12 мая 2009 года ў галерэі “Ракурс” Нацыянальнай бібліятэкі Беларусі адбудзецца ўрачыстае адкрыццё гісторыка-культурнага праекта “Скарбы роднага краю: Ашмяншчына”.
Мерапрыемства пройдзе ў рамках аб’яўленага ў Беларусі Года роднай зямлі з мэтай папулярызацыі гісторыі роднага края і, у прыватнасці, багатай гісторыі Ашмян.
Арганізатарамі праекта выступяць Нацыянальная бібліятэка Беларусі, выдавецтва “Юнипак” сумесна з Ашмянскім раённым выканаўчым камітэтам і Інстытутам гісторыі НАН Беларусі.
Госці мерапрыемства змогуць пазнаёміцца з экспазіцыяй, на якой будуць прадстаўлены гістарычныя матэрыялы, друкаваная прадукцыя, фотаработы, вырабы дэкаратыўна-прыкладнога мастацтва майстроў Ашмянскага раёна.
Інстытутам гісторыі НАН Беларусі будзе аформлена выстаўка гістарычных артэфактаў.
У рамках праекта адбудзецца персанальная выстаўка члена Беларускага саюза мастакоў С. Шэмета “Пра Радзіму – з любоўю...”.
Музычны падарунак гасцям прапануюць ашмянскія творчыя калектывы.
Плануецца ўдзел у мерапрыемстве спецыялістаў коннаспартыўнага цэнтра “Гіпіка” з вёскі Грынцы Ашмянскага раёна.
Выдавецтва “Юнипак” прадставіць выстаўку друкаванай прадукцыі, прысвечанай Ашмянскаму раёну і яго гісторыі. Асаблівай увагі заслугоўвае перавыданне вядомай работы Крыштафа Дарагастайскага “Гиппика, или Книга о конях”, якое ажыццявілася пры ўдзеле супрацоўнікаў Нацыянальнай бібліятэкі Беларусі.
Тэлефоны для даведак: 293-28-23, 293-27-67.
Е-mail: pr@nlb.by
