ГалоўнаяНавіныМастацкія выстаўкі
Візіт парламенцкай дэлегацыі з Тайланда
Выйшаў зборнiк, прысвечаны Трасцянцу

“Размовы ў зялёных”

“Размовы ў зялёных”
Іншыя навіны

27 чэрвеня ў бібліятэцы адбылося адкрыццё выстаўкі IV Міжнароднага пленэру тэкстыльнай скульптуры “Размовы ў зялёных”.


Нестандартныя арт-аб’екты, скульптуры з лямца, стужак, карунак выкананы ва ўсіх адценнях зялёнага колеру, які выкарыстоўваецца аўтарамі як сімвал свабоды і адкрытых магчымасцей для эксперымента.

З прывітальным словам на адкрыцці экспазіцыі выступіла намеснік дырэктара Нацыянальнай бібліятэкі Беларусі Таццяна Кузьмініч. Яна ўзгадала час, калі яшчэ ў старым будынку бібліятэкі адкрывалі выстаўку, арганізаваную аўтарам праекта Ларысай Фінкельштэйн. І вось – “Гутаркі ў зялёных”… Дарэчы, гэта ўжо трэцяя выстаўка ў новым будынку. Асабліва эфектнай і смелай атрымалася экспазіцыя, прысвечаная свету металу, а ў гэты раз сваёй разнастайнасцю і стылем наведвальнікаў дзівяць тэкстыльныя скульптуры.

“Тэкстыль, адарваны ад сцяны”, – так ахарактарызавала ідэйную аснову выстаўкі яе куратар, член Міжнароднай асацыяцыі мастацтвазнаўцаў, Беларускага саюза мастакоў, Беларускага саюза дызайнераў, заснавальнік першай беларускай галерэі “Брама” Ларыса Фінкельштэйн. Яна падзялілася ўспамінамі пра папярэднія пленэры і планамі на будучыню – сёлета выстаўка адпраўляецца ў Італію, дзе будзе прадстаўлена ў цудоўных галерэйных залах. Ларыса Фінкельштэйн падзякавала кіраўніцтву і супрацоўнікам Нацыянальнай бібліятэкі за аказаную дапамогу ў арганізацыі мерапрыемства і цэннае шматгадовае супрацоўніцтва.

Адзнаку ў дзесяць балаў паставіла выстаўцы “Размовы ў зялёных” дацэнт кафедры тэорыі і гісторыі мастацтва Беларускай дзяржаўнай акадэміі мастацтваў Ганна Шавялевіч. Яна падкрэсліла, што зялёны колер натхніў майстроў на стварэнне раслінных тэкстыльных скульптур і аб’яднаў усіх у магутны струмень, новы рух у мастацтве твораў з тканіны.

У адкрыцці экспазіцыі прынялі ўдзел мастацтвазнавец, загадчык кафедры дызайну Інстытута сучасных ведаў імя А.М. Шырокава Леанід Дзягілеў; культуролаг, музыказнаўца, начальнік аддзела культуры холдынгу рускай прэсы “Вести недели” ў Ізраілі Іна Шэйхатовіч; дацэнт кафедры тэорыі і гісторыі мастацтва Беларускай дзяржаўнай акадэміі мастацтваў Ганна Шавялевіч, мастак, мастацтвазнавец, прафесар кафедры тэорыі і гісторыі мастацтва Беларускай дзяржаўнай акадэміі мастацтваў Яўгеній Шунейка, удзельнік пленэра, лаўрэат Дзяржаўнай прэміі Рэспублікі Беларусь Ніна Пілюзіна.

Лёгкімі летнімі ноткамі атмасферу мерапрыемства дапоўнілі музычныя кампазіцыі ў выкананні акустычнай групы “Верасень” пад кіраўніцтвам Вольгі Акуліч.

Пасля ўрачыстай часткі адбыўся прагляд экспазіцыі. Хоць зялёны лічыцца колерам спакою і маўчання, “размовы ў зялёных” не суцішваліся падчас знаёмства са скульптурамі. Кожны наведвальнік мог па-свойму інтэрпрэтаваць убачанае, уключыць фантазію і знайсці зусім нечаканыя асацыяцыі і рашэнні.

“Зялёная” крэатыўная выстаўка размясцілася ў галерэі “Лабірынт” (3-ці паверх).

Тэлефоны для даведак: (8 017) 293 27 56, 293 28 33.
Е-mail: pr@nlb.by

Навіны

Пасяджэнне Савета бібліятэк Беларусі па інфармацыйным узаемадзеянні

22 Кас 2020

21 кастрычніка ў рамках VII Міжнароднага кангрэса “Бібліятэка як феномен культуры” адбылося штогадовае пасяджэнне Савета бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

Чараўніцтва для чайнікаў: навошта адаптуюць класічныя казкі і дзе чытаць некласічныя

22 Кас 2020

З тых часоў, як чалавек навучыўся складаць гукі ў словы, а словы – у сказы, свет навокал пачаў імкліва абрастаць казкамі. Чароўнымі гісторыямі тлумачылі ўсё, што пужала сваёй нязведанасцю – змену часоў года, нараджэнне, смерць, колер птушынага пер’я і з’яўленне агню. Што ж з імі цяпер? Іх спасцігла доля нястрымнай адаптацыі. Старыя казкі перапісваюцца на новы лад, іх матывы ўплятаюцца ў іншыя гісторыі. Як гэта робіцца, а галоўнае – навошта? Давайце зірнём на гісторыю адаптацыі казачнай класікі.

Блог прафесійнага чытача

Сугучча

22 Кас 2020

З 22 кастрычніка на 3-м паверсе кальцавога калідора працуе выстаўка “Сугучча”, арганізаваная Нацыянальнай бібліятэкай Беларусі сумесна з Выдавецкім домам “Звязда”.

Кніжныя выстаўкі

Скарыназнаўства ў Францыі

21 Кас 2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Навіны Нацыянальнай бібліятэкі Беларусі

21 Кас 2020

Як шмат пытанняў выклікае спалучэнне слоў «беларуская мова»… А колькі ж гадоў гэтай мове? Можа, яе прыдумалі пісьменнікі пачатку ХХ стагоддзя? А ці самастойная гэтая мова? Адкуль яна з’явілася і хто на ёй размаўляў? Ці захаваліся старажытныя тэксты на гэтай мове?.. Даём слова вядучаму навуковаму супрацоўніку Інстытута мовазнаўства імя Якуба Коласа НАН Беларусі, кандыдату філалагічных навук Ірыне Будзько.

Навіны бібліятэк

111