З 5 кастрычніка па 16 лістапада ў зале нотных і аўдыявізуальных дакументаў (пам. 305) праходзіць выстаўка аўдыякурсаў з фондаў Нацыянальнай бібліятэкі “Вывучайце замежныя мовы!”.
Штогод, пачынаючы з 2001 года, на ўсім кантыненце 26 верасня адзначаецца Еўрапейскі дзень моў. Асноўная мэта гэтага дня – заахвочванне вывучэння і засваення розных моў як у школах, так і па-за імі на працягу ўсяго жыцця чалавека. “Ведаць многа моў – значыць мець многа ключоў да аднаго замка”.
Вывучэнне моў спрыяе ўзбагачэнню, развіццю асобы і паразуменню паміж народамі з рознымі моўнымі і культурнымі традыцыямі. “Мовы адчыняюць дзверы” – такі дэвіз гэтага Дня. Сіла кожнай мовы ў тым, што яна дазваляе разважаць, ствараць выдатнае сваёй паэтыкай і сімвалічным значэннем.
На выстаўцы, прымеркаванай да свята моў, да ўвагі карыстальнікаў будуць прадстаўлены серыі аўдыякурсаў “Вучымся самастойна”, “Мова без меж”, “З нуля да ўзроўню ўпэўненага карыстальніка”; дапаможнікі новага пакалення для “пачаткоўцаў і прасунутых”, “тых, хто сумняваецца, і суперзанятых”, размоўнікі і падручнікі англійскай, арабскай, іспанскай, італьянскай гутарковай і для вакалістаў, кітайскай, карэйскай, нямецкай, персідскай, польскай, партугальскай, турэцкай, чэшскай, фінскай, французскай, эстонскай, японскай і інш. моў. Усё дапаможнікі маюць аўдыядадаткі, а дапаможнікі англійскай – аўдыядадаткі, агучаныя носьбітамі мовы.
Вывучайце мовы! Гэта цікава і неабходна!
Кантактны тэлефон: (8 017) 293 27 52.
 |
 |
 |
 |
 |
 |
 |
 |
 |
 |
 |
 |
