ГалоўнаяНавіныКніжныя выстаўкі
Міжнародны кангрэс “Нацыянальная бібліятэка як феномен культуры”
Нацыянальная бібліятэка Беларусі ўзнагароджана Ганаровай граматай

Яркая постаць літаратуразнаўчай навукі

Яркая постаць літаратуразнаўчай навукі
Іншыя навіны

З 7 па 30 верасня ў зале беларускай літаратуры (пам. 205) праходзіць выстаўка “Яркая постаць літаратуразнаўчай навукі”, прысвечаная 90-годдзю з дня нараджэння беларускага крытыка У. А. Калесніка (1922–1994).


Уладзімір Андрэевіч Калеснік – літаратуразнавец, празаік, педагог, найбуйнейшая фігура на небасхіле беларускай крытыкі і літаратурнай навукі 50–90-х гг. XX ст., лаўрэат Дзяржаўнай прэміі Беларусі імя Я. Коласа (1980) і Літаратурнай прэміі імя І. Мележа (1994). Аўтар звыш 10 кніг літаратурна-крытычных нарысаў, дакументальна-мастацкіх аповесцей, палемічных артыкулаў, рэцэнзій, падручнікаў і дапаможнікаў для ВНУ, шматлікіх публікацый. Шырокі іх тэматычны абсяг: фальклор, заходнебеларуская літаратура, беларуская старажытная літаратура, постаці Ф. Скарыны і М. Гусоўскага, Я. Купалы і У. Жылкі, М. Танка і Я. Брыля, сучасная паэзія, творчасць асобных украінскіх, польскіх майстроў слова. У першую чаргу крытык даследаваў літаратуру роднага краю, таму яго называюць настаўнікам паэтаў і гісторыкам літаратуры Берасцейшчыны.

На выстаўцы можна пазнаёміцца з кнігамі крытыкі У. Калесніка: “Паэзія змагання: Максім Танк і заходнебеларуская літаратура” (1959), “Зорны спеў” (1975), “Ветразі Адысея: Уладзімір Жылка і рамантычная традыцыя ў беларускай паэзіі” (1977), “Лёсам пазнанае” (1982), “Тварэнне легенды” (1987), “Усё чалавечае” (1993) і інш.

Выклікаюць цікавасць дакументальна-мастацкія творы “Аповесць пра Таўлая” (1964–1965), “Галын бор” (не скончаны), змешчаныя ў перыядычных выданнях.

У. Калеснік – адзін з аўтараў унікальнай дакументальнай кнігі “Я з вогненнай вёскі…” (1975, з А. Адамовічам і Я. Брылём), якая перакладзена на польскую, англійскую, балгарскую і іншыя мовы. На выстаўцы прадстаўлены некаторыя пераклады гэтай кнігі.

Асоба даследчыка здзіўляе сваім багаццем і шматграннасцю. Ён быў выдатным фатографам, нястомным вандроўнікам, у сваіх падарожжах заўсёды рабіў здымкі, якія выяўлялі яго тонкі густ і майстэрства. У раздзеле выстаўкі “Дыяменты таленту” можна пазнаёміцца з фотаэцюдамі У. Калесніка, якія ўвайшлі ў альбомы “Між тых палёў” (1968), “Свіцязь” (1973) і інш.

Раздзел “Асоба і грані творчай індывідуальнасці” знаёміць з публікацыямі, змешчанымі ў энцыклапедычных выданнях, кнігамі і артыкуламі пра жыццё і творчасць У.А. Калесніка.

Экспазіцыя налічвае каля 130 дакументаў.

Кантактны тэлефон: (+375 17) 293 27 16.

Навіны

Супрацоўнікі Нацыянальнай бібліятэкі Беларусі ўзялі ўдзел у міжнароднай канферэнцыі, арганізаванай Нацыянальнай бібліятэкай Арменіі

30 Вер 2022

29–30 верасня ў Нацыянальнай бібліятэцы Арменіі адбылася міжнародная канферэнцыя “Захаванне спадчыны для стабільнай будучыні”, прысвечаная 510-годдзю армянскага кнігадрукавання. Канферэнцыя аб’яднала вядучых і маладых спецыялістаў бібліятэчнай сферы з усяго свету.

Навіны Нацыянальнай бібліятэкі Беларусі

Місія – выратаваць кнігу: інтэрв’ю з рэстаўратарам Людмілай Палтаран

29 Вер 2022

Кожная кніга мае сваю гісторыю, запісы на палях, свае пашкоджанні і... свой працэс аднаўлення. Ці цікава вам даведацца, колькі рэстаўруюць кнігі – адзін дзень або адзін год? Як працуе лістадалівачная машына? Якія этапы рэстаўрацыі праходзяць старадаўнія выданні, каб быць прадстаўленымі ў музеях або на паліцах бібліятэк?

Навіны Нацыянальнай бібліятэкі Беларусі

Віншуем з 85-годдзем ветэрана Нацыянальнай бібліятэкі Беларусі Валянціну Карнееўну Жак

1 Кас 2022

Ад усяго калектыву Нацыянальнай бібліятэкі Беларусі для Валянціны Карнееўны – самыя шчырыя віншаванні з гэтай цудоўнай юбілейнай датай і пажаданні моцнага здароўя на доўгія гады, светлага шчасця, радасці сэрца і ўцехі душы! Хай кожны Ваш дзень будзе напоўнены цікавымі падзеямі, любоўю і клопатам блізкіх і дарагіх сэрцу людзей.

Партрэты: гісторыя бібліятэкі ў асобах

У бібліятэцы падвялі вынікі конкурсу “Мір у душы – мір у краіне”

28 Вер 2022

28 верасня ў Нацыянальнай бібліятэцы Беларусі адбылася ўрачыстая цырымонія ўзнагароджання ўдзельнікаў рэспубліканскага конкурсу “Мір у душы – мір у краіне” ў намінацыі “Верш” у рамках творчага праекта “Шчасце – жыць у мірнай краіне!”.

Навіны Нацыянальнай бібліятэкі Беларусі

Славуты беларускі кампазітар з грузінскімі каранямі

1 Кас 2022

1 кастрычніка спаўняецца 85 гадоў з дня нараджэння вядомага кампазітара і педагога Андрэя Юр’евіча Мдзівані (1937–2021), які ўнёс вялікі ўклад у беларускую музычную культуру і садзейнічаў яе росквіту.

Па старонках беларускага календара

Пад знакам крылатага змея

30 Вер 2022

З 30 верасня па 7 лістапада ў зале дакументаў па мастацтве (пам. 306) праходзіць кніжна-ілюстрацыйная выстава “Пад знакам крылатага змея”, прысвечаная 550-годдзю з дня нараджэння Лукаса Кранаха Старэйшага (1472–1553).

Кніжныя выстаўкі

Бібліятэкарам