ГалоўнаяНавіныКніжныя выстаўкі
Прэзентацыя ўнікальнай манаграфіі па кампаналогіі
Свет вачыма дзяцей

Выстаўка адной кнігі

Выстаўка адной кнігі
Іншыя навіны

З 18 мая па 30 верасня ў музеі кнігі праходзіць “Выстаўка адной кнігі”, прымеркаваная да Міжнароднага дня музеяў. Выстаўка прысвечана адной з самых вядомых хронік ХVI ст.


“Хроніка Еўрапейскай Сарматыі” стала адной з першых друкаваных гісторый беларускіх зямель. Аўтар гэтага твора – вайсковец, гісторык і літаратар Аляксандр Гваньіні (1534–1614). У 2014г. спаўняецца 480 гадоў з дня яго нараджэння. А.Гваньіні склаў свой твор на падставе разнастайных крыніц, а таксама ўласнага досведу. Хроніка ўтрымлівае гісторыка-геаграфічныя апісанні краін Цэнтральнай і Усходняй Еўропы, Расіі, некаторых краін Бліжняга Усходу. Упершыню яна была надрукавана ў 1578 г. у Кракаве.

Праца А.Гваньіні – адзін з першых твораў, які пазнаёміў заходнееўрапейскага чытача з гісторыяй беларускіх зямель, са звычкамі і культурай нашага народа. Дарэчы, у біяграфіі самога аўтара, італьянца па паходжанні, ёсць “беларускія старонкі”. На працягу доўгага часу (18 гадоў) ён быў ваенным камендантам Віцебска, займаўся ўмацаваннем гарадскіх абарончых пабудоў, з’яўляўся сведкам і непасрэдным удзельнікам шматлікіх падзей перыяду Лівонскай вайны, апісаных у яго кнізе.

На выстаўцы прадстаўлены выданні ХVI–ХVIІ стст. знакамітай хронікі А.Гваньіні. Сярод іх – другое лацінамоўнае выданне “Sarmatiae europeae descriptio…” (“Апісанне Еўрапейскай Сарматыі…”), што ўбачыла свет у друкарні Бернхарда Альбіна ў нямецкім Спіры (сучасны Шпейер, Германія). Прадстаўлены два асобнікі гэтага старадрука, якія, нягледзячы на адзін год выпуску (1581), маюць розныя гравюры на тытульных лістах.

Дэманструецца на выстаўцы і першае польскамоўнае выданне “Kronika Sarmacyey Europskiey…” (“Хроніка Еўрапейскай Сарматыі…”), якое выйшла ў 1611г. у Кракаве з друкарні Мікалая Лоба. Дарэчы, менавіта гэта выданне было шырока вядома на тэрыторыі Беларусі і Украіны. Фаліянт (852 старонкі) складаецца з дзесяці частак-кніг, кожная з якіх мае асобны тытульны ліст, прадмову аўтара з прысвячэннем выдатным асобам Рэчы Паспалітай. Выданне вылучаецца насычаным шматлікімі гравюрамі афармленнем з выявамі гістарычных герояў і князёў, гербаў і батальных сцэн, бытавых замалёвак. Не забыў аўтар і пра свой партрэт і герб, змясціўшы іх у пачатку кнігі.

“Хроніка Еўрапейскай Сарматыі…” была запатрабаваным выданнем і знаходзілася ў бібліятэчных зборах беларускіх і польскіх князёў, магнатаў і шляхты. У фондзе Нацыянальнай бібліятэкі Беларусі зберагаецца экзэмпляр са збору бібліятэкі Нясвіжскай ардынацыі Радзівілаў, аб чым сведчыць экслібрыс на форзацы кнігі.

Кантактны тэлефон: (8 017) 293 27 22.

Чытайце таксама:

Навіны

Віртуальная чытальная зала прадстаўляе інфармацыйны рэсурс пра выдатнага ўраджэнца Беларусі

27 Сак 2020

Рэпертуар персанальных краязнаўчых рэсурсаў арганізацый – партнёраў Нацыянальнай бібліятэкі Беларусі папоўніўся віртуальным праектам “Жарэс Алфёраў: чалавек-легенда”.

Навіны Нацыянальнай бібліятэкі Беларусі

30 сакавіка 1945 года. 41 дзень да Перамогі

30 Сак 2020

Узяцце Данцыга (Гданьска) і лісты-падзякі з Польскай рэспублікі. Падрыхтоўка тарфянікаў да сезону. Папаўненне ў Беларускім дзяржаўным музеі гісторыі Вялікай Айчыннай вайны. Дыспут у чытальнай зале бібліятэкі Дома партыйнай асветы. Газеты: “Звязда” (№№ 58, 59), “Советская Белоруссия” (№№ 57, 58, 60), “Совецкая радзіма” (№ 49).

Праект “100 дзён да Вялікай Перамогі. Па старонках беларускіх газет 1945 г.”

29 сакавіка 1945 года. 42 дні да Перамогі

29 Сак 2020

У зводцы Саўінфармбюро. Рабочы план на пасяўную. Бібліятэкі Воранаўскага раёна. Газеты: “Ленінскі шлях” Горацкага раёна (№ 23), “Путь соціалізма” Воранаўскага раёна (№ 20).

Праект “100 дзён да Вялікай Перамогі. Па старонках беларускіх газет 1945 г.”

28 сакавіка 1945 года. 43 дні да Перамогі

28 Сак 2020

Узятыя Штрэлен і Рыбнік. Фаўстпатроны у Рыбніку. Заява Эйзенхаўэра. У Акадэміі навук БССР. Ганусаўская доследная станцыя. Газеты: “Звязда” (№ 57), “Советская Белоруссия” (№ 56).

Праект “100 дзён да Вялікай Перамогі. Па старонках беларускіх газет 1945 г.”

111