ГалоўнаяНавіныМастацкія выстаўкі
Кветкавы рай
Дзіцячы пакой запрашае

Фотапраект “Жыццё”

Фотапраект “Жыццё”
Іншыя навіны

25 лютага ў бібліятэцы ў рамках праекта “Мастацтва за інклюзію людзей з інваліднасцю” адбылося адкрыццё фотапраекта “Жыццё”.


Галоўнымі героямі выстаўкі выступілі адзіная мадэль з ДЦП у Беларусі Ангеліна Уэльская і акцёр з сіндромам Дауна Андрэй Гарбаценка. Абодва – таленавітыя, адкрытыя, шчырыя – служаць прыкладам неверагоднай мужнасці і прыгажосці. Але паміж імі вялікая розніца – Ангеліна выхоўвалася ў сям’і, яе акружала любоў і падтрымка сям’і, а ад Андрэя яшчэ пры нараджэнні адмовіліся бацькі, ён вырас у інтэрнатах, а цяпер жыве ў аддзяленні суправаджальнага пражывання пры псіханеўралагічным інтэрнаце.

Аўтары праекта запрашаюць зірнуць на партрэты, зробленыя выдатнымі фатографамі Іванам Бесерам і Андрэем Казекам пры дапамозе аператара Аляксандра Пятрова, прафесійнага візажыста міжнароднага класа Марыі Дарапіевіч, і паспрабаваць зразумець, што думаюць пра сваё жыццё тыя, хто патрапіў на гэтыя фатаграфіі.

Арганізатары мерапрыемства хочуць звярнуць увагу на жыццё людзей з адрознымі магчымасцямі – як жывуць людзі, пра існаванне якіх многія з нас прывыклі не памятаць? У шматлікіх краінах людзі з ДЦП і сіндромам Дауна не выключаны з жыцця грамадства, а жывуць поўным жыццём, мараць, развіваюцца прафесійна. Галоўнае – падтрымка грамадства і сіла іх характару. Калі пры гутарцы ўзнікае тэма інваліднасці, мы нярэдка бянтэжымся, палохаемся, не ведаем, як сяб паводзіць і што казаць. Так ужо ўстроены чалавек: незнаёмае, асаблівае, іншае прымушае адчуць страх, “перайсці на іншы бок дарогі”. Што ж рабіць звычайным людзям для таго, каб гэтая тэма не выклікала дыскамфорту, адкінутасці і жадання перагарнуць старонку: не чытаць, не бачыць, не абмяркоўваць?

Адказ на першы погляд відавочны: трэба стаць бліжэй да тэмы, вывучыць яе, зрабіць так, каб яна была звыклай і звычайнай, каб сустрэча з чалавекам з асаблівасцямі не станавілася ўзрушэннем і адкрыццём.

Фотавыстаўка “Жыццё” з’яўляецца часткай праекта “Мастацтва за інклюзію людзей з інваліднасцю”, накіраванага на фарміраванне станоўчых адносін да людзей з асаблівасцямі. Праект рэалізуе грамадскае аб’яднанне “Беларуская асацыяцыя дапамогі дзецям-інвалідам і маладым інвалідам” пры падтрымцы Агенцтва ЗША па міжнародным развіцці USAID.

Тэлефоны для даведак: (8 017) 293 28 33, 293 27 56.
Е-mail: pr@nlb.by

Навіны

25 Вер 2020

На гэтым тыдні споўнілася сто гадоў з дня заснавання дома-музея Адама Міцкевіча ў Навагрудку. Аб тым, чаму гэтая сядзіба можа прэтэндаваць на званне найстарэйшай культурнай установы ў Беларусі, і чым сёння жыве колішняя калыска класіка, распавядае “Культура”.

Навіны бібліятэк

Беларускія кнігі перададзены ў Эстонію

24 Вер 2020

У рамках дабрачыннай акцыі “Пра Беларусь – беларусам замежжа” пры дапамозе Пасольства Рэспублікі Беларусь у Рэспубліцы Эстонія нацыянальна-культурным аб’яднанням гэтай краіны перададзена ў дар больш за 150 асобнікаў беларускіх выданняў.

Навіны Нацыянальнай бібліятэкі Беларусі

Размова з адвакатам аб ільготах і дапамозе маладым і шматдзетным сем’ям

23 Вер 2020

20 верасня Нацыянальнай бібліятэкай Беларусі і Беларускай рэспубліканскай калегіяй адвакатаў у рамках мерапрыемстваў па інфармацыйна-прававой асвеце грамадзян была арганізавана і праведзена штомесячная тэматычная сустрэча з адвакатам “Маладыя і шматдзетныя сем’і: ільготы і дапамога”.

Навіны Нацыянальнай бібліятэкі Беларусі

24 верасня – 205 гадоў з дня нараджэння Габрыелі Пузыны, пісьменніцы, мемуарысткі, аўтара зборнікаў вершаў, апавяданняў, драм, камедый, успамінаў

24 Вер 2020

Постаць Альбіны Габрыелі Пузыны (1815–1869), адметная яркай творчай індывідуальнасцю, своеасаблівым мастацкім бачаннем свету, вылучаецца на фоне літаратурнага працэсу сярэдзіны XIX ст., робіць яго больш багатым, цікавым і разнастайным.

Па старонках беларускага календара

Новае краязнаўчае электроннае выданне бібліятэкі

22 Вер 2020

Выйшаў у свет чарговы кампакт-дыск з шэрагу электронных выданняў Нацыянальнай бібліятэкі Беларусі, якія знаёмяць з інфармацыйнай спадчынай розных мясцін Беларусі, іх гісторыяй і культурнымі здабыткамі.

Навіны Нацыянальнай бібліятэкі Беларусі

24 Вер 2020

У многіх аўтараў час ад часу запытваюцца пра тое, якім быў іх першы верш, як яны яго пісалі і чаму ўвогуле вырашылі напісаць. Можна лічыць, што момант, калі паэзія ўваходзіць у жыццё чалавека, становіцца вызначальным для далейшага шляху, у пэўным сэнсе прадказвае творчы лёс. Але, здаецца, далёка не для ўсіх момант напісання першага верша варта лічыць нечым значным.

Навіны бібліятэк

111