З 13 лістапада па 7 снежня 2007 года ў аддзеле абслугоўвання афіцыйнымі дакументамі Нацыянальнай бібліятэкі Беларусі (2 паверх, пакой 207) адкрыта тэматычная кніжная выстаўка "Жыццё без насілля", прысвечаная Міжнароднаму дню барацьбы за ліквідацыю насілля ў адносінах да жанчын.
Гэты дзень быў абвешчаны рашэннем Генеральнай Асамблеі ААН (рэзалюцыя 54/134) у 1999 годзе і штогод адзначаецца 25 лістапада.
Насілле ў адносінах да жанчын распаўсюджана паўсюль у свеце і ўласціва ўсім грамадствам і культурам. Яно закранае жанчын незалежна ад іх расы, этнічнай прыналежнасці, сацыяльнага становішча, дастатку, паходжання або любых іншых акалічнасцей. Насілле не дазваляе жанчынам выкарыстаць усе свае магчымасці, стрымлівае эканамічны рост і падрывае развіццё.
Гэтая праблема стала важным прыярытэтам для міжнароднай супольнасці, менавіта таму адкрыццё такой выстаўкі асабліва актуальна.
Прапанаваныя ўвазе чытачоў і наведвальнікаў бібліятэкі матэрыялы выстаўкі раскрываюць шматгранную дзейнасць ААН, іншых міжнародных арганізацый, жаночых рухаў і аб’яднанняў, накіраваную на то, каб насілле ў адносінах да жанчын перастала быць прыватнай справай і стала пытаннем дзяржаўнага значэння. У іх змяшчаецца інфармацыя аб міжнароднай прававой і стратэгічнай канцэпцыі, распрацаванай дзяржавамі-членамі ААН адносна гэтай праблемы, надаецца вялікая ўвага распрацоўцы міжнародных стандартаў, накіраваных на ажыццяўленне ўсіх правоў жанчын, у тым ліку правы на жыццё, свабоднае ад насілля.
Дакументы, прадстаўленыя на выстаўцы, раскрываюць розныя аспекты вывучэння гендэрных праблем, у іх распрацоўваюцца найбольш эфектыўныя шляхі і метады, накіраваныя на тое, каб змяніць шырока распаўсюджаныя і глыбока замацаваныя памылковыя погляды на ролю жанчыны ў сям’і і грамадстве.
У экспанаваных матэрыялах прыведзены статыстычныя даныя ААН аб маштабах насілля ў адносінах да жанчын у свеце. Так, штогод у свеце пяць тысяч жанчын становяцца ахвярамі забойстваў, здзейсненых у імя "абароны гонару" членамі сем’яў. У сярэднім кожная трэцяя жанчына хоць раз у жыцці становіцца ахвярай згвалтавання або грубага звароту. Штогод ва ўсім свеце прадаюцца сотні тысяч жанчын. Дагэтуль у шэрагу краін свету забіваюць зародкаў і немаўлятаў жаночага полу.
Вялікая ўвага ў дакументах на выстаўцы надаецца праблеме гандлю людзьмі, аб’ектамі якой могуць стаць жанчыны,і праблемам гвалту ва ўмовах узброеных канфліктаў, калі жанчыны і дзяўчыны з’яўляюцца ахвярамі розных формаў сэксуальнага дамагання.
Асобны раздзел выстаўкі прысвечаны праблемам насілля ў адносінах да жанчын у Рэспубліцы Беларусь. У ім сабраныя дакументы, што адлюстроўваюць стратэгію дзейнасці нашай дзяржавы, накіраваную на папярэджанне, спыненне і выкараненне гэтага зла ў адносінах да жанчын. Намаганні нашага грамадства, дзяржавы і няўрадавых арганізацый павінны быць накіраваныя на тое, каб абараніць жанчын і пабудаваць свет, у якім жанчыны будуць карыстацца сваімі правамі і свабодамі нараўне з мужчынамі.
У экспазіцыі прадстаўлена больш за 100 дакументаў з фондаў НББ на рускай, англійскай, французскай і нямецкай мовах: кнігі, перыядычныя выданні, мімеаграфаваныя матэрыялы ААН, брашуры, буклеты.
Выстаўка будзе цікавая для студэнтаў, выкладчыкаў, сацыяльных педагогаў, псіхолагаў, спецыялістаў у сферы процідзеяння гандлю людзьмі, актывістаў праваабарончых і няўрадавых арганізацый.
Спасылкі на сайты ААН
Арганізацыя Аб’яднаных Нацый
Міжнародны дзень барацьбы за ліквідацыю насілля ў адносінах да жанчын
Women Watch: UN Inter-agency Network on Women and Gender Equality
Канвенцыя аб ліквідацыі ўсіх формаў дыскрымінацыі ў адносінах да жанчын
Аддзел ААН па паляпшэнні становішча жанчын
Рэгіянальныя камісіі
- Unidad Mujer y Desarrollo - Comisión Económica para América Latina y el Caribe
- African Centre for Gender & Development - Economic Commission for Africa
- Gender Activities, Economic Commission for Europe
- Violence against Women, Economic and Social Commission for Asia and the Pacific
- Centre for Women, Economic and Social Commission for Western Asia
Упраўленне Вярхоўнага камісара па правах чалавека
- Special Rapporteur of the Commission on Human Rights on violence against women, its causes and consequences
- 16 Days of Activism Against Gender Violence
Вярхоўны камісар Арганізацыі Аб’яднаных Нацый па справах бежанцаў
Міжнародны навучальны і навукова-даследчы інстытут па паляпшэнні становішча жанчын
Фонд ААН для развіцця ў інтарэсах жанчын (ЮНІФЕМ)
Фонд ААН у галіне народанасельніцтва
Сусветная арганізацыя аховы здароўя
Група Сусветнага банка
- Gender and Development
- Gender-based Violence Workshop Washington, D.C., 9 November, 2004
Дадатковая інфармацыя
- Daphne II - EU Programme to Combat Violence against Children, Young People and Women
- Derechos Humanos Mujer
- End Violence Against Women
- Face to Face Campaign for Women
- Female Genital Mutilation
Inter-Parliamentary Union
- Human Rights Watch - Women’s Rights
- International Center for Research on Women - Violence against Women
- International Women’s Tribune Centre
- Stop Violence against Women
Amnesty International
