З 1 верасня па 11 лістапада ў зале беларускай літаратуры (пам. 205) праходзіць выстава “Я на плыце сваіх гадоў...”, прысвечаная 80-годдзю беларускага пісьменніка, паэта, публіцыста, мастака Мікалая Іосіфавіча Бусько.
Мікалай Бусько – прыхільнік традыцыйна-класічнай манеры пісьма. Яго паэзіі ўласціва спавядальнасць, шчырасць, вобразнасць, у вершах адлюстраваны карціны прыроды, рэаліі малой радзімы; героі празаічных твораў – простыя людзі, надзеленыя пачуццём абавязку і справядлівасці.
У экспазіцыі прадстаўлены кнігі паэзіі М. Бусько “У Нёмна на плячах”, “Сузор’е шаляў”; зборнік апавяданняў, аповесцей, нарысаў, у тым ліку пра творчасць У. Жылкі, А. Рымшы – “Сляды ад верасня”; кнігі для дзяцей “Ад галінкі да сучка – тэлефон у павучка”, “Шасцікрылец Хмарагон”, “Бабрыная навука”, “У бары жывуць сябры”, “Лясныя дзівосы”; тэматычныя зборнікі і перыядычныя выданні з творамі пісьменніка; кніга беларускага паэта Алеся Мілюця “Паэзія баразны”, аформленая Бусько-мастаком; літаратура з біяграфічнай інфармацыяй пра юбіляра.
Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 16.
Матэрыял пададзены аддзелам абслугоўвання спецыялізаванымі фондамі.
