ГалоўнаяНавіныКніжныя выстаўкі
Пяць кніжак на выходныя
“Чyжыx дyмaк нe пepaкaзвaў, cвae мeў”: да 120-годдзя з дня нараджэння Адама Бабарэкі

Выхад з ценю: невядомы арыгінал Берасцейскай Бібліі

Выхад з ценю: невядомы арыгінал Берасцейскай Бібліі
Іншыя навіны

10 кастрычніка ў музеі кнігі адбылося ўрачыстае адкрыццё выставы “Выхад з ценю: невядомы арыгінал Берасцейскай Бібліі”, якая зноў прыцягнула ўвагу грамадскасці да адной з самых незвычайных і таямнічых друкаваных кніг Беларусі XVI ст.

На выставе ўпершыню шырокай грамадскасці прадстаўлены арыгінал з прыватнай калекцыі бібліяфіла Сяргея Пуціліна. Асобнік раней нідзе не экспанаваўся і нават у навуковым свеце малавядомы і недаследаваны.

Выставу адкрыла тэатральная замалёўка “Берасцейская Біблія” ў выкананні акцёраў аматарскага тэатра “Жывая гісторыя”.

З прывітальным словам выступіў намеснік дырэктара Нацыянальнай бібліятэкі Беларусі Александр Суша. Ён адзначыў, што ўнікальная кніга дагэтуль знаходзіцца ў самым эпіцэнтры навуковых дыскусій і абрасла мноствам гіпотэз.

Сёлета Брэст святкуе 1000-годдзе. Выданне Берасцейскай Бібліі стала адной з найбольш значных падзей у гісторыі друкаванай кнігі Берасцейшчыны. Найлепшым падарункам старажытнаму гораду стаў арыгінал Радзівілаўскай Бібліі ад Прэзідэнта Рэспублікі Беларусь. Сваім асэнсаваннем феномену Берасцейскай Бібліі падзяліўся брэсцкі краязнавец, аўтар шматлікіх кніг па гісторыі старажытнага горада Валерый Мароз.

На выставе можна паглядзець і пагартаць знакамітае факсімільнае выданне і параўнаць з арыгіналам.

Запрашаем усіх прыўзняць таямнічую заслону і пазнаёміцца з аўтэнтычным асобнікам самага загадкавага выдання ў айчыннай гісторыі. У экспазіцыі таксама прадстаўлены ўнікальныя беларускія і заходнееўрапейскія выданні 1560-х гадоў.

Выстава арганізавана ў рамках цыклу мерапрыемстваў “Берасцейская Біблія: адкрыты дотык” і будзе працаваць у музеі кнігі (пам. 347) да 17 лістапада 2019 года.

Матэрыял прадастаўлены навукова-даследчым аддзелам кнігазнаўства.

Навіны

Выказваем падтрымку Кітаю ў барацьбе з каранавірусам

20 Лют 2020

У сувязі з распаўсюджваннем пнеўманіі новага тыпу “COVID–2019” (каранавіруса) у Кітаі склалася цяжкая сітуацыя. Рэспубліка Беларусь аказвае гуманітарную дапамогу: дае сродкі абароны і лекі, неабходныя для барацьбы з вірусам.

Навіны Нацыянальнай бібліятэкі Беларусі

Спалучэнне мер прававога і грамадскага ўздзеяння – найважнейшы фактар процідзеяння карупцыі

20 Лют 2020

Аддзел абслугоўвання афіцыйнымі дакументамі прадстаўляе ў рубрыцы “Актуальныя тэмы” на анлайн-сэрвісе “Віртуальны цэнтр прававой інфармацыі” рэкамендацыйны спіс літаратуры “Спалучэнне мер прававога і грамадскага ўздзеяння – найважнейшы фактар процідзеяння карупцыі”.

Навіны Нацыянальнай бібліятэкі Беларусі

Прэзентавана выданне да 180-годдзя з дня нараджэння Францішка Багушэвіча

19 Лют 2020

19 лютага ў Нацыянальнай бібліятэцы Беларусі прайшла прэзентацыя электроннага выдання “Не пакідайце ж мовы нашай беларускай...”, падрыхтаванага да 180-годдзя з дня нараджэння Францішка Багушэвіча.

Навіны Нацыянальнай бібліятэкі Беларусі

Biełaruskaja łacinka

20 Лют 2020

З 21 лютага 2020 г. у музеі кнігі Нацыянальнай бібліятэкі Беларусі будзе працаваць выстава, прысвечаная адметнай традыцыі ў нашай культуры – беларускай лацінцы.

Кніжныя выстаўкі

Калегам пра афармленне спісаў літаратуры

19 Лют 2020

18 лютага ў бібліятэцы Беларускага дзяржаўнага педагагічнага ўніверсітэта ў рамках павышэння кваліфікацыі супрацоўнікаў прайшлі практычныя заняткі па правільным афармленні спісаў літаратуры да навуковых прац.

Навіны Нацыянальнай бібліятэкі Беларусі

111