ГалоўнаяНавіныМастацкія выстаўкі
Нацыянальная бібліятэка афарбавалася ў колеры канадскага флага
Больш за 4 тыс. нумароў беларускіх часопісаў міжваеннага перыяду сталі даступны анлайн

Скрозь прастору і час: запрашаем на фотавыстаўку “In zoom”

Скрозь прастору і час: запрашаем на фотавыстаўку “In zoom”
Іншыя навіны

7 ліпеня ў галерэі “Лабірынт” (3-ці паверх) Нацыянальнай бібліятэкі Беларусі пачне работу фотавыстаўка “In zoom”.

Аўтар здымкаў – Марына Бацюкова – беларуская мастачка, фатограф, сябра Беларускага саюза мастакоў і Беларускага грамадскага аб’яднання фатографаў. Спецыялізуецца ў галіне дакументальнай і канцэптуальнай фатаграфіі.

У экспазіцыі прадстаўлены здымкі, зробленыя ў межах праекта “Свае гісторыі", які прысвечаны ўзаемасувязі фатаграфій з іх натуральным асяроддзем. З 2016 года выданне “Свае гісторыі" – друкаванае ўвасабленне аднайменнага праекта – прэзентавалася ў музеях і галерэях Беларусі, Польшчы і Ізраіля. Кніга знаходзіцца ў бібліятэках Расіі, Славакіі, Літвы, Францыі, Швецыі Фінляндыі, Японіі і іншых краін свету. Некалькі экзэмпляраў ёсць у фондзе Нацыянальнай бібліятэкі Беларусі.

“Свае гісторыі" экспануюцца сумесна з асобнымі чорна-белымі фотаздымкамі. Сюжэтныя замалёўкі эмоцый нібы вяртаюць у працэс стварэння рэтрафотаздымкаў і гучаць ва ўнісон праекту.

Кожная работа – глыбокая, шматузроўневая гісторыя, занатаваная аўтарам. Скрозь фотааб’ектыў і ўяўленне мастака магчыма пераадольваць прастору і час. Убачыць вядомае і звычайнае ў іншым ракурсе, невядомае адчуць вельмі зразумелым і блізкім.


Наведаць выстаўку можна да 20 жніўня 2020 г.
Дата яе заканчэння можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефоны для даведак: (8 017) 266 37 37, 293 28 33.
E-mail: pr@nlb.by

Матэрыял пададзены аддзелам сувязей з грамадскасцю.

Навіны

Фонды яшчэ 37 бібліятэчных устаноў можна ўбачыць у Зводным электронным каталогу бібліятэк Беларусі

7 Жні 2020

68 тысяч бібліяграфічных запісаў на дакументы, якія захоўваюцца ў бібліятэках Шклоўскага і Крычаўскага раёнаў, папоўнілі рэгіянальны блок ЗЭК бібліятэк Беларусі – РЗЭК бібліятэк Магілёўскай вобласці.

Навіны Нацыянальнай бібліятэкі Беларусі

6 жніўня – дзень нараджэння беларускай друкаванай кнігі

6 Жні 2020

Беларускі першадрукар Францыск Скарына пачаў выдавецкую дзейнасць у 1517 годзе ў Празе. Першай кнігай стаў Псалтыр, у якім была пазначана дата завяршэння. Дзякуючы гэтаму мы ведаем не толькі год, а нават дзень нараджэння беларускай друкаванай кнігі – 6 жніўня 1517 года.

Навіны Нацыянальнай бібліятэкі Беларусі

Тэатр Уладзіслава Галубка

7 Жні 2020

Сёлета 10 жніўня спаўняецца 100 гадоў з пачатку існавання Беларускага трэцяга дзяржаўнага тэатра, арганізатарам і кіраўніком якога быў буйны дзеяч нацыянальнай сцэны, першы народны артыст Беларусі Уладзіслаў Іосіфавіч Галубок (1882–1937).

Праект “Сведкі эпохі: Беларусь на старонках газет 100-гадовай даўніны”

Да 180-годдзя загадкавага Альгерда Абуховіча

6 Жні 2020

У гісторыю беларускай літаратуры Альгерд Рышардавіч Абуховіч (псеўданім Граф Бандынэлі, даты жыцця 6 жніўня 1840 – 22 жніўня 1898) увайшоў як паэт, пісьменнік-рэаліст, перакладчык, адзін з пачынальнікаў жанру байкі, мастацкай прозы і мемуарыстыкі.

Па старонках беларускага календара

Пра сучасную Беларусь распавядае новая выстава бібліятэкі

5 Жні 2020

У Нацыянальнай бібліятэцы Беларусі, найбуйнейшым інфармацыйным цэнтры рэспублікі, сабрана максімальная колькасць аб’ектыўнай інфармацыі пра нашу краіну. Новая тэматычная выстава “Беларусь сёння” адкрылася ў зале перыядычных выданняў (пам. 106).

Кніжныя выстаўкі

Беларускія кнігі перададзены аўтаноміі беларусаў Расіі

5 Жні 2020

3 жніўня ў рамках дабрачыннай акцыі “Пра Беларусь – беларусам замежжа” Федэральнай нацыянальна-культурнай аўтаноміі беларусаў Расіі перададзена ў дар больш за 300 асобнікаў беларускіх выданняў.

Навіны Нацыянальнай бібліятэкі Беларусі

111