З 1 па 25 лютага запрашаем на выстаўку “З любоўю да кнігі”, якая экспануецца ў чытальнай зале аддзела міжбібліятэчнага абанемента і дастаўкі дакументаў (пам. 164).
З якім святам перш за ўсё асацыіруецца 14 лютага? Вядома ж, з Днём святога Валянціна! Гэтае свята любяць усе рамантыкі, чыё сэрца напоўнена любоўю. У гэты дзень людзі прызнаюцца адзін аднаму ў пачуццях, робяць прапановы рукі і сэрца і проста імкнуцца правесці час са сваёй другой палавінкай.
Аднак так бывае, што ў адным дні календара могуць сумяшчацца некалькі выдатных свят. 14 лютага мы адзначаем не толькі Дзень закаханых, але і Міжнародны дзень дарэння кніг. Гэтае свята вядома ва ўсім свеце з 2012 года, а мэта яго – нагадаць усім, што кніга – самы лепшы падарунак.
Запрашаем вас наведаць выстаўку “З любоўю да кнігі”, дзякуючы якой вы даведаецеся пра гісторыю ўзнікнення гэтых двух свят, традыцыі, звязаныя з імі, а наша падборка кніг дапаможа вам стварыць цудоўны рамантычны настрой.
Час работы выстаўкі:
пн. – чц.: 10.00–19.00,
пт.: 10.00–18.00,
сб., нядз. – выхадны.
Уваход – па чытацкім білеце або білеце сацыякультурнага цэнтра.
Прадстаўленыя ў экспазіцыі кнігі можна заказаць праз электронны каталог Нацыянальнай бібліятэкі Беларусі.
Тэлефон для даведак: (8 017) 293 27 10.
Матэрыял прадастаўлены аддзелам міжбібліятэчнага абанемента і дастаўкі дакументаў.