З 1 жніўня па 28 верасня ў зале нотных і аўдыядакументаў (пам. 305) праходзіць выстаўка “Званчэй песню спявай”.
Сярод разнастайных відаў дзіцячай мастацкай творчасці цяжка пераацаніць прывабнасць і эфектыўнасць харавога спеву, сацыяльная і эстэтычная прырода якога стварае спрыяльныя перадумовы для выхавання маладога пакалення. Сам па сабе калектыўны спеў – цудоўнае псіхалагічнае, маральнае і эстэтычнае асяроддзе для фарміравання лепшых якасцей асобы.
У сувязі з тым , што дзіцячы харавы спеў з`яўляецца актыўным відам творчасці, ён развівае многія, у тым ліку і выканальніцкія здольнасці дзяцей. “Хто ўпершыню сустрэўся з музыкай у дзіцячым хоры, каму пашчасціла з ранніх гадоў быць неразлучным з песняй, той усё жыццё беражліва захоўвае гэтыя ўспаміны, як амаль што не самыя лепшыя”, – словы выдатнага хормайстра ХХ стагоддзя А. Свешнікава.
Усё больш сучасных кампазітараў у сваёй творчасці надаюць увагу дзіцячай харавой музыцы. Сярод рускіх і беларускіх кампазітараў – А. Даньшова, Г. Казлова, А. Атрашкевіч, А. Безянсон, С. Бугасаў, М. Слаўкін, Ю. Карнакоў, С. Баневіч, Я. Рушанскі, В. Залесскі, А. Журбін, А. Брыцын і інш.
На выстаўцы прадстаўлена лепшая харавая музыка кампазітараў-класікаў, апрацоўкі народных песень і хоры a capella для дзяцей усіх узроставых груп. Увазе наведвальнікаў прапанаваны зборнікі серыі “Композиторы-классики для детского хора”, “Хоровой класс”, “Золотой репертуар хора”, “В помощь хормейстеру”, а таксама серыя “Джаз в детском хоре”, якая дапаможа разнастаіць рэпертуар дзіцячага харавога калектыву, адкрыць юным выканаўцам яшчэ адну старонку музычнай культуры.
Дапаўняюць экспазіцыю метадычныя дапаможнікі па рабоце з дзіцячым хорам.
Выстаўка адрасавана кіраўнікам і хормайстрам харавых студый, школ, каледжаў і створана з мэтай далучыць дзяцей да сусветных узораў харавой класікі.
Кантактны тэлефон: (8 017) 293 27 52.
 |
 |
 |
 |
 |
 |
 |
 |
 |
 |
 |
 |
