З 1 па 23 красавіка запрашаем усіх на выстаўку пад назвай “На здароўе!”, арганізавануюў чытальнай зале аддзела міжбібліятэчнага абанемента і дастаўкі дакументаў (пам. 164).

Здароўе – гэта бясцэнны дар, які дорыць нам прырода, падмурак, на якім будуецца жыццё кожнага. Фізічная актыўнасць, правільнае харчаванне, адпачынак – вось складнікі здаровага ладу жыцця. На жаль, не заўсёды атрымліваецца выконваць гэтыя простыя правілы здароўя.

Менавіта з мэтай прыцягнення ўвагі да гэтага пытання Сусветная арганізацыя аховы здароўя ў 1948 годзе агучыла ідэю аб Сусветным дні здароўя і ўстанавіла дату яго правядзення – 7 красавіка. І вось ужо больш за 70 гадоў у гэты дзень праходзяць разнастайныя спартыўныя мерапрыемствы, акцыі, лекцыі на тэму беражлівых адносін да здароўя.

На кніжнай выставе прадстаўлена літаратура аб тым, як трэба клапаціцца пра свой арганізм, каб не хварэць, аб правільным харчаванні, унікальных методыках аздараўлення і многім іншым.

Чытайце на здароўе!

Час работы выстаўкі:
пн. – чц.: 10.00–19.00,
пт.: 10.00–18.00,
сб., ндз. – выхадны.

Уваход – па чытацкім білеце або білеце сацыякультурнага цэнтра бібліятэкі.

Спіс літаратуры

Прадстаўленыя ў экспазіцыі кнігі можна замовіць праз электронны каталог Нацыянальнай бібліятэкі Беларусі.

Тэлефон для даведак: (8 017) 293 27 10.

Матэрыял пададзены аддзелам міжбібліятэчнага абанемента і дастаўкі дакументаў.