ГалоўнаяНавіныКніжныя выстаўкі
Споведзь сэрца
“Прэм’ера” запрашае на монаспектакль “Цунамі”

ЮНЕСКА і Беларусь: 60 гадоў паспяховага супрацоўніцтва

ЮНЕСКА і Беларусь: 60 гадоў паспяховага супрацоўніцтва
Іншыя навіны

З 7 мая па 11 чэрвеня ў аддзеле абслугоўвання афіцыйнымі дакументамі (пам. 207) арганізавана выстаўка “ЮНЕСКА і Беларусь: 60 гадоў паспяховага супрацоўніцтва”, прысвечаная 60-годдзю ўступлення Рэспублікі Беларусь у ЮНЕСКА.


ЮНЕСКА, як і Арганізацыя Аб’яднаных Нацый, узнікла ў 1945 годзе, пасля Другой сусветнай вайны, жахі якой падштурхнулі чалавецтва да пошуку шляхоў усталявання сапраўднай культуры міру. “Думкі пра вайну ўзнікаюць у розуме людзей, таму ва ўсведамленні людзей трэба ўкараняць ідэю абароны міру” – гэтымі словамі пачынаецца Статут ЮНЕСКА. Ён быў падпісаны 16 лістапада 1945 года і ўступіў у сілу 4 лістапада 1946 года пасля яго ратыфікацыі 20 дзяржавамі. На сённяшні дзень у арганізацыі налічваецца 195 дзяржаў-членаў. Яе штаб-кватэра размяшчаецца ў Парыжы, у Францыі.

ЮНЕСКА працуе над стварэннем умоў для дыялога паміж цывілізацыямі, культурамі і народамі, які засноўваецца на павазе агульных каштоўнасцей. Місія ЮНЕСКА заключаецца ў садзейнічанні ўмацаванню міру, выкараненню галечы, устойліваму развіццю і міжкультурнаму дыялогу з дапамогай адукацыі, навукі, культуры, камунікацыі і інфармацыі.

Беларусь стала членам ЮНЕСКА 12 мая 1954 года. Супрацоўніцтва з гэтай арганізацыяй каардынуецца міжведамаснай Нацыянальнай камісіяй Рэспублікі Беларусь па справах ЮНЕСКА. Статутам арганізацыі прадугледжана стварэнне ў дзяржавах-членах нацыянальных камісій, закліканых рэалізоўваць праекты ЮНЕСКА ўнутры краін, далучаць дзяржаўныя ўстановы і няўрадавыя арганізацыі да ўдзелу ў праграмах арганізацыі і ўстанаўліваць кантакты з замежнымі партнёрамі.

Плённае і практычнае супрацоўніцтва Беларусі з ЮНЕСКА эфектыўна і дынамічна развівалася па ўсіх напрамках дзейнасці арганізацыі на працягу ўсяго членства Беларусі ў ЮНЕСКА. Пры тэхнічным, фінансавым і экспертным садзейнічанні ЮНЕСКА быў рэалізаваны цэлы шэраг праграм і праектаў: “Адукацыя і асвета ў галіне біяэтыкі ў Рэспубліцы Беларусь”, “Рэгіён, які вучыцца: адукацыя для ўсіх пакаленняў”, “Разумная школа будучыні”, “Стварэнне трансгранічнага біясфернага рэзервату і рэгіянальнай экалагічнай сеткі ў Палессі”, “Літаратурная спадчына Беларусі, XI – сярэдзіна XX стагоддзя (з фондаў Нацыянальнай бібліятэкі Беларусі)”, “Прафілактыка ВІЧ-інфекцыі ва ўстановах адукацыі Рэспублікі Беларусь” і інш.

ЮНЕСКА была першай міжнароднай арганізацыяй, якая пачала аказваць Беларусі міжнародную тэхнічную дапамогу ў сферы мінімізацыі наступстваў катастрофы на Чарнобыльскай АЭС. Па лініі ЮНЕСКА ў нашай краіне быў рэалізаваны шэраг праектаў па гэтай праблеме. Яны не толькі прыцягнулі ўвагу міжнароднай супольнасці да праблем, з якімі сутыкнулася Беларусь, але і дапамаглі іх вырашыць.

