Зала выяўленчых і відэадакументаў запрашае наведаць выстаўку “Беларуская гравюра другой паловы XX стагоддзя”.
Гравюра – гэта арыгінальны мастацкі твор. Кожны аўтарскі адбітак – такая ж каштоўнасць, як і карціна алеем. У ім жыве душа мастака, адчуваецца трапятанне яго рукі.
Узнікненне на Беларусі гравюры ў многім звязана з дзейнасцю вялікага сына беларускага народа, першадрукара, вучонага і асветніка-гуманіста Францыска Скарыны. Шматграннае, гібкае мастацтва гравюры да гэтага часу прыцягвае да сябе ўвагу многіх выдатных творцаў. Майстэрства беларускіх гравёраў удасканальваецца, становіцца ўсё больш рознабаковым. Аб гэтым сведчаць творымастакоў другой паловы XX стагоддзя: Н. Паплаўскай, Н. Шчаснай, В. Ткачука, Ю. Тышкевіча, М. Басалыгі, П. Дурчына, Ю. Зайцава, Ю. Пушчынскага, У. Правідохіна і іншых.
На выстаўцы прадстаўлена каля 80 гравюр, выкананых у тэхніках лінагравюры, літаграфіі, афорту, ксілаграфіі.
Экспазіцыя разлічана на ўсе катэгорыі чытачоў, якія цікавяцца гэтым відам графікі і яго гісторыяй.
Выстаўка працуе з 1 лістапада па 1 снежня 2007 года. Яна экспануецца на 3-м паверсе ў зале выяўленчых і відэадакументаў.
Кантактны тэлефон 293-27-53
 |
 |
 |
| Бельскі М.А. "Вёска Каменка". Эстамп. | Дашкевіч Н.П. "Горкі ленінскія". Лінагравюра. | Лейка В.В. "Галовы львоў". Лінагравюра. |
 |
 |
 |
| Зайцаў Ю. Мініяцюра "Купальшчыцы" | Партрэт у беларускай гравюры другой паловы XX стагоддзя | Нацюрморт у беларускай гравюры другой паловы XX стагоддзя |
