З 6 студзеня па 28 лютага ў зале перыядычных выданняў (пам. 106) праходзіць тэматычная выстаўка “Знайсці сябе і жыць лепш”.
Мастацтва жыць у складаным і дынамічным свеце патрабуе ад нас умення зазіраць за грань відавочнага. Веданне псіхалогіі палягчае жыццё чалавека, робіць яго больш яркім і паспяховым.
У чым сакрэт шчасця? У каханні, сяброўстве, кар'ерным росце, матэрыяльным дабрабыце, моцным здароўі? На гэтае вечнае пытанне спрабуюць адказаць аўтары публікацый, прадстаўленых у перыядычных выданнях “Сялянка”, “Планета-семья”, “Здаровы лад жыцця”, “Женский журнал”, “Целитель”, “Yoga+life”.
Мінулае незваротнае, будучыня непрадказальная, бег часу выклікае стрэс... Як навучыцца жыць у радасці тут і цяпер? Як вырвацца з заганнага круга псіхалагічных праблем, якия разбураюць шчасце, а то і само жыццё? Разабрацца чытачам дапамогуць матэрыялы, апублікаваныя ў часопісах “Психология и Я”, “Женское здоровье”, “Psyhologies”, “Здоровье и успех” і інш.
Жанчынам, якія цікавяцца мужчынскай псіхалогіяй, прапаноўваецца падборка артыкулаў з часопісаў “Домашний”, “Гаспадыня”, “Женская газета”.
Усяго экспазіцыя налічвае каля 40 часопісаў і газет.
Кантактны тэлефон: (8 017) 293 25 87.