17 студзеня ў Нацыянальнай бібліятэцы Беларусі адбылося ўрачыстае адкрыццё выстаўкі “Фарбы Венецыі” фотамастака Генадзя Падбароднікава (Масква).
На выстаўцы прадстаўлены 42 фота, зробленыя аўтарам у перыяд з 2003 па 2011 г.
Мэта фотавыстаўкі “Фарбы Венецыі” не паказаць знаёмыя ўсім з дзяцінства архітэктурныя шэдэўры горада на вадзе, а стварыць у наведвальніка асаблівы эмацыянальны настрой, акцэнтаваць яго ўвагу на дэталях, якія, зліваючыся ў адно, ствараюць цэласны вобраз гэтага дзівоснага горада і дазваляюць кожнаму чалавеку прасякнуцца сапраўды містычнай венецыянскай атмасферай…
У мерапрыемстве прынялі ўдзел загадчык галерэйна-выставачнага аддзела Нацыянальнай бібліятэкі Беларусі Фёдар Ястраб; фотамастак, старшыня грамадскага аб’яднання “Фотамастацтва” Сяргей Плыткевіч; фотамастак, старшыня народнага фотаклуба “Мінск” Яўген Казюля; фотамастак, аўтар выстаўкі Генадзь Падбароднікаў.
Выстаўка будзе дэманстравацца да 4 сакавіка ў галерэі “Панарама”.
Уваход на выстаўку платны, складае кошт наведвання агляднай пляцоўкі.
Кантактныя тэлефоны: 293-28-33, 293-27-66.
 |
 |
 |
 |
