ГалоўнаяНавіныМастацкія выстаўкі
Свет сёння: спыненне ядзерных выпрабаванняў і ліквідацыя ядзернай зброі
Моладзь XXI стагоддзя

Перазвон стагоддзяў

Перазвон стагоддзяў
Іншыя навіны

7 жніўня ў галерэі “Лабірынт” адбылося адкрыццё культурна-асветніцкага праекта “Перазвон стагоддзяў”, прымеркаванага да 100-годдзя з пачатку Першай сусветнай вайны.


Праект складаецца з трох тэматычных экспазіцый, якія падрыхтаваны Нацыянальнай бібліятэкай Беларусі, Пасольствам Злучаных Штатаў Амерыкі ў Рэспубліцы Беларусь і грамадскай арганізацыяй “Беларускі зялёны крыж”. “Такі комплексны падыход да падрыхтоўкі праекта павінен зрабіць яго цікавым шырокаму колу гледачоў”, – адзначыла пад час адкрыцця праекта першы намеснік дырэктара Нацыянальнай бібліятэкі Беларусі Алена Далгаполава.

Выстаўка “Першая сусветная вайна ў літаграфіях Жана-Луі Фарэна” грунтуецца на калекцыі з фонду Нацыянальнай бібліятэкі Беларусі. Мастак вельмі дакладна перадае драматызм вялікай вайны. Героямі яго сюжэтаў з’яўляюцца не толькі салдаты і гістарычныя персанажы, але і мірнае насельніцтва. Літаграфіі створаны ў 1914–1917 гг., надрукаваны тыражом 300 экзэмпляраў і падпісаны аўтарам. Большая частка з іх была апублікавана ў французскіх газетах “Le Figaro” і “L’Opinion”.

Па словах Алены Далгаполавай, у Нацыянальнай бібліятэцы Беларусі захоўваецца больш за 200 літаграфій мастака, а непасрэдна на выстаўцы экспануецца 56 работ з арыгінальным подпісам аўтара.

Экспазіцыя “Першая сусветная вайна ў амерыканскім плакаце, літаратуры, кіно і музыцы” змяшчае рэпрадукцыі амерыканскіх плакатаў, створаных у гэты гістарычны перыяд, дыскі з калекцыяй музычных твораў тых часоў, літаратурныя творы і кінафільмы. Пра асаблівасці выстаўкі і ўклад ЗША ў перамогу ў Першай сусветнай вайне расказаў аўдыторыі Часовы павераны ў справах Злучаных Штатаў Амерыкі ў Рэспубліцы Беларусь Скот Роланд. Дыпламат таксама прывёў словы тагачаснага прэзідэнта Злучаных Штатаў Вудра Уілсана пра тое, што неабходна зрабіць свет бяспечным для ўсіх. “На жаль, Першая сусветная вайна не стала апошняй... Мы павінны захоўваць памяць аб ёй і імкнуцца да міру ва ўсім свеце”, – сказаў Скот Роланд.

Пра трэцюю частку праекта – выстаўку “Пераклічка стагоддзяў: Першая сусветная вайна і свет сёння” – распавёў гасцям мерапрыемства дырэктар грамадскай арганізацыі “Беларускі зялёны крыж” Уладзімір Шаўцоў. Экспазіцыя складаецца з графічных работ, выкананых па матывах паэтычных твораў Г. Ахматавай, А. Блока, М. Валошына, М. Гумілёва, В. Мандэльштама, У. Маякоўскага, М. Цвятаевай і празаічных твораў А. Барбюса, Э.М. Рэмарка, Ф. Сцепуна, А. Талстога, М. Шолахава, якія закранаюць тэму Першай сусветнай вайны. Аўтарамі работ з’яўляюцца як маладыя, так і вопытныя мастакі і педагогі з Беларусі, Расіі і Украіны. Па словах Уладзіміра Шаўцова, мастакі шмат часу прысвяцілі вывучэнню літаратуры часу Першай сусветнай, збіраліся на пленэры на месцах баявых дзеянняў, каб найбольш яскрава адлюстраваць вайну ў сваіх творах.

