ГалоўнаяНавіныМастацкія выстаўкі
Чай – мастацтва, даступнае ўсім
Казкі чараўніцы зімы

“Калевала” па-беларуску

“Калевала” па-беларуску
Іншыя навіны

10 снежня ў бібліятэцы адбылася прэзентацыя першага перакладу на беларускую мову фінскага нацыянальнага эпасу “Калевала”.


Эпас “Калевала” ў перакладзе Якуба Лапаткі ўбачыў свет у лістападзе ў выдавецтве Зміцера Коласа. У адрозненне ад шэрагу іншых перакладаў “Калевалы” на замежныя мовы пераклад на беларускую быў зроблены непасрэдна з фінскай і выдатна перадае ўсе тонкасці арыгіналу: і мову, і інтанацыю, і вобразны свет.

“Калевала” – нацыянальны эпас Фінляндыі, у аснове якога ляжаць карэла-фінскія народныя вершы і песні, сабраныя і апрацаваныя выбітным фінскім паэтам Эліясам Лёнратам. Першае выданне “Калевалы” з’явілася ў 1835 годзе, 180 гадоў таму. За гэты час фінскі эпас быў перакладзены на больш за 60 моў свету.

З’яўленне “Калевалы” адыграла важную ролю для развіцця фінскага грамадства, стала краевугольным каменем фінскай нацыянальнай свядомасці. І сёння “Калевала” з’яўляецца крыніцаю натхнення для многіх грамадскіх дзеячаў і дзеячаў культуры: мастакоў, кампазітараў, пісьменнікаў. Так, менавіта фінскі эпас натхніў Дж. Р.Р. Толкіена на напісанне рамана “Уладар пярсцёнкаў”…

У мерапрыемстве прынялі ўдзел міністр культуры Рэспублікі Беларусь Барыс Святлоў, Надзвычайны і Паўнамоцны Пасол Фінляндскай Рэспублікі ў Літоўскай Рэспубліцы і Рэспубліцы Беларусь Харры Мякі-Рэйніка, дырэктар Нацыянальнай бібліятэкі Беларусі Раман Матульскі, кіраўнік аддзялення Пасольства Фінляндскай Рэспублікі ў Рэспубліцы Беларусь Лаўры Пулала, выдавец Зміцер Колас і перакладчык Якуб Лапатка.

Падчас мерапрыемства госці пазнаёміліся і з мастацкай выстаўкай “«Калевала» вачыма рускіх мастакоў”, якая з’яўляецца вынікам сумеснага праекта аб’яднання “Калевала” (Хельсінкі) і Інстытута Фінляндыі (Санкт-Пецярбург). Выстаўка прымеркавана да 180-гадовага юбілею “Калевалы” і будзе доўжыцца да 17 студзеня 2016 года.

Тэлефоны для даведак: (8 017) 293 28 33, 293 28 23.
Е-mail: pr@nlb.by

 

Навіны

BelBookChallenge падаўжаецца да 6 сакавіка

18 Сту 2021

BelBookChallenge набірае абароты, а вы ніяк не можаце за ім угнацца?
Па шматлікіх просьбах удзельнікаў BelBookChallenge падаўжаецца яшчэ на месяц – да 6 сакавіка ўключна. Выдатны шанец нагнаць упушчанае або нават пачаць чэлендж! Чым не выклік самому сабе?

Блог прафесійнага чытача

Віртуальная прэзентацыя літаратурнай спадчыны Андрэя Александровіча

18 Сту 2021

22 студзеня ў межах праекта “На хвалі часу, у плыні жыцця” ў бібліятэцы адбудзецца мерапрыемства “Віртуальная прэзентацыя літаратурнай спадчыны Андрэя Александровіча” (1906–1963), прымеркаванае да 115-годдзя беларускага паэта, аднаго з заснавальнікаў літаратурнага аб’яднання “Маладняк”.

Да 100-годдзя літаб'яднання "Маладняк"

Вялікі талент, вялікая работа, вялікае сэрца

18 Сту 2021

З 18 студзеня па 29 красавіка ў кальцавым калідоры 2-га паверха арганізавана кніжна-ілюстрацыйная выстаўка, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2020 год.

Кніжныя выстаўкі

Выстава “З кніг Уладзіміра Караткевіча” працуе да канца студзеня

19 Сту 2021

Скарыстайцеся магчымасцю і наведайце незвычайную выставу, прысвечаную 90-годдзю з дня нараджэння Уладзіміра Караткевіча, якая дзейнічае ў музеі кнігі Нацыянальнай бібліятэкі Беларусі.

Навіны Нацыянальнай бібліятэкі Беларусі

#BelBookChallenge: кніга, дзе фігурыруе выбітная гістарычная постаць

16 Сту 2021

Часам вы берацеся за нейкую тэму, а ў ёй столькі цікавага, што вам даводзіцца ламаць галаву ў нерашучасці – якую з іх выбраць? І гэтая тэма не выключэнне. Вочы разбягаюцца ад колькасці кніг з гістарычнымі асобамі? Хочацца, каб яна была і пазнавальнай, і нестандартнай, але каб сярод герояў – людзі, знаёмыя кожнаму беларусу хоць бы па падручніках гісторыі? Не панікуйце! Прадстаўляем вам спіс з пяці выдатных кніг, якія ідэальна падыходзяць па тэме. Ад вядомай класікі да коміксаў па Караткевічу – ніхто не застанецца абыякавым!

Блог прафесійнага чытача

Завітайце на літаратурна-музычнае мерапрыемства “Мой Багдановіч”

16 Сту 2021

21 студзеня ў 19.00 абавязкова завітайце на літаратурна-музычнае мерапрыемства “Мой Багдановіч”, падрыхтаванае Дзяржаўным музеем гісторыі беларускай літаратуры сумесна з Літаратурным тэатрам “Слова” пад кіраўніцтвам Зінаіды Феакціставай-Каладзяжнай.

Навіны бібліятэк

Бібліятэкарам
111