ГалоўнаяНавіныМастацкія выстаўкі
Як патрапіць у шорт-ліст?
Простыя скульптуры

“Намалюй свае правы”: у бібліятэцы падвялі вынікі конкурсу

“Намалюй свае правы”: у бібліятэцы падвялі вынікі конкурсу
Іншыя навіны

6 снежня ў бібліятэцы прайшла цырымонія ўзнагароджання пераможцаў і прызёраў рэспубліканскай выстаўкі-конкурсу малюнка “Намалюй свае правы. 70 гадоў Усеагульнай дэкларацыі праў чалавека”.

Дакумент-юбіляр – адзін з самых важных у гісторыі чалавецтва. Дэкларацыя нават трапіла ў Кнігу рэкордаў Гінеса – за 70 гадоў яе перавялі больш чым на 500 моў. У дакуменце адлюстраваны асноўныя правы чалавека: права на жыццё, працу, адукацыю і медыцынскае абслугоўванне, годны ўзровень жыцця і многія іншыя. На аснове гэтага дакумента былі напісаны канстытуцыі многіх краін, у тым ліку Беларусі.

Да 70-годдзя Усеагульнай дэкларацыі праў чалавека Прадстаўніцтва Арганізацыі Аб’яднаных Нацый у Рэспубліцы Беларусь сумесна з Міністэрствам адукацыі Рэспублікі Беларусь і Нацыянальным цэнтрам мастацкай творчасці дзяцей і моладзі сталі арганізатарамі выстаўкі-конкурсу малюнка “Намалюй свае правы”.

На цырымоніі ўзнагароджання намеснік дырэктара Нацыянальнай бібліятэкі Беларусі па навуковай рабоце і выдавецкай дзейнасці Аляксандр Суша нагадаў, што галоўная бібліятэка краіны з 1957 года – дэпазітарый Арганізацыі Аб’яднаных Нацый, які захоўвае ўнікальную калекцыю дакументаў ААН, даступную для чытачоў.

Кіраўнік Дэпартамента грамадскай інфармацыі Прадстаўніцтва ААН у Беларусі Віктар Радзівіноўскі павіншаваў пераможцаў конкурсу і падзякаваў бацькам і настаўнікам за выхаванне ў дзецях павагі да праў і свабод чалавека.

У мерапрыемстве таксама ўзялі ўдзел намеснік дырэктара ўстановы адукацыі “Нацыянальны цэнтр мастацкай творчасці дзяцей і моладзі” Міністэрства адукацыі Рэспублікі Беларусь Алена Левіна, начальнік упраўлення інтэрнэт-рэсурсаў Нацыянальнага цэнтра прававой інфармацыі Рэспублікі Беларусь Андрэй Гвардзіян, пераможцы і прызёры конкурсу, бацькі, навучэнцы і педагогі ўстаноў дадатковай адукацыі дзяцей і моладзі з усіх рэгіёнаў краіны.

У заключным рэспубліканскім этапе конкурсу ўдзел прынялі больш за 500 чалавек ад 6 да 17 гадоў. Іх работы адлюстравалі ідэі, закладзеныя ва Усеагульнай дэкларацыі праў чалавека. Падарункамі і дыпломамі I, II і III ступені ў дзвюх намінацыях – “Жывапіс” і “Графіка” – былі ўзнагароджаны 30 чалавек. Астатнія ўдзельнікі ўдастоены дыпломаў выстаўкі-конкурсу.


З 7 снежня выстаўка будзе экспанавацца ў мабільнай галерэі (кальцавы калідор 3-га паверха).

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Телэфоны для даведак: (8 017) 293 28 33, 293 28 81.
Е-mail: pr@nlb.by

Матэрыял падрыхтаваны аддзелам сувязей з грамадскасцю.

Навіны

Навукова-практычная канферэнцыя “Бібліятэка як культурна-гістарычны аспект развіцця краіны”

18 Вер 2020

17 верасня ў г. Гродна адбылася навукова-практычная канферэнцыя “Бібліятэка як культурна-гістарычны аспект развіцця краіны”, прысвечаная 190-годдзю з дня заснавання Гродзенскай абласной навуковай бібліятэкі імя Я.Ф. Карскага.

Навіны Нацыянальнай бібліятэкі Беларусі

Запрашаем да ўдзелу ў навуковым зборніку “Здабыткі”

18 Вер 2020

У 2021 г. плануецца выданне 24-га выпуску зборніка навуковых артыкулаў “Здабыткі: дакументальныя помнікі на Беларусі”. Рэдакцыя выдання запрашае да супрацоўніцтва даследчыкаў кніжнай культуры.

Навіны Нацыянальнай бібліятэкі Беларусі

20 Вер 2020

ААТ “Белкніга” падвяла вынікі продажу кніг у студзені–жніўні сёлетняга года. У рэйтынгу продажаў са ста назваў кніг на беларускай мове, выдадзеных у Беларусі, на першым месцы – “Гары Потэр і філасофскі камень” Дж. Роўлінг. Нашы суайчыннікі набылі ў “Белкнізе” 288 асобнікаў. Другое месца – за раманам “Каласы пад сярпом тваім” Уладзіміра Караткевіча (выдавецтва “Попурри”; у рамана – 203 пакупнікі).

Навіны бібліятэк

Да 100-годдзя з дня нараджэння Раісы Пятроўны Сімаковай

18 Вер 2020

18 верасня спаўняецца 100 гадоў з дня нараджэння Раісы Пятроўны Сімаковай, ветэрана Нацыянальнай бібліятэкі Беларусі, удзельніцы Вялікай Айчыннай вайны, старшага сяржанта медыцынскай службы, блакадніцы Ленінграда.

Партрэты: гісторыя бібліятэкі ў асобах

111