З 3 сакавіка па 4 красавіка ў аддзеле абслугоўвання афіцыйнымі дакументамі (2-гі паверх, пам. 207) адкрыта кніжная выстаўка «Жанчыны планеты: мінулае, сучаснасць, будучыня», прысвечаная Міжнароднаму жаночаму дню.
Гэты Дзень быў абвешчаны Генеральнай Асамблеяй ААН у 1977 годзе (рэзалюцыя A/RES/32/142) і штогод адзначаецца 8 сакавіка.
Міжнародны жаночы дзень, або Міжнародны дзень барацьбы за правы жанчын і міжнародны мір ААН – гэта свята, якое шырока адзначаюць ва ўсім свеце як дзень міжнароднай салідарнасці жанчын у барацьбе за эканамічнае, сацыяльнае і палітычнае раўнапраўе. У некаторых краінах гэты Дзень з’яўляецца нацыянальным святам.
Дасягненне роўнасці паміж мужчынамі і жанчынамі і пашырэнне праў і магчымасцей жанчын з’яўляецца абавязковай умовай стварэння здаровага, адукаванага, мірнага і працвітаючага грамадства. У наш час ні адно рашэнне найбольш сур’ёзных сацыяльных, эканамічных і палітычных праблем грамадства не можа быць знойдзена без усебаковага ўдзелу жанчын.
Сёння жанчыны ўсё з большай упэўненасцю глядзяць у будучыню. Іх намаганні ў барацьбе за роўнасць, справядлівасць, мір і развіццё не апынуліся марнымі. Расце колькасць краін, якія прымаюць законы, накіраваныя на ахову палавога і рэпрадуктыўнага здароўя і заахвочванне гендэрнай роўнасці. Створаны звод міжнародна-ўзгодненых стратэгій, стандартаў, праграм і мэт, закліканых палепшыць становішча жанчын ва ўсім свеце. У шматлікіх краінах жанчыны прымаюць выклікі, беручы на сябе кіруючыя функцыі і рэальна спрыяючы зменам у сваіх краінах і на міжнароднай арэне. Жанчыны займаюць пасады ў дзяржаўных установах на розных узроўнях, удзельнічаюць у кіраванні бізнесам, ствараюць і ўзначальваюць шматлікія камерцыйныя арганізацыі і на сённяшні дзень прысутнічаюць практычна ва ўсіх сферах прафесійнай дзейнасці і ў прыватным сектары.
Тым не менш зрабіць трэба яшчэ нямала. Усё гэтакі ж надмерна высокі паказчык матчынай смяротнасці, шматлікія жанчыны не маюць доступу да паслуг па планаванні сям’і, востра стаіць праблема насілля над жанчынамі і гендэрнай дыскрымінацыі. Таму штогадовае правядзенне Міжнароднага жаночага дня дазволіць крытычна ацаніць дасягнутае за мінулыя гады, развіць поспехі і выправіць недахопы.
Жанчыны прымаюць актыўны ўдзел у развіцці беларускага грамадства. Яны складаюць 53,4 % ад агульнай колькасці насельніцтва нашай краіны. Дзяржаўная палітыка ў Рэспубліцы Беларусь адносна жанчын накіравана на рэалізацыю іх палітычных, сацыяльных, эканамічных і культурных праў. Прымаюцца меры па рэфармаванні заканадаўства ў інтарэсах жанчын, распрацоўваюцца і ажыццяўляюцца сацыяльна-эканамічныя меры па паляпшэнні становішча жанчын, умацаванні і падтрымцы сям’і, забяспечваецца кантроль над захаваннем прадстаўленых жанчынам праў і гарантый. Пазітыўны ўплыў на павышэнне сацыяльнага статусу жанчын аказвае таксама развіццё жаночага руху, пашырэнне сацыяльнага партнёрства жаночых грамадскіх арганізацый з урадавымі структурамі і актывізацыя гендэрных даследаванняў.
Выстаўка ўключае наступныя тэматычныя раздзелы:
- Жанчыны свету ў гістарычнай рэтраспектыве;
- Шматгранная роля жанчын у грамадстве (жанчыны ў палітыцы, эканоміцы, сям’і, культуры);
- Міжнародныя прававыя дакументы, накіраваныя на паляпшэнне становішча жанчын;
- Здароўе і адукацыя жанчын;
- Барацьба за ліквідацыю насілля адносна жанчын;
- Гендэрныя праблемы роўнасці палоў;
- Становішча жанчын у Рэспубліцы Беларусь.
У экспазіцыі прадстаўлена больш за 100 дакументаў на рускай, англійскай, французскай і нямецкай мовах. Вялікую частку выстаўкі складаюць дакументы міжнародных арганізацый: кнігі, брашуры, мімеаграфаваныя матэрыялы ААН, перыядычныя выданні, буклеты.
Выстаўка будзе цікавая прававедам, гісторыкам, сацыёлагам, кіраўнікам і прадстаўнікам дзяржаўных органаў і няўрадавых арганізацый, выкладчыкам сацыяльна-палітычных дысцыплін, студэнтам, а таксама тым, хто цікавіцца пытаннямі гендэрнай ідэалогіі і сацыялогіі.
Карысныя спасылкі
Документы
- Пекінская дэкларацыя, прынятая IV Сусветнай канферэнцыяй па становішчы жанчын (4–15 верасня 1995 г.)
- Агляд ходу ажыццяўлення Пекінскай дэкларацыі і Платформы дзеянняў
- Дапаможнік для парламентарыяў: Канвенцыя аб ліквідацыі ўсіх форм дыскрымінацыі адносна жанчын і факультатыўны пратакол да яе
- Роўнасць жанчын і мужчын і пашырэнне праў жанчын (вытрымка з Выніковага дакумента Сусветнага саміту 2005 г.) (вытрымка з Выніковага дакумента Сусветнага саміту 2005 г.)
- Дэкларацыі і канвенцыі
Дзейнасць ААН
- Кампанія Генеральнага сакратара ААН “Разам пакончым з насіллем адносна жанчын”
- Артыкул Генеральнага сакратара ў газеце “International Herald Tribune”
- Дзейнасць ААН па паляпшэнні становішча жанчын
- Гандаль людзьмі
- Жанчыны борацца за роўнасць, сям’ю і мір
- Заахвочванне роўнасці мужчын і жанчын і пашырэнне праў і магчымасцей жанчын
- ААН працуе над паляпшэннем становішча жанчын
- Жанчыны, мір і бяспека
- Навіны ААН
Арганізацыі сістэмы ААН
- Вярхоўны камісар ААН па правах чалавека
- Камітэт па ліквідацыі дыскрымінацыі адносна жанчын
- Міжнародны вучэбны і навукова-даследчы інстытут па паляпшэнні становішча жанчын (МВНІПЖ)
- Фонд ААН для развіцця ў інтарэсах жанчын*
Канферэнцыі і мерапрыемствы
- Міжнародны дзень барацьбы за ліквідацыю насілля адносна жанчын (25 лістапада)
- Сесія Камісіі па становішчы жанчын (Пекін+10) (28 лютага – 11 сакавіка 2005 г.)
- Дваццаць трэцяя спецыяльная сесія Генеральнай Асамблеі (Пекін+5) (5–9 чэрвеня 2000 г.)
- Чацвёртая сусветная канферэнцыя па становішчы жанчын (4–15 верасня 1995 г.)