З 2 снежня па 3 студзеня ў зале беларускай літаратуры (пам. 205) праходзіць выстаўка “Злучае нас часінаў ніць: музеі Беларусі”.
Усіх, хто цікавіцца гісторыяй і культурай сваёй радзімы, аматараў падарожжаў, краязнаўцаў, гісторыкаў, работнікаў культуры, экскурсаводаў, моладзь і настаўнікаў, якія ў час школьных канікулаў разам з вучнямі наведваюць новыя мясціны, запрашаем на выстаўку, што знаёміць з асноўнымі скарбніцамі нашай краіны – музеямі Рэспублікі Беларусь. Сярод прадстаўленых устаноў – музеі вялікія і малыя, добра- і малавядомыя, тыя, што існуюць даўно, экспазіцыі якіх значна аднавіліся, і тыя, што адкрыліся зусім нядаўна, прыватныя і дзяржаўныя музеі і іх філіялы.
Экспазіцыя змяшчае матэрыялы пра музеі гісторыі і культуры Беларусі, краязнаўчыя і літаратурныя, прыродна-экалагічныя і музеі пад адкрытым небам, ваенна-гістарычныя і музеі баявой славы, музеі выяўленчага мастацтва і мастацкія галерэі, музеі ВНУ, школьныя і інш.
Пра музеі даюцца фактычныя даведкі, дзе адлюстроўваецца гісторыя стварэння ўстановы, яе калекцыі і экспазіцыі, прыводзіцца дадатковая літаратура для азнаямлення, падаецца інфармацыя аб развіцці музейнай справы на тэрыторыі Беларусі і г.д.
Цікавымі для наведвальнікаў будуць кнігі і часопісныя артыкулы пра незвычайныя і малавядомыя музеі, такія як музей цацкі, дзіцячы музей, фотамузей, музеі хлеба, валуноў, а таксама гісторыі трамвая і гісторыі міліцыі, музеі “Дом насякомых”, “Антибахус”, аптэка-музей і інш.
Выстаўка багата аздоблена фотаздымкамі і налічвае больш за 250 дакументаў.
Кантактны тэлефон: (8 017) 293 27 16.
 |
 |
 |
 |
 |
 |
 |
 |
 |
 |
 |
 |
