ГалоўнаяНавіныМастацкія выстаўкі
Інтрыгі і жарсці часоў Рэфармацыі
Факультэту інфармацыйна-дакументных камунікацый БДУКіМ – 75 гадоў!

Мастацтва для кожнага: у бібліятэцы прадставілі работы дзяцей з парушэннем слыху

Мастацтва для кожнага: у бібліятэцы прадставілі работы дзяцей з парушэннем слыху
Іншыя навіны

24 верасня ў бібліятэцы адкрылася выстава “Колер цішыні”. Аўтары работ – выхаванцы Ждановіцкай спецыяльнай агульнаадукацыйнай школы-інтэрната.

Першы намеснік дырэктара Нацыянальнай бібліятэкі Беларусі Алена Далгаполава павіншавала прысутных з адкрыццём выставы і адзначыла, што такія праекты даюць дзецям з парушэннем слыху магчымасць рэалізаваць свае здольнасці і атрымаць творчую прафесію.

На адкрыцці выступілі дырэктар дзяржаўнай установы адукацыі “Ждановіцкая спецыяльная агульнаадукацыйная школа-інтэрнат” Іна Воўчак і настаўнік, кіраўнік студыі выяўленчага мастацтва “Фарбы” Ірына Бахар.

Мерапрыемства ўпрыгожылі маляўнічыя выступленні навучэнцаў школы-інтэрната. Дзеці ў святочных касцюмах перадавалі сэнс песень мовай жэстаў.

У юных мастакоў з’явілася магчымасць убачыць свае творы ў экспазіцыі, а таксама ацаніць рэакцыю публікі на іх творчасць. Дзеці з задавальненнем разглядалі работы адзін аднаго і радаваліся адкрыццю выставы. Падтрымаць іх прыехалі бацькі, настаўнікі, сябры і аднакласнікі.

Незвычайныя работы абуджаюць у гледача асаблівыя пачуцці, бо іх маленькія аўтары разумеюць свет па-свойму. Гэтыя дзеці валодаюць тонкім зрокавым успрыманнем, “адчуваюць” гукі. Пры гэтым тэмы адпавядаюць іх пяшчотнаму ўзросту. На карцінах красуюцца птушкі, каты, коні, алені і іншыя звераняты. Тут можна ўбачыць і караблікі, і веласіпед, і ўсё, што можа хваляваць маленькіх мастакоў.


Наведаць экспазіцыю можна да 28 студзеня 2020 г. у мабільнай галерэі (кальцавы калідор 3-га паверха).
Дата яе заканчэння можа быць зменена.

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефоны для даведак: (8 017) 293 28 33, 293 28 81.
E-mail: pr@nlb.by

Матэрыял прадастаўлены аддзелам сувязей з грамадскасцю.

Навіны

Чараўніцтва для чайнікаў: навошта адаптуюць класічныя казкі і дзе чытаць некласічныя

21 Кас 2017

З тых часоў, як чалавек навучыўся складаць гукі ў словы, а словы – у сказы, свет навокал пачаў імкліва абрастаць казкамі. Чароўнымі гісторыямі тлумачылі ўсё, што пужала сваёй нязведанасцю – змену часоў года, нараджэнне, смерць, колер птушынага пер’я і з’яўленне агню. Што ж з імі цяпер? Іх спасцігла доля нястрымнай адаптацыі. Старыя казкі перапісваюцца на новы лад, іх матывы ўплятаюцца ў іншыя гісторыі. Як гэта робіцца, а галоўнае – навошта? Давайце зірнём на гісторыю адаптацыі казачнай класікі.

Аўтарскі погляд

Скарыназнаўства ў Францыі

21 Кас 2020

23 кастрычніка адбудзецца рэальна-віртуальны навуковы круглы стол, прысвечаны кнігазнаўчым даследаванням у Францыі. Вядучым экспертам мерапрыемства выступіць Вольга Шутава, кандыдат гістарычных навук, кіраўнік Лабараторыі скарыназнаўства i валарызацыi даследаванняў гiсторыi культуры Беларусi (Парыж, Францыя).

Навіны Нацыянальнай бібліятэкі Беларусі

21 Кас 2020

Як шмат пытанняў выклікае спалучэнне слоў «беларуская мова»… А колькі ж гадоў гэтай мове? Можа, яе прыдумалі пісьменнікі пачатку ХХ стагоддзя? А ці самастойная гэтая мова? Адкуль яна з’явілася і хто на ёй размаўляў? Ці захаваліся старажытныя тэксты на гэтай мове?.. Даём слова вядучаму навуковаму супрацоўніку Інстытута мовазнаўства імя Якуба Коласа НАН Беларусі, кандыдату філалагічных навук Ірыне Будзько.

Навіны бібліятэк

Апублікавана праграма VII Міжнароднага кангрэса "Бібліятэка як феномен культуры"

20 Кас 2020

Запрашаем азнаёміцца з праграмай VII Міжнароднага кангрэса "Бібліятэка як феномен культуры", арганізаванага Нацыянальнай бібліятэкай Беларусі.

Навіны Нацыянальнай бібліятэкі Беларусі

111