ГалоўнаяНавіныМастацкія выстаўкі
Сведкі часу
Адкрыццё мастацкай выстаўкі "Экслібрысы Міколы Рыжага" і кніжнай выстаўкі "Мастацтва экслібрыса"

Мастацкі праект “Сеанс”

Мастацкі праект “Сеанс”
Іншыя навіны

17 ліпеня 2007 г. у галерэйна-выставачным комплексе Нацыянальнай бібліятэкі Беларусі адбылося ўрачыстае адкрыццё міжнароднага мастацкага праекта "Сеанс".


Сутнасць гэтага праекта была раскрыта на вернісажы. Незвычайнае адкрыццё, свабоднае ад паўгадзінных прамоў і скіраванае на максімальнае ўспрыняцце гледачом сутнасці стварэння мастацкага твора, спрыялі разуменню "кухні мастака", далучэнню да таямніцы творчага працэсу. Ужо традыцыяй на адкрыццях сталі перформансы. І на гэты раз не абышлося без дэманстрацыі перформанса пад кіраўніцтвам В. Дворнікавай. Высокая мастацкая культура, выразнасць рухаў была характэрнай для пастаноўкі, якую прадставіў тэатр пантамімы "Ай" пад кіраўніцтвам Д. Масцяніцы. Пластычная частка была гарманічна разбаўлена музычна-песеннымі папуры ў выкананні музыканта, паэта і кампазітара С. Пукста.

Упершыню ў выставачнай дзейнасці вернісаж меў інтэрактыўны характар. Самыя актуальныя пытанні пра нараджэнне твора, пра станаўленне мастака як творцы і асобы былі зададзены народнаму мастаку Беларусі і СССР, правадзейнаму члену Расійскай акадэміі мастацтваў, лаўрэату Дзяржаўнай прэміі Рэспублікі Беларусь Георгію Паплаўскаму; заслужанаму дзеячу мастацтваў Уладзіміру Кожуху і мастаку, мастацтвазнаўцу, дацэнту Беларускай дзяржаўнай акадэміі мастацтваў Яўгену Шунейку. Адбылася і "хвіліна славы" для маладых, яшчэ мала вядомых шырокай публіцы творцаў – фотамастака Андрэя Дубініна, графіка Філіпа Басалыгі, жывапісца Івана Семілетава.

Асаблівую цікавасць пад час асноўнай часткі адкрыцця выклікала бясплатная латарэя. Паміж наведвальнікамі мастацкага праекта разыграны 30 лотаў – творы такіх беларускіх мастакоў і фотамастакоў, як Л. Карнеева, У. Ісачанка, М. Байрачны, Н. Рачкоўская, Я. Шунейка, І. Семілетаў, А. Жарнасек, В. Калеснікава, Ф. Ястраб, В. Афанасьеў, В. Ціханаў.

Прадаўжэннем вечара сталі арт-студыі. "Фота-майстэрню" адкрылі фотамастакі Я. Залужны і В. Журліцын. Паназіраць, як ствараецца твор жывапісу і прычыніцца да гэтай справы змаглі гледачы арт-студыі В. Ціханава. Карціна "Яблынька", якая стала вынікам калектыўнай працы, будзе дэманстравацца на мальберце ўвесь час работы выстаўкі.

Усе жадаючыя таксама маглі стаць удзельнікамі стварэння "жывой карціны" з садавіны і гародніны, пасля чаго гэтая "карціна" дружна была ўжыта, набыўшы "новае мастацкае гучанне". Сапраўдная "кухня мастака" была адкрыта на выстаўцы маладой мастачкай Н. Скарынкай, якая стварыла з садавіны і гародніны кампазіцыю "Шлях да дэкадансу".

Вялікі ажыятаж сярод наведвальнікаў выклікала рысаванне з натуры. Партрэты ўсіх жадаючых стваралі Я. Шунейка, В. Афанасьеў і маладыя мастакі-графікі з Беларускай дзяржаўнай акадэміі мастацтваў. Спрадвечную сувязь "мастак – мадэль", "мастак – муза" змаглі адчуць каля 300 наведвальнікаў вернісажу.

Навіны

Скот Кэрал: “Беларусь стала нам вельмі дарагой”

23 Кас 2019

На працягу тыдня знаходзіўся ў нашай краіне з візітам знаны навуковец з ЗША, кіраўнік “Групы даследавання рукапісаў”, гісторык і археолаг, доктар філасофіі Скот Кэрал. Летась ў Нацыянальнай бібліятэцы Беларусі паспяхова прайшла міжнародная выстава “Беларусь і Біблія”, куратарам якой ён з’яўляўся.

Навіны бібліятэк

Святло зоркі, вернутае праз стагоддзе

22 Кас 2019

17 кастрычніка ў Дзяржаўным музеі гісторыі беларускай літаратуры адбылася лекцыя Ганны Севярынец “Крытык і сусвет. Адам Бабарэка, літаратура і літаратары”, адна з чатырох запланаваных да 120-годдзя таленавітага літаратуразнаўцы.

Аўтарскі погляд

14 Май 2008

Вялікі ўклад у развіццё літаратурнай бібліяграфіі краіны, распрацоўку яе методыкі, даследаванне жыцця і творчасці славутага беларускага паэта М. Багдановіча ўнесла выдатны бібліёграф, літаратуразнаўца, заслужаны дзеяч культуры Беларусі, член Саюза пісьменнікаў Беларусі Ніна Барысаўна Ватацы (14.05.1908 – 03.08.1997).

Партрэты: гісторыя бібліятэкі ў асобах

“Мінскае жыццё” на старонках газеты “Звон”

22 Кас 2019

У Беларусь польская інтэрвенцыя пачалася ў канцы лютага 1919 года. Палітычнае і ваеннае кіраўніцтва Польскай дзяржавы на чале з Юзэфам Пілсудскім разглядала Беларусь у якасці яе неад'емнай часткі. Ужо ў першай палове сакавіка 1919 г. польскімі войскамі былі захоплены гарады Брэст, Слонім, Ваўкавыск, Скідзель, Шчучын, Пінск. Праз месяц польскія войскі ўзнавілі наступленне. У ноч на 17 красавіка яны прарвалі Заходні фронт і захапілі Ліду і Баранавічы, а 21 красавіка – Вільню.

Праект “Сведкі эпохі: Беларусь на старонках газет 100-гадовай даўніны”

“Гадзіна музыкі” адкрывае новы сезон

21 Кас 2019

Нацыянальная бібліятэка Беларусі сумесна з Нацыянальнай акадэміяй навук Беларусі ў рамках “Гадзіны музыкі” адкрываюць новы сезон інтэрактыўных лекцый “Беларуская музыка ў сусветнай мастацкай прасторы”.

Навіны Нацыянальнай бібліятэкі Беларусі

111