25 лютага 2009 года ў Нацыянальнай бібліятэцы Беларусі адбылося адкрыццё мастацкай выстаўкі “Кветкавы рай ІІІ”, прысвечанай Міжнароднаму жаночаму дню.
Ужо трэці год запар праект "Кветкавы рай" радуе наведвальнікаў разнастайнасцю цікавых работ у галіне жывапісу, графікі, дэкаратыўна-прыкладнога мастацтва і фатаграфіі, асноўнымі персанажамі якіх з’яўляюцца кветкі.
Падчас адкрыцця выстаўкі сваё майстэрства гледачам прадэманстравалі ўдзельнікі калектыву бальна-спартыўнага танца "Дуэт" і навучэнцы студыі дзіцячай моды "Пчолка" Мінскага дзяржаўнага палаца дзяцей і моладзі.
У святочнай цырымоніі адкрыцця выстаўкі прынялі ўдзел загадчык галерэйна-выставачнага аддзела Нацыянальнай бібліятэкі Беларусі Ф.А. Ястраб і начальнік сацыякультурнага цэнтра Нацыянальнай бібліятэкі Беларусі С.І. Шарамецьеў, свае віншаванні і пажаданні гасцям выказалі графік, жывапісец, дызайнер, мастак-аніматар Д.М. Сурыновіч, кандыдат мастацтвазнаўства, дацэнт Беларускай дзяржаўнай акадэміі мастацтваў Я.Ф. Шунейка і мастак В.П. Ціханаў.
Выстаўка будзе працаваць да 16 красавіка 2009 года.
Тэлефоны для даведак: 293-28-23, 293-27-56.
Е-mail: pr@nlb.by