ГалоўнаяНавіныКніжныя выстаўкі
Пасяджэнне Савета бібліятэк Беларусі па інфармацыйным узаемадзеянні
“Хадзі на мой голас”

“Я той хто шлях і хто па ім ідзе…”

“Я той хто шлях і хто па ім ідзе…”
Іншыя навіны

З 29 лістапада па 31 снежня ў зале беларускай літаратуры (пам. 205) праходзіць выстаўка “Я той хто шлях і хто па ім ідзе…”, прысвечаная 70-годдзю беларускага паэта і перакладчыка Алеся Разанава.


Лаўрэат Дзяржаўнай прэміі БССР імя Я. Купалы (1990) і прэміі “Залаты апостраф” (2012) Алесь Разанаў добра вядомы ўсім прыхільнікам беларускай літаратуры як вялікі майстар паэтычнага эксперыменту, наватарства ў паэзіі і павышанай увагі да філасофскіх праблем. З імем Алеся Сцяпанавіча звязваецца ўяўленне аб інтэлектуальнай плыні ў беларускай паэзіі.

У паэта абвостранае адчуванне часу і месца чалавека ў ім. Яго паэзія поўніцца пачуццём хуткаплыннасці жыцця. Галоўнае памкненне Разанава – адпавядаць шпаркаму руху, быць такім жа дынамічным і зменлівым, як сам свет.

З жыццёвым і творчым шляхам юбіляра знаёмяць шматлікія матэрыялы выстаўкі, якая складаецца з чатырох раздзелаў: “Зямлі вяртаючы нябёсы”, “Каб мелі шчасце ўваскрасаць і лётаць”, “У вышыню Сусвету, у глыбіню сутнасці”, “Жыццё – вандроўніцтва”.

У экспазіцыі прадстаўлены кнігі Алеся Разанава: “Адраджэнне”, “Вастрыё стралы”, “У горадзе валадарыць Рагвалод”, “Паляванне ў райскай даліне”, “Рэчаіснасць”, “Гановерскія пункціры”, “І потым нанава пачаць”, “На гэтай зямлі = Auf dieser Erde”, “Францыск Скарына. Маем найбольшае самі” і інш.

Паэт адкрывае багацце лексічных, музычных, сэнсавых магчымасцей беларускай мовы і дэманструе амаль у кожным новым творы ідэю вобразнай невычэрпнасці нацыянальнай моўнай стыхіі. Любое слова, паняцце, назва прадмета, з’явы ў навакольным свеце поўняцца для Разанава асаблівым сэнсам і зместам. Але самай вялікай загадкай для яго застаецца жыццё і чалавек.

Асобна на выстаўцы прадстаўлены пераклады, зробленыя А. Разанавым з літоўскай, латышскай, грузінскай, балгарскай, сербскахарвацкай, чэшскай, англійскай моў. Сярод іх – аповесць-казка “Гэй, хавайцеся!” К. Сая, раман Ё. Авіжуса “Час, калі пусцеюць сядзібы”, асобныя творы У. Бэрзыньша, п’еса У. Шэкспіра “Сон у летнюю ноч” і інш.

Усяго экспазіцыя налічвае каля 150 выданняў.

Кантактны тэлефон: (8 017) 293 27 16

Навіны

У Маскве адкрылася выстаўка “Сімяон, сын Полацка”

13 Сне 2019

12 снежня ў Дзелавым і культурным комплексе Пасольства Рэспублікі Беларусь у Расійскай Федэрацыі адкрылася кніжна-ілюстрацыйная выстаўка “Сімяон, сын Полацка”, прысвечаная 390-годдзю з дня нараджэння дзяржаўнага, царкоўнага і культурнага дзеяча Беларусі і Расіі.

Кніжныя выстаўкі

“Школа даследчыка” навучыць, дзе і як шукаць літаратуру

13 Сне 2019

Нацыянальная бібліятэка Беларусі валодае шырокім спектрам электронных інфармацыйных рэсурсаў, якія адлюстроўваюць не толькі нашы фонды і фонды іншых бібліятэк, але і дзясяткі мільёнаў лепшых сусветных публікацый з ліцэнзійных баз даных.

Навіны Нацыянальнай бібліятэкі Беларусі

Доўгая дарога да дома Караткевіча

13 Сне 2019

Адзін з найзначнейшых юбілеяў, якія будуць адзначацца ў надыходзячым 2020-м — 90-годдзе з дня нараджэння Уладзіміра Караткевіча. Як налета збіраюцца ўшанаваць памяць аб славутым земляку на ягонай малой радзіме — пакрысе высвятляецца ўжо сёння.

Навіны бібліятэк

Статус гісторыка-культурнай каштоўнасці атрымае феномен “Паўлінкі” Купалаўскага тэатра

12 Сне 2019

Статус гісторыка-культурнай каштоўнасці атрымае тэатральны феномен спектакля “Паўлінка” Нацыянальнага акадэмічнага тэатра імя Янкі Купалы. Такую прапанову сёння падтрымаў Беларускі рэспубліканскі навукова-метадычны савет па пытаннях гісторыка-культурнай спадчыны пры Міністэрстве культуры, паведамілі ў Мінкульце.

Навіны бібліятэк

Пра беларускіх ілюстратараў, якія прысвяцілі талент Яе Вялікасці Кнізе

11 Сне 2019

“Я не самотны, я кнігу маю…” – невыпадкова радок з верша Максіма Багдановіча прагучаў на ўрачыстай прэзентацыі кнігі журналіста Вольгі Паўлючэнкі “Малюнак пад кніжнай вокладкай”, якая адбылася 10 снежня ў бібліятэцы.

Навіны Нацыянальнай бібліятэкі Беларусі

111