24 мая ў галерэі “Панарама” ладзілася ўрачыстае адкрыццё выстаўкі графічных работ студэнтаў Беларускай дзяржаўнай акадэміі мастацтваў.
Мерапрыемства прайшло ў рамках IV Мінскай міжнароднай выстаўкі графікі “Арт-лінія”
У экспазіцыі прадстаўлена больш за 40 дыпломных і курсавых работ студэнтаў і выпускнікоў кафедры графікі за апошнія 10 гадоў.
Работы, прадстаўленыя на выстаўцы, выкананы ў розных графічных тэхніках: афорт, лінарыт, дрэварыт, літаграфія, гравюра на кардоне. Сярод іх творы маладых, але добра вядомых у мастацкім асяроддзі аўтараў – Р. Сустава, Л. Абрамавай, Т. Шэлест, Ф. Басалыгі, З. Піскун і інш.
Адкрыў вернісаж куратар праекта, загадчык аддзела галерэйна-выставачнай дзейнасці Фёдар Ястраб. У мерапрыемстве ўзялі ўдзел дэкан мастацкага факультэта Беларускай дзяржаўнай акадэміі мастацтваў Уладзімір Уродніч, загадчык кафедры графікі Беларускай дзяржаўнай акадэміі мастацтваў Юрый Хілько.
Выстаўка будзе доўжыцца да 27 ліпеня.
З 25 мая ўваход на выстаўку платны, складае кошт наведвання агляднай пляцоўкі.