21 красавіка а 17-й гадзіне ў галерэі “Лабірынт” адбудзецца ўрачыстае адкрыццё дабрачыннага мастацкага праекта “Свет за акном”.
Арганізатарамі праекта з’яўляюцца Нацыянальная бібліятэка Беларусі і Міжнародная гільдыя жывапісцаў.
Галоўная ідэя дабрачыннай мастацкай выстаўкі ў тым, што абмежаваныя магчымасці фізічнага і псіхічнага характару не з’яўляюцца перашкодай для неабмежаванага выражэння сябе ў творчасці. Варта толькі грамадскасці не цурацца такіх праблем, не адварочвацца ад суграмадзян з абмежаванымі магчымасцямі, а ствараць такія ўмовы, пры якіх яны змогуць адчуваць сябе паўнавартаснымі асобамі і паспяхова рэалізоўваць свой творчы патэнцыял на карысць усім.
На выстаўцы будзе прадстаўлена каля 100 работ 25 аўтараў.
У праекце возьмуць удзел Мінская абласная спецыяльная агульнаадукацыйная школа-інтэрнат для дзяцей з парушэннем слыху, рэабілітацыйная студыя “Палітра”, Нацыянальны цэнтр мастацкай творчасці дзяцей і моладзі, псіханеўралагічны інтэрнат № 2.
Выстаўка будзе доўжыцца да 20 мая.
Тэлефоны для даведак: 293-28-23, 293-27-67.
Е-mail: pr@nlb.by
