3 сакавіка ў мастацкай галерэі "Лабірынт" Нацыянальнай бібліятэкі Беларусі ладзілася ўрачыстае адкрыццё выстаўкі "Кветкавы рай IV".
Пазнаёміцца з экспазіцыяй праекта "Кветкавы рай" Нацыянальная бібліятэка Беларусі і Міжнародная гільдыя жывапісцаў прапаноўваюць ужо ў чацвёрты раз.
На выстаўцы свае работы прадставілі больш за 30 майстроў жывапісу, дэкаратыўна-прыкладнога мастацтва, графікі і фотамастацтва. Творчыя работы Аляксандра Сушы, Уладзіміра Кожуха, Уладзіміра Рынкевіча, Фёдара Ястраба, Анастасіі Лебядзінскай, Таццяны Малышавай перадаюць самыя цёплыя пачуцці і глыбокія эмацыянальныя перажыванні мастакоў.
Адкрыла выстаўку першы намеснік дырэктара па абслугоўванні карыстальнікаў і ідэалогіі Нацыянальнай бібліятэкі Беларусі Алена Далгаполава. У мерапрыемстве ўзялі ўдзел куратар праекта, загадчык галерэйна-выставачнага аддзела Нацыянальнай бібліятэкі Беларусі Фёдар Ястраб; фотамастак, фотакарэспандэнт выдавецтва "Беларуская Энцыклапедыя імя Петруся Броўкі" Анатоль Дрыбас.
Выстаўка "Кветкавы рай IV" будзе доўжыцца да 14 красавіка.
Тэлефоны для даведак: 293 27 67, 293 28 23.
Е-mail: pr@nlb.by
 |
 |
 |
 |
