ГалоўнаяНавіныМастацкія выстаўкі
Калектыў Нацыянальнай бібліятэкі Беларусі віншуе!
Музейна-адукацыйная праграма “Якуб Колас – за навуку!”

“Наперадзе Парыж, за вокнамі Еўропа”: свежы погляд галерэі “БРАМА”

“Наперадзе Парыж, за вокнамі Еўропа”: свежы погляд галерэі “БРАМА”
Іншыя навіны

26 студзеня ў бібліятэцы адкрыўся мастацкі праект “Наперадзе Парыж, за вокнамі Еўропа”.


Аўтарская некамерцыйная канцэптуальная галерэя “БРАМА” вядомая далёка за межамі нашай краіны. Яе пленэры, захоўваючы былыя традыцыі, перажываюць дынамічныя змены. Рух наперад заключаецца не толькі ў пластыцы і стылістыцы, але і ў прасторы. У 2016 годзе ўдзельнікі галерэі правялі эксперыментальны перасоўны пленэр “на колах”, наведаўшы за тыдзень сем культурных сталіц шасці краін.

Свежы погляд і маментальныя ўражанні ад знаёмства з гарадамі адлюстраваліся на выстаўцы “Наперадзе Парыж, за вокнамі Еўропа”. Эскізы, замалёўкі і накіды, як свабодныя малюнкі, дазваляюць гледачу самастойна завяршыць твор. Калі жадаеш – няхай сёння Парыж будзе цёплым і сонечным, а ў Бруселі – вось-вось пойдзе дождж!

Ёсць на выстаўцы і гатовыя мастацкія палотны – “Яркі дзень у Амстэрдаме”, “Ціхая вуліца ў Парыжы”, "Сон пра Шагала” і інш. Імі трэба проста любавацца, у думках здзяйсняючы культурны арт-марафон разам з галерэяй “БРАМА”.

Яркі жывапіс кантрастуе з атмасфернымі чорна-белымі фотаздымкамі: вось дзяўчына ў мілым капялюшыку на фоне Эйфелевай вежы, графіці “Прыгоды Цінціна” на вулках Бруселя, старая пінакатэка Мюнхена.

Гасцей мерапрыемства і ўдзельнікаў пленэру вітала першы намеснік дырэктара Нацыянальнай бібліятэкі Беларусі Алена Далгаполава. Выканаўчы дырэктар фонду “Спадчына і час” гісторык Юрый Абдурахманаў адзначыў смеласць і ўнікальнасць праектаў, якімі галерэя “БРАМА” займаецца ўжо звыш дваццаці пяці гадоў. Выходзячы за рамкі ўстойлівага і звыклага ў мастацтве Беларусі, толькі “БРАМА” можа так гарманічна прадставіць “мазаіку” з розных па віду, жанры і тэхніцы выканання творчых работ.

Аўтар ідэі арт-дырэктар галерэі “БРАМА” Ларыса Фінкельштэйн падзялілася ўражаннямі і ўспамінамі пра пленэр, адзначыўшы цікавосткі і асаблівасці кожнага горада, дзе ім удалося пабываць: “Вобраз Амстэрдама – горад-цацка, горад-казка. Вельмі шмат дзіцячага ў ім – легенд, паданняў, незвычайных гісторый… і веласіпедаў! На дзіва, іх там вельмі многа. Чароўны Парыж – поўнасцю спраўдзіў усе чаканні!” І гэта адчуваецца ў работах мастакоў – нягледзячы на дамоўленасць не звяртацца да тэмы Эйфелевай вежы, амаль дзясятак работ прадстаўляюць менавіта яе. Падчас у самым нечаканым выглядзе – напрыклад, перавернутую!

