9 чэрвеня 2009 года ў галерэі “Ракурс” адбылося ўрачыстае адкрыццё ІІ Мінскай міжнароднай выстаўкі графікі “Арт-лінія”.
Міжнародная выстаўка графікі праходзіць у Нацыянальнай бібліятэцы Беларусі ўжо ў другі раз і экспануецца ў трох галерэях: “Ракурс”, “Лабірынт” і “Атрыум”.
На вернісажы прадстаўлена 140 графічных твораў мастакоў з Арменіі, Украіны, Беларусі, Латвіі, Польшчы і Балгарыі.
У рамках выстаўкі быў праведзены конкурс, вынікі якога ацаніла аўтарытэтнае міжнароднае журы. Гран-пры выстаўкі атрымаў Чукіч Уладзімір (Балгарыя) за творы “Сон пірамід І”, “Сон пірамід ІІ” і “Сон пірамід ІІІ”. Дыпломы І ступені прысуджаны Драздову Генадзю (Беларусь), Няхайчык Але (Беларусь), Петкаву Міхаілу (Балгарыя). Дыпломамі ІІ ступені былі адзначаны работы Нікіціна Артура (Латвія), Каменава Захары (Балгарыя), Мікалайчык Дароты (Польшча). Спецыяльны дыплом “За высокую тэхніку выканання” міжнароднае журы прысудзіла Драгун Маі (Латвія), Ковач Эмануэле (Балгарыя), Дзенісенку Алегу (Украіна). Спецыяльныя дыпломы “За арыгінальнае пластычнае рашэнне” атрымалі Данялян Рыгор (Арменія), Сідарэц Аляксандра (Украіна), Божкаў Стэфан (Балгарыя).
Выстаўку можна наведаць да 30 жніўня.
Кантактныя тэлефоны: 293-28-86, 293-27-67.
E-mail: pr@nlb.by
 |
 |
 |
 |
 |
|
