ГалоўнаяНавіныМастацкія выстаўкі
Урачыстае адкрыццё музейнай экспазіцыі "Нацыянальная бібліятэка Беларусі. Вехі гісторыі"
Святочны сход з нагоды 85-годдзя Нацыянальнай бібліятэкі Беларусі

Міжнародная мастацкая выстаўка "Усведамленне міфа"

Міжнародная мастацкая выстаўка "Усведамленне міфа"
Іншыя навіны

5 верасня 2007 года ў галерэйна-выставачным комплексе Нацыянальнай бібліятэкі Беларусі адбылося ўрачыстае адкрыццё міжнароднай мастацкай выстаўкі "Усведамленне міфа" ("Осознание мифа").


     З дапамогай міфаў чалавек пачаў пазнаваць сябе і навакольны свет. З самых даўніх часоў і да нашых дзён свядомасць чалавека быццам выткана з мноства міфалагем. Міф як феномен масавай свядомасці актыўна выкарыстоўваецца ў сённяшніх умовах эканамічнымі і палітычнымі элітамі. Для творцаў - мастакоў, паэтаў, музыкаў - багацейшая міфалагічная культура свету стала сапраўднай крыніцай натхнення, асновай - сюжэтнай і вобразнай - безлічу твораў у выяўленчым мастацтве, літаратуры, кіно, тэатры, музыцы… Аснова з асноў любой культуры - фальклор - наскрозь прапітаны паданнямі, легендамі, міфамі.

    Адна з галоўных мэтаў праекта - мастацкімі сродкамі выявіць глыбіню і разнастайнасць міфалагічных асноў сучаснай культуры, напомніць аб класічным міфе і прапанаваць яго сучасную інтэрпрэтацыю.

    У выстаўцы прымаюць удзел шырока вядомыя ў Беларусі майстры пэнзлю, а таксама мастакі-графікі, скульптары, фотамастакі… Акрамя беларускіх мастакоў свае творы прадстаўляюць майстры з Нарвегіі, Арменіі, Расіі, Турцыі, Літвы, Украіны і іншых краін.

    Жывапіс, графіка, скульптура, медыя-арт, фотамастацтва - усё прадстаўленае на выстаўцы дае магчымасць дапытліваму і зацікаўленаму гледачу адчуць асалоду ад сумеснага з аўтарамі стварэння міфу.

    Выстаўка будзе дзейнічаць да 11 кастрычніка 2007.

Навіны

Скот Кэрал: “Беларусь стала нам вельмі дарагой”

23 Кас 2019

На працягу тыдня знаходзіўся ў нашай краіне з візітам знаны навуковец з ЗША, кіраўнік “Групы даследавання рукапісаў”, гісторык і археолаг, доктар філасофіі Скот Кэрал. Летась ў Нацыянальнай бібліятэцы Беларусі паспяхова прайшла міжнародная выстава “Беларусь і Біблія”, куратарам якой ён з’яўляўся.

Навіны бібліятэк

Святло зоркі, вернутае праз стагоддзе

22 Кас 2019

17 кастрычніка ў Дзяржаўным музеі гісторыі беларускай літаратуры адбылася лекцыя Ганны Севярынец “Крытык і сусвет. Адам Бабарэка, літаратура і літаратары”, адна з чатырох запланаваных да 120-годдзя таленавітага літаратуразнаўцы.

Аўтарскі погляд

14 Май 2008

Вялікі ўклад у развіццё літаратурнай бібліяграфіі краіны, распрацоўку яе методыкі, даследаванне жыцця і творчасці славутага беларускага паэта М. Багдановіча ўнесла выдатны бібліёграф, літаратуразнаўца, заслужаны дзеяч культуры Беларусі, член Саюза пісьменнікаў Беларусі Ніна Барысаўна Ватацы (14.05.1908 – 03.08.1997).

Партрэты: гісторыя бібліятэкі ў асобах

“Мінскае жыццё” на старонках газеты “Звон”

22 Кас 2019

У Беларусь польская інтэрвенцыя пачалася ў канцы лютага 1919 года. Палітычнае і ваеннае кіраўніцтва Польскай дзяржавы на чале з Юзэфам Пілсудскім разглядала Беларусь у якасці яе неад'емнай часткі. Ужо ў першай палове сакавіка 1919 г. польскімі войскамі былі захоплены гарады Брэст, Слонім, Ваўкавыск, Скідзель, Шчучын, Пінск. Праз месяц польскія войскі ўзнавілі наступленне. У ноч на 17 красавіка яны прарвалі Заходні фронт і захапілі Ліду і Баранавічы, а 21 красавіка – Вільню.

Праект “Сведкі эпохі: Беларусь на старонках газет 100-гадовай даўніны”

“Гадзіна музыкі” адкрывае новы сезон

21 Кас 2019

Нацыянальная бібліятэка Беларусі сумесна з Нацыянальнай акадэміяй навук Беларусі ў рамках “Гадзіны музыкі” адкрываюць новы сезон інтэрактыўных лекцый “Беларуская музыка ў сусветнай мастацкай прасторы”.

Навіны Нацыянальнай бібліятэкі Беларусі

111