ГалоўнаяНавіныКніжныя выстаўкі
Правы дзіцяці ў дарослым свеце
Прэзентацыя праекта “1812. Вядомы і невядомы”

З любоўю да людзей

З любоўю да людзей
Іншыя навіны

З 14 лістапада па 10 снежня ў зале беларускай літаратуры (пам. 205) праходзіць выстаўка “З любоўю да людзей”, прысвечаная 100-годдзю з дня нараджэння беларускага пісьменніка П.Н. Кавалёва.


Таленавіты пісьменнік, педагог, заслужаны работнік культуры Беларусі Павел Нічыпаравіч Кавалёў (1912–1995) прыйшоў у літаратуру з вялікім запасам самых разнастайных назіранняў і ўражанняў ад убачанага і асабіста перажытага; ён узбагаціўся жыццёвым вопытам, набытым у гады Вялікай Айчыннай вайны. Тэмамі “вайна і дзеці”, “дзеці і сям’я” прасякнута амаль уся яго творчасць. Як педагог ён добра ведаў дзіцячую псіхалогію, і таму шмат пісаў для дзяцей, пісаў проста і шчыра. Свае думкі пра дзяцей вайны, іх ранняе сталенне пісьменнік адлюстраваў у аповесці “Андрэйка” (1948), якая перавыдавалася некалькі разоў і перакладалася на розныя мовы.

Экспазіцыя знаёміць наведвальнікаў з творамі пісьменніка “Згублены дзённік” (1954), “Сябры мае, дзеці” (1959), “Лёнька Гром” (1961), “Малы мужчына” (1966) і інш.

Выступаў пісьменнік таксама ў жанры сатыры і гумару. Доўгі час Павел Нічыпаравіч узначальваў часопіс “Вожык” (1955–1967), з-пад яго пяра выйшла вялікая колькасць сатырычных твораў, якія вызначаюцца вастрынёй адлюстравання рэчаіснасці, актуальнасцю.

Пісаў П.Н. Кавалёў і літаратурныя артыкулы, якія расказвалі пра знаёмства са знакамітымі беларускімі пісьменнікамі – Якубам Коласам, Янкам Купалам, Міхасём Лыньковым, Іванам Мележам і інш.

Адзін з раздзелаў выстаўкі прысвечаны перакладчыцкай дзейнасці Паўла Нічыпаравіча Кавалёва, які таленавіта перакладаў з украінскай, англійскай, рускай, балгарскай і іншых моў.

Асобна прадстаўлены творы пісьменніка ў перакладах.

Апошні раздзел знаёміць з публікацыямі пра жыццё і дзейнасць П.Н. Кавалёва, змешчанымі ў энцыклапедычных і перыядычных выданнях.

Экспазіцыя налічвае каля 140 дакументаў.

Кантактны тэлефон: 8 (017) 293 27 16.

Навіны

Пра прафесію бібліятэкара – у эфіры тэлеканала "Беларусь 1"

20 Лют 2020

Фізічныя нагрузкі і праца з лічбамі – такое апісанне не вельмі падобна на будні бібліятэкара. Аднак Ульяна Копцік, бібліятэкар 1-й катэгорыі аддзела захоўвання спецыялізаваных фондаў Нацыянальнай бібліятэкі Беларусі, разбурыла стэрэатыпы пра ўласную прафесію.

Партрэты: гісторыя бібліятэкі ў асобах

Выказваем падтрымку Кітаю ў барацьбе з каранавірусам

20 Лют 2020

У сувязі з распаўсюджваннем пнеўманіі новага тыпу “COVID–2019” (каранавіруса) у Кітаі склалася цяжкая сітуацыя. Рэспубліка Беларусь аказвае гуманітарную дапамогу: дае сродкі абароны і лекі, неабходныя для барацьбы з вірусам.

Навіны Нацыянальнай бібліятэкі Беларусі

Спалучэнне мер прававога і грамадскага ўздзеяння – найважнейшы фактар процідзеяння карупцыі

20 Лют 2020

Аддзел абслугоўвання афіцыйнымі дакументамі прадстаўляе ў рубрыцы “Актуальныя тэмы” на анлайн-сэрвісе “Віртуальны цэнтр прававой інфармацыі” рэкамендацыйны спіс літаратуры “Спалучэнне мер прававога і грамадскага ўздзеяння – найважнейшы фактар процідзеяння карупцыі”.

Навіны Нацыянальнай бібліятэкі Беларусі

Прэзентавана выданне да 180-годдзя з дня нараджэння Францішка Багушэвіча

19 Лют 2020

19 лютага ў Нацыянальнай бібліятэцы Беларусі прайшла прэзентацыя электроннага выдання “Не пакідайце ж мовы нашай беларускай...”, падрыхтаванага да 180-годдзя з дня нараджэння Францішка Багушэвіча.

Навіны Нацыянальнай бібліятэкі Беларусі

Biełaruskaja łacinka

20 Лют 2020

З 21 лютага 2020 г. у музеі кнігі Нацыянальнай бібліятэкі Беларусі будзе працаваць выстава, прысвечаная адметнай традыцыі ў нашай культуры – беларускай лацінцы.

Кніжныя выстаўкі

111