Пра значнасць праекта для міжнароднага дыялогу расказаў кіраўнік Прадстаўніцтва Россупрацоўніцтва ў Рэспубліцы Беларусь Віктар Малашэнка. Тэматычнымі вершамі і песнямі ўразіла прысутных лаўрэат шматлікіх фестываляў аўтарскай песні Ала Бяляўская.

Акрамя прадстаўленых выставак, Нацыянальная бібліятэка Беларусі на сваім інтэрнэт-партале падрыхтавала віртуальны праект “Беларусь у Першай сусветнай”. У яго аснове – матэрыялы з фондаў бібліятэкі: кнігі, часопісы, выяўленчыя дакументы 1914–1917 гг. У рамках праекта было алічбавана каля 70 выданняў аб’ёмам звыш 10 тыс. старонак тэкставага матэрыялу, каля 150 выяў – ілюстрацыі, паштоўкі, фота- і літаграфіі. Асаблівую цікавасць прадстаўляе падборка твораў мастацкай літаратуры беларускіх аўтараў, многія з якіх былі ўдзельнікамі і сведкамі тых трагічных падзей.

Экспазіцыі праекта працуюць да 10 верасня 2014 г. на 3-м паверсе бібліятэкі, у галерэях “Атрыум” і “Лабірынт”.

Тэлефоны для даведак: (8 017) 293 27 56, 293 29 80.

Е-mail: pr@nlb.by

Навіны

Нацыянальная бібліятэка далучылася да дзён расійскай духоўнай культуры

19 Вер 2019

19 верасня ў бібліятэцы прайшоў шэраг мерапрыемстваў у рамках форуму “Гістарычная, культурная і духоўная еднасць расійскага і беларускага народаў”, прымеркаванага да дзён расійскай духоўнай культуры.

Навіны Нацыянальнай бібліятэкі Беларусі

Сустрэча з адвакатам “Статус маладога спецыяліста: правы і гарантыі”

19 Вер 2019

18 верасня 2019 г. Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Статус маладога спецыяліста: правы і гарантыі”.

Навіны Нацыянальнай бібліятэкі Беларусі

Візіт настаўнікаў беларускай мовы з Польшчы

19 Вер 2019

18 верасня для настаўнікаў беларускай мовы з Польшчы ў бібліятэцы ў межах семінара “Актуальныя пытанні вывучэння сучаснай беларускай мовы” былі арганізаваны музейныя заняткі. Сустрэча была ініцыіравана Акадэміяй паслядыпломнай адукацыі.

Навіны Нацыянальнай бібліятэкі Беларусі

Віртуальная чытальная зала працягвае знаёміць з рэсурсамі, прысвечанымі айчынным майстрам паэзіі і прозы

19 Вер 2019

Віртуальны музей Аркадзя Куляшова “Сэрца, дзе ўсёй зямлі трывога...” – гэтымі словамі паэта-класіка Аркадзя Куляшова звяртаем увагу аматараў слоўнай творчасці на персанальныя інфармацыйныя рэсурсы дзеячаў літаратуры Беларусі – М. Гарэцкага, А. Куляшова, У. Скарынкіна.

Навіны Нацыянальнай бібліятэкі Беларусі

Дырэктар бібліятэкі прыняў удзел у пасяджэнні савета па пытаннях адукацыі

18 Вер 2019

17 верасня на базе юрыдычнага факультэта Беларускага дзяржаўнага ўніверсітэта пры ўдзеле міністра адукацыі Ігара Карпенкі прайшло пасяджэнне грамадска-кансультатыўнага савета па пытаннях адукацыі пры Міністэрстве адукацыі Рэспублікі Беларусь.

Навіны Нацыянальнай бібліятэкі Беларусі

111