З 7 верасня па 11 кастрычніка ў зале нотных і аўдыядакументаў (пам. 305) арганізавана выстаўка “Я люблю цябе, жыццё!”, прысвечаная 100-годдзю з дня нараджэння савецкага акцёра кіно і выканаўца песень – Марка Бернеса (1911–1969).
Народны артыст РСФСР (1965), лаўрэат Сталінскай прэміі першай ступені (1951) Марк Навумавіч Бернес з’яўляецца адным з найбольш любімых артыстаў савецкай эстрады, знакамітым шансанье. Яго творчасць склала залаты фонд айчыннай песеннай класікі, у які ўвайшлі такія вядомыя песні, як “Если бы парни всей Земли”, “Я люблю тебя, жизнь”, “Шаланды, полные кефали”, “Журавли”, “Три года ты мне снилась”, “Любимый город”, “Спят курганы темные” і інш.
Акцёрскія работы М. Бернеса ў кіно адрозніваліся абаяннем і мяккім гумарам. Вялікую папулярнасць яму прынеслі ролі ў фільмах пра вайну. У кінастужцы “Два бойца”, ён выявіў не толькі шматгранны талент акцёра, але і з дзіўнай сардэчнасцю і прастатой праспяваў песню “Цёмная ноч” (музыка М. Багаслоўскага, верш. У. Агатава), якую потым спявалі ўсе, і кожны знаходзіў у ёй нешта сваё.
На выстаўцы прадстаўлены нотныя выданні песень, грампласцінкі і аўдыядакументы з творамі з рэпертуара спевака. Дапаўняюць экспазіцыю кнігі і публікацыі, прысвечаныя яго жыццю і творчасці.
Кантактны тэлефон: 293-27-52.
 |
 |
 |
 |
