Жанчыны свету: з надзеяй у будучыню

З 6 сакавіка па 5 красавіка 2009 года ў аддзеле абслугоўвання афіцыйнымі дакументамі (2-гі паверх, пакой 207) адкрыта выстаўка “Жанчыны свету: з надзеяй у будучыню”, прысвечаная Міжнароднаму жаночаму дню.

Міжнародны жаночы дзень (або Міжнародны дзень барацьбы за правы жанчын і міжнародны мір ААН) адзначаецца 8 сакавіка. Сваімі каранямі ён сыходзіць ў шматвяковую барацьбу жанчын за ўдзел у жыцці грамадства нароўні з мужчынамі. Ідэя вызначэння спецыяльнага дня салідарнасці працоўных жанчын усяго свету за свае правы супраць прыгнёту і няроўнасці была вылучана ў 1910 годзе нямецкай рэвалюцыянеркай Кларай Цэткін (1857-1933) на жаночай канферэнцыі ў Капенгагене. Дзень 8 сакавіка быў выбраны для свята невыпадкова: менавіта 8 сакавіка 1857 года тэкстыльшчыцы Нью-Йорка прайшлі маршам па вуліцах горада, пратэстуючы супраць нізкіх заробкаў і дрэнных умоў працы.

Упершыню Міжнародны жаночы дзень адзначаўся ў шэрагу краін Еўропы ў 1911 годзе. З кожным годам колькасць краін, у якіх на тым ці іншым узроўні адзначалася гэтая дата, павялічвалася, і ў 1977 годзе 8 сакавіка было абвешчана Генеральнай Асамблеяй ААН як Міжнародны жаночы дзень (рэзалюцыя A/RES/32/142). Сёння гэта свята адзначаюць ва ўсім свеце. У некаторых краінах гэты дзень з’яўляецца нацыянальным святам.

Сёння жанчыны свету з надзеяй і ўсё большай упэўненасцю глядзяць у будучыню. Іх намаганні ў барацьбе за роўнасць, справядлівасць, мір і развіццё не аказаліся марнымі. З кожным годам узрастае важнасць удзелу жанчын у працэсе сацыяльнага развіцця. Створаны звод міжнародна-ўзгодненых стратэгій, мэт, стандартаў і праграм, якія павінны палепшыць становішча жанчын ва ўсім свеце.

Дасягненне роўнасці паміж мужчынамі і жанчынамі і пашырэнне праў і магчымасцяў жанчын з’яўляецца абавязковай умовай стварэння больш здаровых, адукаваных, мірных і квітнеючых грамадстваў. Калі жанчыны валодаюць усімі правамі і прымаюць актыўны ўдзел у жыцці грамадства, ад гэтага выйграюць усе. Толькі такім чынам можна паспяхова вырашаць вялікія задачы, што стаяць перад нашым светам: ад урэгулявання канфліктаў і мірабудаўніцтва да барацьбы са СНІДам і дасягнення ўсіх іншых мэт, сфармуляваных у Дэкларацыі тысячагоддзя. Таму і сёння, і ў будучым ні адно рашэнне найбольш сур’ёзных сацыяльных, эканамічных і палітычных праблем грамадства не можа быць знойдзена без усебаковага ўдзелу жанчын свету і прадстаўлення ім усіх праў і магчымасцяў.

Выстаўка ўключае наступныя тэматычныя раздзелы:

• жанчыны свету ў гістарычнай рэтраспектыве;
• шматгранная роля жанчын у грамадстве (жанчыны ў палітыцы, эканоміцы, сям’і, культуры);
• міжнародныя прававыя дакументы, накіраваныя на паляпшэнне становішча жанчын;
• здароўе і адукацыя жанчын;
• барацьба за ліквідацыю гвалту адносна жанчын;
• гендэрныя праблемы роўнасці палоў;
• становішча жанчын у РБ.

У экспазіцыі прадстаўлена больш за 100 публікацый ААН, ЮНЕСКА, Савета Еўропы, Еўрапейскага Саюза і Сусветнага банка на рускай, англійскай, французскай і нямецкай мовах: кнігі, перыядычныя выданні, брашуры, буклеты, мімеаграфаваныя матэрыялы ААН.

Выстаўка будзе цікавая для выкладчыкаў сацыяльна-палітычных дысцыплін, студэнтаў, правазнаўцаў, гісторыкаў, сацыёлагаў, кіраўнікоў, прадстаўнікоў дзяржаўных органаў і няўрадавых арганізацый, а таксама тых, хто цікавіцца пытаннямі гендэрнай ідэалогіі і сацыялогіі.

Спасылкі на інтэрнэт-рэсурсы

Арганізацыі сістэмы ААН

• Канцылярыя Спецыяльнага саветніка па гендэрных пытаннях і паляпшэнні становішча жанчын *
• Камісія па становішчы жанчын
• Аддзел па паляпшэнні становішча жанчын *
• Міжустановачная сетка па становішчы жанчын і роўнасці палоў *
• Фонд ААН для развіцця ў інтарэсах жанчын *
• Міжнародны вучэбны і навукова-даследчы інстытут па паляпшэнні становішча жанчын*
• Дзіцячы фонд ААН *
• Фонд ААН у галіне народанасельніцтва
• Навукова-даследчы інстытут сацыяльнага развіцця ААН *
• Канцылярыя Каардынатара па справах жанчын у Сакратарыяце ААН *
• Брашура па ўдзеле жанчын у выбарах *
• Удзел жанчын у органах улады *

Дадатковыя спасылкі

• Мерапрыемствы ў іншыя гады
• «Разам пакончым з гвалтам адносна жанчын». Кампанія генеральнага сакратара ААН
• Міжнародная канферэнцыя, прысвечаная прадухіленню гандлю жанчынамі і дзяўчынкамі (5 сакавіка 2007 года)
• Жанчыны змагаюцца за роўнасць, сям’ю і мір
• Бібліятэка імя Дага Хамаршэльда
• Дзейнасць ААН
• Заахвочванне роўнасці мужчын і жанчын і пашырэння праў і магчымасцяў жанчын
• Роўнасць жанчын і мужчын і пашырэнне праў жанчын (Вытрымка з Выніковага дакумента Сусветнага саміта 2005 года)
• ААН працуе над паляпшэннем становішча жанчын
• Жанчыны-міратворцы: учарашнія ахвяры становяцца ўдзельнікамі працэсу аднаўлення
• Жанчыны, мір і бяспека
• 49-я сесія Камісіі па становішчы жанчын (Пекін)
• 23-я спецыяльная сесія Генеральнай Асамблеі (Пекін)
• Чацвёртая сусветная канферэнцыя па становішчы жанчын (1995 год)
• Трагічны прабел у ахове здароўя жанчын
• Дэкларацыі і канвенцыі
• Публікацыі ААН *
• Канферэнцыі і мерапрыемствы ААН

* на англійскай мове