ГалоўнаяНавіныМастацкія выстаўкі
Неверагодная гісторыя клічніка!
Пад чыстым небам Раства

Галерэі “Брама” 30 гадоў!

Галерэі “Брама” 30 гадоў!
Іншыя навіны

12 студзеня ў Нацыянальнай бібліятэцы адбылося ўрачыстае адкрыццё выставы "30 гадоў першай беларускай галерэі", прымеркаванай да юбілею аўтарскай некамерцыйнай канцэптуальнай галерэі “Брама”.

Выставачны праект – рэтраспектыўны дайджэст 30 гадоў існавання галерэі. На яе рахунку – каля 300 выстаў і канцэптуальных праектаў, у тым ліку міжнароднага фармату. Выставы ўпрыгожвалі фестывалі і прэм’еры, адкрывалі новыя імёны.

З прывітальным словам да прысутных звярнулася генеральны дырэктар Нацыянальнай бібліятэкі Беларусі Аксана Кніжнікава. Яна падкрэсліла, што для бібліятэкі стала добрай традыцыяй супрацоўніцтва з галерэяй “Брама”: “30 гадоў для канцэптуальнай галерэі – узрост, які сведчыць аб зацікаўленасці грамадства ў мастацтве і дае магчымасць ганарыцца вялікай колькасцю яскравых выставачных праектаў”.

Ларыса Фінкельштэйн – куратар выстаўкі, мастацтвазнаўца, арт-крытык, арт-дырэктар аўтарскай некамерцыйнай канцэптуальнай галерэі “Брама”, член Беларускага саюза мастакоў, Беларускага саюза дызайнераў – падзялілася найцікавейшымі гісторыямі пра станаўленне і няпросты шлях першай беларускай галерэі, пра яе дзейнасць на нацыянальным і міжнародным узроўнях і абвясціла аб закрыцці галоўнага праекта свайго жыцця – галерэі “Брама”.

Выказаць падзяку за праведзеную працу, па вартасці ацаніць уклад у развіццё беларускага мастацтва, павіншаваць галерэю “Брама” з юбілеем сабраліся калегі, сябры і госці. З цёплымі словамі да прысутных звярнуліся намеснік старшыні Беларускага саюза мастакоў па творчай рабоце, мастак-графік Андрэй Басалыга, мастацтвазнаўца, вядучы навуковы супрацоўнік Нацыянальнага мастацкага музея Надзея Усава, калекцыянер сучаснага беларускага мастацтва, куратар мастацкіх і музычных праектаў Яўгеній Ксяневіч, заслужаны журналіст Рэспублікі Беларусь, аўтар дзевяці дакументальных фільмаў, член Міжнароднай акадэміі тэлебачання і радыё Тамара Вяцкая, гісторык мастацтва, куратар выставак, перакладчык і журналіст Юрый Абдурахманаў.

Цёплую атмасферу сустрэчы стварылі творчыя нумары тэатра танца “Отражения”, квартэт саксафонаў “SaXaS” і цыркавая студыя “Белая Русь”.

“Брама” – эпоха і падзея ў беларускай галерэйна-выставачнай прасторы. Юбілей галерэі – сімвал вопыту асэнсаванага спажывання выяўленчага мастацтва беларускім гледачом, які за дзесяцігоддзі назапасіў веды аб беларускай культуры, яе самых бескампрамісных, смелых, выразных, своеасаблівых аўтарах і творах, а таксама аб надзвычайна таленавітым, харызматычным мастацтвазнаўцы – заснавальніцы аўтарскай некамерцыйнай канцэптуальнай галерэі “Брама” Ларысе Давідаўне Фінкельштэйн.

У экспазіцыі – работы яркіх майстроў: Алеся Родзіна, Андрэя Плясанава, Віктара Саўчанкі, Гаўрыла Вашчанкі, Ізраіля Басава, Марыі Талецкай, Марыны Бацюковай і многіх іншых не менш значных асоб, якія найбольш адпавядаюць духу галерэі і здзейсненым ёй за 30 гадоў праектам. Жывапіс, графіка, інсталяцыі, скульптура, шкло, фарфор, кераміка, дрэва, метал, скура, тэкстыль ствараюць грандыёзную, сапраўды чароўную прастору.

Убачыць апошні выставачны праект зорак беларускага мастацтва і даведацца болей пра гісторыю першай беларускай галерэі можна ў галерэі "Ракурс" (2-гі паверх) да 1 сакавіка 2022 г.
Дата заканчэння працы экспазіцыі можа быць зменена.

Уваход – па чытацкім білеце або білеце сацыякультурнага цэнтра.
Час работы выстаўкі адпавядае рэжыму работы бібліятэкі.

Тэлефон для даведак: (8 017) 368 37 37.

Матэрыял пададзены аддзелам сувязей з грамадскасцю.

Навіны

Размова з адвакатам аб адказнасці за дзеянні ў сацыяльных сетках

20 Май 2022

19 мая Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавала і праведзена штомесячная тэматычная сустрэча з адвакатам “Адказнасць за дзеянні ў сацыяльных сетках (каментарыі, лайкі, рэпосты)”.

Навіны Нацыянальнай бібліятэкі Беларусі

Падзяка за паспяховае супрацоўніцтва ў лічбавізацыі культурнай спадчыны

19 Май 2022

19 мая ў рамках II Міжнароднага лічбавага форуму #GBC (Дзяржава. Бізнес. Грамадзяне) намеснік генеральнага дырэктара ТАА “Беларускія воблачныя тэхналогіі” Міхаіл Дука ўручыў генеральнаму дырэктару Нацыянальнай бібліятэкі Беларусі Аксане Кніжнікавай падзяку за паспяховае супрацоўніцтва пры рэалізацыі праекта па лічбавізацыі культурнай спадчыны Беларусі.

Навіны Нацыянальнай бібліятэкі Беларусі

Віншуем з 85-годдзем Святлану Уладзіміраўну Фядулаву!

21 Май 2022

Калектыў Нацыянальнай бібліятэкі Беларусі ад усёй душы віншуе Святлану Уладзіміраўну з цудоўным юбілеем і жадае даўгалецця, шчасця і дабрабыту, невычэрпнай энергіі і сіл. Хай кожны ваш дзень будзе напоўнены гармоніяй і спакоем!

Партрэты: гісторыя бібліятэкі ў асобах

Візіт дэлегацый сталічных падраздзяленняў органаў унутраных спраў дзяржаў – удзельніц СНД

18 Май 2022

18 мая Нацыянальную бібліятэку Беларусі наведалі дэлегацыі сталічных падраздзяленняў органаў унутраных спраў / паліцыі дзяржаў – удзельніц Садружнасці Незалежных Дзяржаў.

Навіны Нацыянальнай бібліятэкі Беларусі

XXVIII Міжнародныя Кірыла-Мяфодзіеўскія чытанні

17 Май 2022

17 мая ў Нацыянальнай бібліятэцы Беларусі адкрыліся XXVIII Міжнародныя Кірыла-Мяфодзіеўскія чытанні “Хрысціянства ў Беларусі: гісторыя, тэалогія, традыцыі”, прымеркаваныя да 1030-годдзя Праваслаўнай царквы на беларускіх землях.

Навіны Нацыянальнай бібліятэкі Беларусі

Бібліятэкарам