З 5 студзеня па 3 лютага ў аддзеле абслугоўвання афіцыйнымі дакументамі (пам. 207) адкрыта выстаўка “Збліжэнне культур у інтарэсах усёй планеты”, прысвечаная Міжнароднаму году збліжэння культур.
Думка аб неабходнасці прыняцця дадатковых мер па збліжэнні культур узнікла ў сусветнай супольнасці ў адказ на выстаўленую некаторымі ўплывовымі палітыкамі тэорыю пра непазбежнасць сутыкнення цывілізацый у выніку працэсу глабалізацыі. У самім працэсе культурнай глабалізацыі першапачаткова закладзены канфліктны патэнцыял, паколькі часта прыходзіцца пераглядаць некаторыя традыцыйныя пранцыпы і каштоўнасці ўласнай культуры ці адмаўляцца ад іх. Розныя супольнасці рэагуюць на чужародныя змяненні па-рознаму. Дыяпазон супраціўлення працэсу зліцця культур дастаткова шырокі: ад пасіўнага непрыняцця каштоўнасцей іншых культур да актыўнага супрацьдзеяння іх распаўсюджанню і зацвярджэнню. У выніку мы з’яўляемся сведкамі шматлікіх этнарэлігійных канфліктаў, нацыяналістычных настрояў у палітыцы, рэгіянальных фундаменталісцкіх рухаў.
Таму, разумеючы важнасць прыняцця мер для захавання множнасці культур і іх разнастайнасці і падтрымліваючы дух раўнапраўнага партнёрства і салідарнасці, Генеральная Асамблея ААН на 63-й сесіі ў снежні 2007 года абвясціла 2010 год Міжнародным годам збліжэння культур (A/RES/62/90).
Асамблея рэкамендавала арганізаваць на працягу гэтага года адпаведныя мерапрыемствы, якія прысвечаны міжрэлігійнаму і міжкультурнаму дыялогу, узаемаразуменню і супрацоўніцтву на карысць міру.
Яна таксама даручыла ЮНЕСКА ўзначаліць падрыхтоўку і арганізаваць у міжнародным маштабе правядзенне гэтага Года з прыцягненнем усіх дзяржаў свету, найбольш уплывовых міжнародных урадавых і няўрадавых арганізацый, выдатных дзеячаў культуры, асветы, навукі.
Генеральная Асамблея вызначыла адносна Міжнароднага года збліжэння культур тры усеабдымныя аспекты: дыялог, узаемаразуменне і супрацоўніцтва. На ўсіх узроўнях грамадства будуць прадпрымацца намаганні, накіраваныя на пашырэнне і заахвочванне міжрэлігійнага і міжкультурнага дыялогу, цярпімасці, узаемаразумення і супрацоўніцтва.
Правядзенне Міжнароднага года збліжэння культур павінна спрыяць захаванню нацыянальнай самабытнасці, культурнай і моўнай разнастайнасці, матэрыяльнай і нематэрыяльнай культурнай спадчыны. Павышаная ўвага будзе нададзена міжнародна-прававому рэгуляванню ў галіне культуры, кантролю за выкананнем прынятых рашэнняў і міжнародна-прававых актаў ЮНЕСКА ў выглядзе канвенцый, дэкларацый і міжурадавых рэкамендацый.
На выстаўцы прадстаўлена больш за 100 дакументаў на рускай, англійскай, французскай і нямецкай мовах. Большую частку экспазіцыі складюць дакументы міжнародных арганізацый: брашуры, мімеаграфаваныя матэрыялы ААН, перыядычныя выданні, буклеты.
Экспазіцыя ўключае наступныя тэматычныя раздзелы:
- Культурны дыялог у інтарэсах устойлівага развіцця;
- Збліжэнне культур і працэс светабудаўніцтва: культура свету;
- Міжрэлігійны дыялог – важны кампанент збліжэння культур;
- Ахова моўнай разнастайнасці і заахвочванне шматмоўя;
- Ахова матэрыяльнай і нематэрыяльнай культурнай спадчыны як фактар збліжэння культур.
Выстаўка будзе цікавай лінгвістам, філолагам, супрацоўнікам устаноў культуры і мастацтва, гісторыкам, а таксама шырокаму колу чытачоў, якія цікавяцца пытаннямі ўзаемадзеяння культур, моўнай і культурнай разнастайнасці.
Карысныя спасылкі
- Міжнародны год збліжэння культур
- Cultural Diversity
- World Heritage
- Intangible Heritage
- Underwater Heritage
- Movable Heritage and Museums
- Creativity
- Dialogue
- Normative Action
- Emergency Situations
 |
 |
 |
 |
 |