Сапраўдную атмасферу Парыжа стварылі таленавітыя артысты і музыканты: мімы калектыву арыгінальнага жанру “Кто-то”, монацыклісты цыркавой студыі “Белая Русь”, скрыпачка, вучаніца Мачулішчанскай дзіцячай школы мастацтваў Марыя Аруцюнава. Вераніка Цубікава і Анастасія Траццяк выканалі вядомыя французскія песні, якія перанеслі ўсіх слухачоў у горад рамантыкі і настальгіі.

Запрашаем далучыцца да культурнага арт-марафону і наведаць экспазіцыю да 19 лютага 2017 года ў галерэі “Ракурс” (2-гі паверх).

Тэлефоны для даведак: (8 017) 293 27 56, 293 28 33.
Е-mail: pr@nlb.by

Навіны

VOKA бясплатна пакажа спектакль пра Скарыну па п’есе Віктара Марціновіча

22 Сту 2021

23 студзеня на відэасэрвісе VOKA адбудзецца трансляцыя спектакля Рэспубліканскага тэатра беларускай драматургіі “Кар’ера доктара Рауса”. Ён пастаўлены па п’есе Віктара Марціновіча, галоўным героем якой з’яўляецца Францыск Скарына.

Навіны бібліятэк

Стваральнік “Маладняка”: новы віртуальны раздзел да 115-годдзя Андрэя Александровіча

22 Сту 2021

У 2021 годзе мы працягваем плённую працу над сумесным праектам “На хвалі часу, у плыні жыцця”, які парадуе карыстальнікаў новымі цікавымі матэрыяламі і навінамі. Праект ажыццяўляе Нацыянальная бібліятэка Беларусі, Дзяржаўны музей гісторыі беларускай літаратуры, Беларускі дзяржаўны архіў-музей літаратуры і мастацтва і Выдавецкі дом “Звязда” (часопіс “Маладосць”).

Да 100-годдзя літаб'яднання "Маладняк"

Новы віртуальны праект да 100-годдзя Нацыянальнай бібліятэкі Беларусі

21 Сту 2021

Прапануем вашай увазе віртуальны праект “Нацыянальная бібліятэка Беларусі ў сучаснай прэсе”, прысвечаны 100-годдзю галоўнай бібліятэкі краіны. Праект плануецца рэалізоўваць на працягу 2021–2022 гг.

Да 100-годдзя Нацыянальнай бібліятэкі Беларусі

Песня аб райскім жыцці: інсітнае мастацтва Алены Кіш

21 Сту 2021

У 2021 годзе спаўняецца 125 гадоў самабытнай мастачцы, унікальнаму майстру, прадстаўніцы наіўнага мастацтва Алене Кіш. Яна з’яўляецца стваральнікам унікальнага выяўленчага жанру аўтарскага размаляванага дывана.

Па старонках беларускага календара

Без панікі: чаму дзецям карысна чытаць страшныя гісторыі і як рабіць гэта правільна

20 Сту 2021

Дамы з прывідамі, жывыя мерцвякі, злавесныя праклёны... Змрочныя гісторыі заўсёды лічыліся больш прыдатнымі для старэйшай аўдыторыі, такое не варта даваць чытаць дзецям. І вельмі дарма: у страшылках значна больш карысці, чым эфемернай шкоды. Праўда, да іх – як і да ўсіх кніг – варта падыходзіць з розумам. Сёння мы паглядзім, як адкрыць для дзіцяці забаронены свет страшных гісторый і чаму гэта ў цэлым карысна.

Аўтарскі погляд

Да 90-годдзя бібліёграфа Алены Іосіфаўны Леў, якая прысвяціла трыццаць два гады развіццю бібліятэчнай справы

21 Сту 2021

Увесь калектыў Нацыянальнай бібліятэкі Беларусі сардэчна віншуе Алену Іосіфаўну з юбілеем і жадае ёй моцнага здароўя, невычэрпнай энергіі і сіл, радасці, шчасця і дабрабыту.

Партрэты: гісторыя бібліятэкі ў асобах

Бібліятэкарам
111