Усё пачынаецца з… графікі: выстаўка, якая прымушае думаць

Усё пачынаецца з… графікі: выстаўка, якая прымушае думаць
Іншыя навіны

17 лістапада ў галерэі “Панарама”, на 22-м паверсе бібліятэкі, адкрылася выстаўка графікі “Пераемнасць”.


У экспазіцыі прадстаўлены работы студэнтаў і выпускнікоў кафедры графікі Беларускай дзяржаўнай акадэміі мастацтваў, якая заўсёды з’яўлялася кyзняй лепшых майстроў.

Падчас адкрыцця выстаўкі першы намеснік дырэктара Нацыянальнай бібліятэкі Беларусі Алена Далгаполава выказала ўпэўненасць у тым, што работы абудзяць цікавасць і жывы водгук у наведвальнікаў.

“Беларуская графіка – гэта лёгкасць эксперыменту, палёт фантазіі і любоў да Радзімы”, – адзначыў рэктар Беларускай дзяржаўнай акадэміі мастацтваў Міхась Баразна.

Сімвалічна, што выстаўка адкрываецца напярэдадні 500-годдзя беларускага кнігадрукавання, бо развіццё беларускай школы графікі вельмі цесна звязана з гісторыяй рукапіснай і друкаванай кнігі.

З адкрыццём выстаўкі студэнтаў павіншаваў народны мастак Беларусі, майстар графікі і жывапісу Васіль Шаранговіч. У сваім выступленні ён падкрэсліў: “Падмурак, на якім закладвалася беларуская графіка, захаваўся па сённяшні дзень. Майстэрства і любоў да Радзімы – вось два найважнейшыя складнікі гэтага фундамента”.

Загадчык кафедры графікі Беларускай дзяржаўнай акадэміі мастацтваў Юрый Хілько паднёс у дар Нацыянальнай бібліятэцы каштоўныя рарытэтныя работы 70–80-х гадоў.

“Беларуская школа графікі высока шануецца ва ўсім свеце! – сказаў прафесар кафедры графікі, кніжны ілюстратар, мастак Уладзімір Вішнеўскі. – Да прыкладу, супрацоўніцтва з Вроцлаўскай акадэміяй мастацтваў доўжыцца ўжо больш за дваццаць гадоў. Там заўсёды звяртаюць увагу на высокае майстэрства беларускіх графікаў”.

З графікі ўсё пачынаецца: эскіз алоўкам папярэднічае любой задуме. Майстэрскае выкарыстанне ліній і штрыхоў дазваляе мастаку стварыць незвычайныя і дзівосныя выявы. У работах, выкананых у тэхніках афорта, літаграфіі і лінарыта, − імкненне спасцігнуць сутнасць жыцця, па-філасофску асэнсаваць і абагульніць яго рэаліі.

Графіка вельмі прывабная! Яе хочацца разглядаць, і заўсёды ёсць што разгледзець: святло і цень, ноч і дзень, белае і чорнае, лінія, пляма, штрых, кропка. Графічныя работы – гэта загадка, інтрыга, недаказанасць. Пры іх успрыманні могуць узнікаць самыя розныя меркаванні наконт значэння сімвалаў на гэтых карцінах. Адно несумненна – эмацыянальнае ўздзеянне і жаданне паразважаць вам гарантавана!

Наведаць выстаўку графікі “на вышыні” можна да 19 снежня 2016 года. З 18 лістапада ўваход на выстаўку платны і складае кошт наведвання агляднай пляцоўкі.

Тэлефоны для даведак: (8 017) 293 27 56, 293 28 33.
Е-mail: pr@nlb.by

Навіны

Пасяджэнне Савета бібліятэк Беларусі па інфармацыйным узаемадзеянні

17 Кас 2019

16 кастрычніка ў бібліятэцы ў рамках працы VI Міжнароднага кангрэса “Бібліятэка як феномен культуры” адбылося штогадовае пасяджэнне Савета бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

Знаёмства будучых бібліятэкараў са спадчынай Яўгена Хлябцэвіча

17 Кас 2019

У рамках супрацоўніцтва паміж Нацыянальнай бібліятэкай Беларусі і Беларускім дзяржаўным універсітэтам культуры і мастацтваў 15 і 16 кастрычніка адбылося сумеснае мерапрыемства.

Навіны Нацыянальнай бібліятэкі Беларусі

Імпрэза “Чyжыx дyмaк нe пepaкaзвaў, cвae мeў” у Дзяржаўным музеі гісторыі беларускай літаратуры

16 Кас 2019

15 кастрычніка адбылося мерапрыемства “Чyжыx дyмaк нe пepaкaзвaў, cвae мeў”, прымеркаванае да 120-годдзя з дня нараджэння Адама Бабарэкі (14.10.1899–10.10.1938).

Навіны Нацыянальнай бібліятэкі Беларусі

ААН для міру і развіцця

17 Кас 2019

З 17 кастрычніка па 19 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “ААН для міру і развіцця”, прысвечаная Дню Арганізацыі Аб’яднаных Нацый.

Кніжныя выстаўкі

111