ГалоўнаяНавіныМастацкія выстаўкі
Ахова інтэлектуальнай уласнасці
Дружба сонечнай і сінявокай: 25 год дыпламатычным зносінам паміж Італіяй і Беларуссю

Беларусь і Італія: далёкія межы – блізкія сувязі

Беларусь і Італія: далёкія межы – блізкія сувязі
Іншыя навіны

12 красавіка ў галерэі “Атрыум” адкрылася фотадакументальная выстаўка “Беларуска-італьянскія культурныя сувязі ў гісторыі і сучаснасці”.


Выставачны праект арганізаваны Пасольствам Італьянскай Рэспублікі ў Рэспубліцы Беларусь сумесна з Нацыянальнай бібліятэкай Беларусі і Беларускім дзяржаўным архівам-музеем літаратуры і мастацтва.

Гэтым важным мерапрыемствам ў межах Года італьянскай культуры ў Беларусі адзначаецца 25-я гадавіна ўсталявання дыпламатычных зносінаў паміж Італьянскай Рэспублікай і Рэспублікай Беларусь. На працягу чвэрці стагоддзя адносіны паміж краінамі вызначаліся шэрагам мерапрыемстваў у галіне культуры, эканомікі, якія дазволілі ўмацаваць сяброўства паміж народамі Беларусі і Італіі.

На выстаўцы прадстаўлены матэрыялы з афіцыйных архіваў Міністэрства замежных спраў і міжнароднага супрацоўніцтва Італьянскай Рэспублікі, Міністэрства замежных спраў Рэспублікі Беларусь, Беларускага тэлеграфнага агенцтва (БелТА), Беларускага дзяржаўнага архіва-музея літаратуры і мастацтва. Сярод экспанатаў – вербальныя ноты, службовыя лісты і тэлеграмы, пратакольныя фотаздымкі, асабістыя дакументы беларускіх оперных спевакоў М. Забэйды-Суміцкага, П. Конюха, В. Скарабагатава, пераклады вершаў, зробленыя М. Танкам, М. Стральцовым, Я. Семяжонам, праграмы навуковых канферэнцый і іншыя матэрыялы. Нацыянальная бібліятэка Беларусі прадставіла кніжную экспазіцыю, у якой – выданні пра першадрукара Францыска Скарыну, каралеву Рэчы Паспалітай і вялікую княгіню літоўскую Бону Сфорца, унікальная кніга “Песня пра постаць, дзікі нораў зубра і паляванне на яго” Міколы Гусоўскага.

У адкрыцці выстаўкі прынялі ўдзел Раман Матульскі, дырэктар Нацыянальнай бібліятэкі Беларусі, Стэфана Б’янкі, Надзвычайны і Паўнамоцны Пасол Італьянскай Рэспублікі ў Рэспубліцы Беларусь, Пётр Краўчанка, першы міністр замежных спраў Рэспублікі Беларусь, Яўген Шастакоў, намеснік міністра замежных спраў Рэспублікі Беларусь, Ганна Запартыка, дырэктар Беларускага дзяржаўнага архіва-музея літаратуры і мастацтва. Музычную частку вернісажу прадставіў ансамбль “Bon Voyage” пад кіраўніцтвам Вольгі Перагуд.

Пазнаёміцца з экспазіцыяй можна да 16 мая 2017 года.
Дата заканчэння работы выстаўкі можа быць зменена.

Тэлефоны для даведак: (8 017) 293 27 56, 293 79 80, 266 37 37.
Е-mail: pr@nlb.by

Навіны

Нацыянальная бібліятэка афарбавалася ў колеры канадскага флага

2 Ліп 2020

1 ліпеня Дзень Незалежнасці адзначае Канада. З нагоды нацыянальнага свята паўночнаамерыканскай краіны на вонкавым электронным светлавым табло Нацыянальнай бібліятэкі Беларусі з’явіўся бела-чырвоны сцяг з кляновым лістом – сімвалам Канады. Акцыя прайшла па ініцыятыве Міністэрства замежных спраў Рэспублікі Беларусь.

Навіны Нацыянальнай бібліятэкі Беларусі

Больш за 4 тыс. нумароў беларускіх часопісаў міжваеннага перыяду сталі даступны анлайн

2 Ліп 2020

Нацыянальная бібліятэка Беларусі працягвае адкрываць анлайн свае фонды. Напярэдадні Дня Незалежнасці Рэспублікі Беларусь паўнатэкставая электронная калекцыя “Беларуская літаратурная спадчына. Часопісы 1919–1939 гг.” папоўнілася новымі выданнямі.

Бібліятэка анлайн

2 Ліп 2020

Творчасць Валянціны Паліканінай даўно заўважана не толькі айчыннымі літаратарамі, але і замежнымі. Зрэшты, дзейнасць паэтэсы, публіцыста, перакладчыцы не абмяжоўваецца толькі літаратурай. Пасля аддзела культуры часопіса «Беларусь» яна працягвае журналісцкую працу ў часопісе «Гаспадыня». Нядаўна стала вядома, што Валянціна Паліканіна – у ліку іншых дзечаў культуры, якія неўзабаве атрымаюць медаль Францыска Скарыны.

Навіны бібліятэк

1 Ліп 2020

Папулярызацыя беларускай мовы і беларускай кнігі – справа вельмі шматгранная, і поспех залежыць ад мноства фактараў і многіх людзей. Адным з найбольш камерцыйна ўдалых кірункаў гэтай не надта масавай і, адпаведна, не надта выгаднай справы з’яўляюцца пераклады сусветнай літаратуры на беларускую мову.

Навіны бібліятэк

111