30 мая 2007 года а 17-й гадзіне ў галерэйна-выставачным комплексе Нацыянальнай бібліятэкі Беларусі адбылося ўрачыстае адкрыццё Міжнароднай мастацкай выстаўкі "Чалавек і кола", якая працягнецца да 11 ліпеня 2007.
З даўніх часоў у жывапісе, пластыцы, графічных і дэкаратыўных творах гучыць адвечная песня Радзіме, навакольнай прыродзе. І што цікава: супастаўленне, часам даволі нечаканае, розных твораў розных аўтараў паглыбляе і ўзбагачае наша веданне і разуменне агульнай карціны мастацтва.
Пейзажны жанр – адзін з самых традыцыйных, дэмакратычных і папулярных. Рукатворныя, па-мастацку трапяткія, адухоўленыя і сагрэтыя сэрцам пейзажы сапраўдных майстроў ніколі не заменяць самыя найноўшыя тэхналогіі і арт-практыкі. Гэта ідэя і лягла ў аснову канцэпцыі ІІ Міжнароднага фестывалю пейзажа, прысвечанага Віталю Цвірку, народнаму мастаку Беларусі (1963 г.), лаўрэату Дзяржаўнай прэміі БССР (1967 г.), жывапісцу, які аднолькава выдатна валодаў тэхнікай малюнка, акварэлі, алейнага жывапісу, быў выдатным педагогам. І Міжнародны фестываль пейзажа, прысвечаны Віталю Цвірку, прайшоў у лістападзе 2006г.
Традыцыйна ў фестывалі побач з беларускімі творцамі прымуць удзел мастакі з розных краін – Расіі, Украіны, Літвы, Нарвегіі, Арменіі, Сербіі, Турцыі, ЗША.
На фестывалі будуць прадстаўлены пейзажы, выкананыя ў розных тэхніках: акварэль, алей, акрыл, батык, фота, графіка, калаж, а таксама розных стыляў і накірункаў – ад акадэмічнага да абстрактнага.
Фестываль пейзажа павінен раскрыць новыя перспектывы гэтага жанру, яго вялікі патэнцыял, здольнасць пастаянна абнаўляцца, адкрываць магчымасці для пошуку і экперыментаў; акрэсліць сенняшні стан пейзажа, яго месца ў творчасці сучасных мастакоў.
Вернісаж адбудзецца ў мастацкай галерэі “Ракурс”.
Кантактныя тэлефоны: 293 28 23, (8 029) 779 53 48
Куратар выстаўкі: Ф.А. Ястраб
 |
 |
 |
Виртуальная галерея
