У зале выяўленчых і відэадакументаў (пам. 307) з 2 лістапада па 16 снежня праходзіць выстаўка “Кастрычніка барвовы вецер”, якая знаёміць з калекцыяй паштовак і плакатаў 40–70-х гадоў XX ст. з фондаў Нацыянальнай бібліятэкі Беларусі.
У першыя рэвалюцыйныя гады ў Расіі галоўную ролю адыгрывалі аператыўныя і палітызаваныя віды мастацтва – палітычныя плакаты, паштоўкі і іншыя мастацкія формы агітацыі. Менавіта ў такіх масавых формах мастацкай творчасці перш за ўсё праявіліся характэрныя прыметы часу. Не разлічаныя на доўгачасовае існаванне, яны ўзнікалі разам з хутка зменлівымі падзеямі і таксама хутка адміралі, замяняючыся іншымі прыёмамі мастацкага ўздзеяння на масы. І калі для сучаснікаў падзеі гісторыі часта цяжкія і нецікавыя, то ў перспектыве яны набываюць значнасць.
На выстаўцы прадстаўлена звыш 120 дакументаў. Гэта паштоўкі і плакаты, прысвечаныя падзеям кастрычніка 1917 года.
Экспазіцыя разлічана на ўсе катэгорыі чытачоў, якія цікавяцца гісторыяй савецкай графікі і плакатнага мастацтва.
Кантактны тэлефон: 293-27-58.