ГалоўнаяНавіныМастацкія выстаўкі
Заўсёды разам са сваімі чытачамі
Перадача ў дар кніг

Інтэрактыўны праект “Сеанс-3”

Інтэрактыўны праект “Сеанс-3”
Іншыя навіны

23 мая ў галерэі “Лабірынт” Нацыянальнай бібліятэкі Беларусі адбылося ўрачыстае адкрыццё інтэрактыўнага праекта “Сеанс-3”.


З прывітальным словам на мерапрыемстве выступіў загадчык галерэйна-выставачнага аддзела, старшыня ГА “Міжнародная гільдыя жывапісцаў” Фёдар Ястраб. Для ўдзельнікаў праекта спявала студэнтка першага курса Беларускай дзяржаўнай акадэміі мастацтваў Ксенія Мацук.

Інтэрактыўны праект “Сеанс” – адзін з самых папулярных сярод шырокай публікі. Гледачы змаглі далучыцца да творчага працэсу пад кіраўніцтвам вядомых беларускіх мастакоў, фатографаў і майстроў дэкаратыўна-прыкладнога мастацтва. На працягу некалькіх гадзін наведвальнікі малявалі разам з мастакамі. Паспрабавалі сябе ў ролі мадэлі, паўдзельнічалі ў фотасесіях, майстар-класе па выцінанцы, пазнаёміліся з сакрэтамі стварэння габеленаў. Вячаслаў Паўлавец падзяліўся тайнамі акварэльнай тэхнікі, а Юрый Падолін растлумачыў, што такое манатыпія і як яна ствараецца. Яўген Шунейка, Антон Вырва і Ганна Мельнікава ўвесь вечар малявалі партрэты з натуры.

Інтрыгай праекта стала бясплатная латарэя. Арганізатары мерапрыемства разыгралі 25 твораў знакамітых і толькі пачынаючых беларускіх мастакоў.

Экспазіцыя мастацкага праекта “Сеанс-3” размешчана ў галерэях “Атрыум” і “Лабірынт” да 15 чэрвеня 2012 г.

Чытайце таксама:

   

Навіны

Літаратурныя смачнасці: 10 мастацкіх кніг з рэцэптамі

12 Май 2021

У дажджлівыя вясновыя дзянькі абавязкова хочацца чым-небудзь сябе пацешыць. Добры спосаб – заняцца любімым хобі, сустрэцца з сябрамі або... проста паесці. Пэўна ў вашым спісе любімых рэчаў пункт “смачная ежа” ідзе адразу пасля мастацкай літаратуры, а калі яны спалучаюцца, атрымліваецца цудоўны спосаб падбадзёрыць сябе і натхніць на будучыя здзяйсненні – можа, нават кулінарныя. Сёння мы паглядзім на дзесяць выдатных мастацкіх кніг, у якіх гатаванне мае важную ролю, а стравы абавязкова хочацца пакаштаваць. Падрыхтуйце хустачкі: ад некаторых апісанняў проста слінкі цякуць.

Аўтарскі погляд

Семінар-практыкум “Беларускія тэксты арабскім пісьмом”

12 Май 2021

У бібліятэцы скончыліся заняткі ў рамках семінара-практыкуму “Беларускія тэксты арабскім пісьмом”, падчас якіх усе зацікаўленыя мелі ўнікальную магчымасць навучыцца чытаць кітабы.

Навіны Нацыянальнай бібліятэкі Беларусі

Чырвоная кніга

12 Май 2021

13 мая ў музеі кнігі пачне працу выстава “Чырвоная кніга”. Галоўным экспанатам стане арт-кніга маладых беларускіх мастакоў Марыны Жвірбля і Фёдара Шурмялёва.

Кніжныя выстаўкі

“Цікава пачытаць”: кніга “Мора ў чамадане, або Казка вяртаецца”

12 Май 2021

8 мая ў дзіцячым пакоі на занятках “Цікава пачытаць” дзеці даведаліся аб займальных прыгодах школьніцы Марыі Лапінай – галоўнай гераіні кнігі Надеі Ясмінска “Мора ў чамадане, або Казка вяртаецца”.

Навіны Нацыянальнай бібліятэкі Беларусі

“Беларускі салавей”: новая віртуальная экспазіцыя да 135-годдзя з дня нараджэння Змітрака Бядулі

7 Май 2021

Прадстаўляем новы раздзел віртуальнага праекта “На хвалі часу, у плыні жыцця”, які рэалізуецца Нацыянальнай бібліятэкай Беларусі, Дзяржаўным музеем гісторыі беларускай літаратуры, Беларускім дзяржаўным архівам-музеем літаратуры і мастацтва і часопісам “Маладосць” да 100-годдзя ўтварэння літаратурнага аб’яднання “Маладняк”.

Да 100-годдзя літаб'яднання "Маладняк"

Водгукі пра XVІІ Міжнародныя кнігазнаўчыя чытанні

7 Май 2021

22–23 красавіка ў Нацыянальнай бібліятэцы Беларусі адбыўся маштабны навуковы форум Міжнародныя кнігазнаўчыя чытанні. Пасля завяршэння канферэнцыі арганізатары падводзяць вынікі, каб вызначыць, наколькі праект дасягнуў сваіх мэт. Сваім меркаваннем пра канферэнцыю падзяліліся яе ўдзельнікі – беларускія і замежныя эксперты.

Навіны Нацыянальнай бібліятэкі Беларусі

Ля Кургана Славы адбылося ўрачыстае ўскладанне кветак

6 Май 2021

У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.

Навіны Нацыянальнай бібліятэкі Беларусі

Бібліятэкарам
111