ГалоўнаяНавіныМастацкія выстаўкі
Размаўляй са мной па-беларуску
Людзям – шчодрасць сэрца

Формула міфа

Формула міфа
Іншыя навіны

24 лютага а 17-й гадзіне ў галерэі «Ракурс» ладзіцца ўрачыстае адкрыццё выстаўкі жывапісу Фёдара Ястраба «Формула міфа» і прэзентацыя яго новай кнігі «Мастацтва ў сацыяльнай прасторы».


Фёдар Ястраб – вядомы галерыст, жывапісец, мастацтвазнаўца, аўтар і куратар звыш 80 маштабных праектаў. Ён прымаў удзел у больш чым 120 міжнародных, замежных, рэспубліканскіх і групавых выстаўках. Сярод іх – 15 персанальных. Актыўны ўдзельнік шматлікіх міжнародных жывапісных пленэраў. У 2010 годзе з’яўляўся мастацкім кіраўніком і куратарам міжнароднага пленэра ў Расіі (Бранск), дзе бралі ўдзел мастакі з 9 краін.

Фёдар Ястраб – cтаршыня ГА «Міжнародная гільдыя жывапісцаў», член ГА «Беларускі саюз мастакоў», дацэнт факультэта культуралогіі і сацыякультурнай дзейнасці Беларускага дзяржаўнага ўніверсітэта культуры і мастацтваў, загадчык галерэйна-выставачнага аддзела Нацыянальнай бібліятэкі Беларусі.

Сярод яго куратарскіх праектаў – выстаўкі, якія атрымалі шырокі рэзананс у мастацкім жыцці краіны: Міжнародны фестываль лічбавага мастацтва «Terra Nova», Міжнародная біенале сучаснага жывапісу «Colorfest», Міжнародная выстаўка графікі «Арт-лінія» і інш. Вялікі поспех меў і праект «12+» у Абу-Дабі (Аб’яднаныя Арабскія Эміраты) у межах Тыдня беларускай культуры.

Мастак завяршае вялікі цыкл работ «Формула міфа», дзе спрабуе даць сучасную інтэрпрэтацыю, па-новаму асэнсаваць багаты міфалагічны матэрыял, у тым ліку беларускі. Створаны мастаком міф набывае характар гіпертэксту, пашырае межы вытлумачэння адной тэмы. Гэта цэлы сусвет, насычаны вобразнай і сэнсавай атмасферай, шырокай палітрай колераў і адценняў.

Творы Фёдара Ястраба адзначаны яркай індывідуальнай стылістыкай, якая спалучае адметныя рысы неасімвалізму з вялікай увагай да дэталяў.

Фёдар Ястраб, як мастацтвазнавец, даволі часта выступае ў друку па праблемах выяўленчага мастацтва і галерэйнай справы. Ён з’яўляецца аўтарам альбомаў «I Міжнародны фестываль пейзажа» і «В. Дунін-Марцінкевіч», якія атрымалі дыпломы I ступені ў Нацыянальным конкурсе «Мастацтва кнігі – 2008».

Сёлета выйшла кніга «Мастацтва ў сацыяльнай прасторы», якую і прэзентуе аўтар на вернісажы. У кнізе разглядаюцца пытанні развіцця арт-рынку, праблемы галерэйнай справы і ўвогуле развіцця мастацкага жыцця Беларусі. Кніга аб’ёмам у 320 старонак змяшчае каля 500 каляровых рэпрадукцый карцін сучасных мастакоў, якія ўзялі ўдзел у праектах аўтара.

Тэлефоны для даведак: 293-28-23, 293-27-67.

Е-mail: pr@nlb.by

Навіны

Скот Кэрал: “Беларусь стала нам вельмі дарагой”

23 Кас 2019

На працягу тыдня знаходзіўся ў нашай краіне з візітам знаны навуковец з ЗША, кіраўнік “Групы даследавання рукапісаў”, гісторык і археолаг, доктар філасофіі Скот Кэрал. Летась ў Нацыянальнай бібліятэцы Беларусі паспяхова прайшла міжнародная выстава “Беларусь і Біблія”, куратарам якой ён з’яўляўся.

Навіны бібліятэк

Святло зоркі, вернутае праз стагоддзе

22 Кас 2019

17 кастрычніка ў Дзяржаўным музеі гісторыі беларускай літаратуры адбылася лекцыя Ганны Севярынец “Крытык і сусвет. Адам Бабарэка, літаратура і літаратары”, адна з чатырох запланаваных да 120-годдзя таленавітага літаратуразнаўцы.

Аўтарскі погляд

14 Май 2008

Вялікі ўклад у развіццё літаратурнай бібліяграфіі краіны, распрацоўку яе методыкі, даследаванне жыцця і творчасці славутага беларускага паэта М. Багдановіча ўнесла выдатны бібліёграф, літаратуразнаўца, заслужаны дзеяч культуры Беларусі, член Саюза пісьменнікаў Беларусі Ніна Барысаўна Ватацы (14.05.1908 – 03.08.1997).

Партрэты: гісторыя бібліятэкі ў асобах

“Мінскае жыццё” на старонках газеты “Звон”

22 Кас 2019

У Беларусь польская інтэрвенцыя пачалася ў канцы лютага 1919 года. Палітычнае і ваеннае кіраўніцтва Польскай дзяржавы на чале з Юзэфам Пілсудскім разглядала Беларусь у якасці яе неад'емнай часткі. Ужо ў першай палове сакавіка 1919 г. польскімі войскамі былі захоплены гарады Брэст, Слонім, Ваўкавыск, Скідзель, Шчучын, Пінск. Праз месяц польскія войскі ўзнавілі наступленне. У ноч на 17 красавіка яны прарвалі Заходні фронт і захапілі Ліду і Баранавічы, а 21 красавіка – Вільню.

Праект “Сведкі эпохі: Беларусь на старонках газет 100-гадовай даўніны”

“Гадзіна музыкі” адкрывае новы сезон

21 Кас 2019

Нацыянальная бібліятэка Беларусі сумесна з Нацыянальнай акадэміяй навук Беларусі ў рамках “Гадзіны музыкі” адкрываюць новы сезон інтэрактыўных лекцый “Беларуская музыка ў сусветнай мастацкай прасторы”.

Навіны Нацыянальнай бібліятэкі Беларусі

111