24 лютага 2009 года ў Нацыянальнай бібліятэцы Беларусі адбылося ўрачыстае адкрыццё гісторыка-мастацкай выстаўкі «Эмерык фон Гутэн-Чапскі. На фоне эпохі».
Выстаўка падрыхтавана сумесна з Прылуцкім цэнтрам народнай творчасці і прысвечана 180-годдзю з дня нараджэння Эмерыка фон Гутэн-Чапскага.
З гэтай нагоды Прылуцкі цэнтр народнай творчасці прадставіў выстаўку, якая складаецца са стэндаў «Прылукі праз вякі: XV-XXI стагоддзі», а таксама мастацкіх твораў, кніг, альбомаў, архіўных дакументаў з фондаў аб’яднання «Прылуцкая спадчына».
У сваёй частцы экспазіцыі аддзел рэдкай кнігі Нацыянальнай бібліятэкі Беларусі прадставіў каля 30 выданняў (з іх 7 экзэмпляраў з асабістых калекцый Эмерыка Чапскага і яго славутых нашчадкаў).
У святочнай цырымоніі адкрыцця выстаўкі прынялі ўдзел загадчык галерэйна-выставачнага аддзела Ф.А. Ястраб, каардынатар праграм Польскага інстытута ў Мінску Аляксандр Гарадзецкі, начальнік аддзела культуры Мінскага раёна С.С. Кудзін, прафесар, доктар біялагічных навук, лаўрэат дзяржаўнай прэміі “За духоўнае адраджэнне”, сябра аб’яднання “Прылуцкая спадчына” А.Т. Федарук, дырэктар Станькаўскай сярэдняй школы імя Марата Казея Дзяржынскага раёна Г.А. Ярмола, кіраўнік народнага гісторыка-краязнаўчага аб’яднання “Прылуцкая спадчына” Прылуцкага цэнтра народнай творчасці Мінскага раёна І.В. Гатальскі і загадчык навукова-даследчага аддзела кнігазнаўства Г.У. Кірэева.
Выстаўка будзе працаваць да 23 сакавіка 2009 года.
Тэлефоны для даведак: 293-28-23, 293-27-67.
Е-mail: pr@nlb.by
 |
 |
 |
 |
 |
 |