Сёння ЮНЕСКА – гэта важны партнёр Беларусі ў рашэнні задач у сацыякультурнай сферы, а таксама ўнікальная платформа для прапаганды дасягненняў у сферах культуры, навукі, адукацыі, інфармацыйных тэхналогій, для прасоўвання замежнапалітычных ініцыятыў рэспублікі і развіцця ўзаемавыгадных двухбаковых кантактаў. Інтэлектуальны патэнцыял нашай краіны дазваляе нам уносіць значны ўклад у фарміраванне палітыкі ЮНЕСКА, яе павесткі дня, удзельнічаць у распрацоўцы нарматыўных дакументаў, ініцыяваць новыя напрамкі дзейнасці

На выстаўцы прадстаўлена больш за 100 дакументаў з фондаў на рускай, беларускай, і англійскай мовах: кнігі, перыядычныя выданні, мімеаграфаваныя матэрыялы ЮНЕСКА, брашуры, буклеты.

Экспазіцыя складаецца з наступных раздзелаў:

  • асноўныя напрамкі дзейнасці ЮНЕСКА;
  • ЮНЕСКА і Беларусь: гісторыя супрацоўніцтва;
  • супрацоўніцтва Рэспублікі Беларусь з ЮНЕСКА і дзейнасць тэматычных камітэтаў:
    • адукацыі;
    • навукі і прыродазнаўчанавуковай адукацыі;
    • культуры;
    • інфармацыі і камунікацыі;
    • моладзі і клубаў ЮНЕСКА

Выстаўка будзе цікавая спецыялістам у сферы міжнароднага права, сусветнай палітыкі, міжнародных адносін, сацыёлагам, супрацоўнікам устаноў культуры і мастацтва, студэнтам і выкладчыкам, а таксама ўсім, хто цікавіцца дзейнасцю ЮНЕСКА і асноўнымі напрамкамі супрацоўніцтва нашай краіны з гэтай арганізацыяй.

Карысныя спасылкі

Навіны

Віртуальная чытальная зала прадстаўляе інфармацыйны рэсурс пра выдатнага ўраджэнца Беларусі

27 Сак 2020

Рэпертуар персанальных краязнаўчых рэсурсаў арганізацый – партнёраў Нацыянальнай бібліятэкі Беларусі папоўніўся віртуальным праектам “Жарэс Алфёраў: чалавек-легенда”.

Навіны Нацыянальнай бібліятэкі Беларусі

30 сакавіка 1945 года. 41 дзень да Перамогі

30 Сак 2020

Узяцце Данцыга (Гданьска) і лісты-падзякі з Польскай рэспублікі. Падрыхтоўка тарфянікаў да сезону. Папаўненне ў Беларускім дзяржаўным музеі гісторыі Вялікай Айчыннай вайны. Дыспут у чытальнай зале бібліятэкі Дома партыйнай асветы. Газеты: “Звязда” (№№ 58, 59), “Советская Белоруссия” (№№ 57, 58, 60), “Совецкая радзіма” (№ 49).

Праект “100 дзён да Вялікай Перамогі. Па старонках беларускіх газет 1945 г.”

29 сакавіка 1945 года. 42 дні да Перамогі

29 Сак 2020

У зводцы Саўінфармбюро. Рабочы план на пасяўную. Бібліятэкі Воранаўскага раёна. Газеты: “Ленінскі шлях” Горацкага раёна (№ 23), “Путь соціалізма” Воранаўскага раёна (№ 20).

Праект “100 дзён да Вялікай Перамогі. Па старонках беларускіх газет 1945 г.”

28 сакавіка 1945 года. 43 дні да Перамогі

28 Сак 2020

Узятыя Штрэлен і Рыбнік. Фаўстпатроны у Рыбніку. Заява Эйзенхаўэра. У Акадэміі навук БССР. Ганусаўская доследная станцыя. Газеты: “Звязда” (№ 57), “Советская Белоруссия” (№ 56).

Праект “100 дзён да Вялікай Перамогі. Па старонках беларускіх газет 1945 г.”

111