З 28 красавіка па 19 мая ў зале дакументаў па мастацтве (пам. 306) праходзіць кніжна-ілюстрацыйная выстаўка “Яе Вялікасць Мода”, прысвечаная гісторыі станаўлення еўрапейскай моды.
Мода як сацыяльна-культурная з’ява пачалаі сваё існаванне з таго часу, як адзежа страціла сваё першапачатковае прызначэнне – абарону ад холаду – і ператварылася ў эстэтычна значную дэталь чалавечага аблічча. Аднак гаварыць пра Моду з вялікай літары можна толькі са з’яўленнем людзей, “якія апранаюць эпоху” – таленавітых краўцоў, якія адхілілі правіла няўхільнасці волі заказчыкаў і пачалі ўвасабляць у адзежы ўласныя ідэі.
На выстаўцы прадстаўлены кнігі, прысвечаныя гісторыі найвялікшых модных дамоў і знакамітых сусветных брэндаў (Versace, Chanel, D&G). Наведвальнікі змогуць азнаёміцца з біяграфіямі і творчасцю такіх выдатных куцюр’е ХХ стагоддзя, як Поль Пуарэ, Габрыэль Шанэль, Крысціян Дзіёр, Джорджа Армані, Джані Версачэ, Юбер дэ Жываншы і многіх інш.
Экспазіцыя змяшчае французскія часопісы XIX – пачатку XX стст. з малюнкамі сукенак модных фасонаў (“Journal des demoiselles”, “L’art et la mode”), а таксама сучасныя перыядычныя выданні (“Vogue”, “Harper’s Bazaar”, “Fashion Collection”, “Индустрия моды”, “Теория моды”, “Ателье”), якія будуць цікавыя як пачаткоўцам у fashion-індустрыі, якія жадаюць далучыцца да апошніх тэндэнцый у свеце моды, так і прафесіяналам, якія ствараюць адзежу.
Асобным раздзелам прадстаўлена літаратура, прысвечаная філасофіі і псіхалогіі моды, яе ўплыву на свядомасць і масавую культуру, а таксама дызайну адзежы і распаўсюджванню моднага брэнда.
Усяго на выстаўцы налічваецца больш за 40 дакументаў.
Кантактны тэлефон: (8 017) 293 27 53.