ГалоўнаяНавіныКніжныя выстаўкі
Зніклыя дзяўчыны: сюжэтны троп, у якім мы маем патрэбу
Каталагізацыя дакументаў у рэгіянальных зводных электронных каталогах бібліятэк Беларусі

Вяртанне кнігазбору Храптовічаў

Вяртанне кнігазбору Храптовічаў
Іншыя навіны

15 красавіка ў музеі кнігі адбылося ўрачыстае адкрыццё выставы “Кнігазбор Храптовічаў: на шляху вяртання”, на якой упершыню прадстаўлены ўнікальныя экспанаты: перапіска XIX стагоддзя сям’і Храптовічаў і вернутыя з-за мяжы кнігі з іх знакамітай бібліятэкі у Шчорсах.

Выстава была арганізавана сумесна з дабрачынным фондам “Шчорсы і Храптовічы”, намаганнямі якога адбывалася вяртанне ўнікальных дакументаў на радзіму.

З прывітальным словам да ўдзельнікаў імпрэзы звярнуўся намеснік генеральнага дырэктара Нацыянальнай бібліятэкі Беларусі Аляксандр Суша. Ён павіншаваў усіх з адметнай падзеяй – вяртаннем на Беларусь унікальных гісторыка-культурных помнікаў нашай спадчыны − дакументаў і кніг з калекцыі роду Храптовічаў. Выступоўца звярнуўся да гісторыі бібліятэкі ў Шчорсах, нагадаў аб яе ролі і значэнні для беларускай і сусветнай культуры. Распавёў пра першы вопыт вывучэння кніг і ліставання прадстаўнікоў знакамітага роду, якія зараз захоўваюцца ў Нацыянальнай бібліятэцы Беларусі, і выказаў упэўненасць у тым, што вернутыя дакументы, і надалей стануць аб’ектам дэтальнага вывучэння даследчыкаў.

Дырэктар мясцовага дабрачыннага фонду “Шчорсы і Храптовічы” Ганна Булда распавяла пра абставіны і шляхі вяртання фрагмента ўнікальнай калекцыі ў Беларусь. Прадставіла ініцыятывы і мерапрыемствы, якія праводзіць арганізацыя для захавання спадчыны роду Храптовічаў. Ганна Георгіеўна падкрэсліла важнасць супрацоўніцтва ў гэтай сферы розных дзяржаўных і прыватных устаноў і падзякавала Нацыянальнай бібліятэцы за падтрымку і супрацу.

Наступны выступоўца, дырэктар Навагрудскай раённай бібліятэкі Ірына Царук адзначыла ролю бібліятэк у захаванні і папулярызацыі кніжнай спадчыны. Яна падкрэсліла, што выстава “Кнігазбор Храптовічаў: на шляху вяртання”, дасць магчымасць далучыцца да ўнікальнай калекцыі шырокаму колу наведвальнікаў.

Напрыканцы мерапрыемства госці і ўдзельнікі імпрэзы змаглі пазнаёміцца з гістарычнай часткай экспазіцыі, а таксама з мастацкімі працамі студэнтаў БНТУ, якія працавалі валанцёрамі на летніках па добраўпарадкаванні маёнтка Храптовічаў у Шчорсах у 2018–2019 гадах.


Выстава “Кнігазбор Храптовічаў: на шляху вяртання” будзе працаваць у музеі кнігі (пам. 347) да 30 красавіка 2021 г.
Дата яе завяршэння можа быць зменена.

Тэлефон для даведак: (8 017) 293 25 85.

Час работы выставы адпавядае рэжыму работы музея кнігі.
Уваход – па чытацкім білеце або білеце сацыякультурнага цэнтра.

Матэрыял пададзены навукова-даследчым аддзелам кнігазнаўства.

Навіны

“Беларускі салавей”: новая віртуальная экспазіцыя да 135-годдзя з дня нараджэння Змітрака Бядулі

7 Май 2021

Прадстаўляем новы раздзел віртуальнага праекта “На хвалі часу, у плыні жыцця”, які рэалізуецца Нацыянальнай бібліятэкай Беларусі, Дзяржаўным музеем гісторыі беларускай літаратуры, Беларускім дзяржаўным архівам-музеем літаратуры і мастацтва і часопісам “Маладосць” да 100-годдзя ўтварэння літаратурнага аб’яднання “Маладняк”.

Да 100-годдзя літаб'яднання "Маладняк"

Водгукі пра XVІІ Міжнародныя кнігазнаўчыя чытанні

7 Май 2021

22–23 красавіка ў Нацыянальнай бібліятэцы Беларусі адбыўся маштабны навуковы форум Міжнародныя кнігазнаўчыя чытанні. Пасля завяршэння канферэнцыі арганізатары падводзяць вынікі, каб вызначыць, наколькі праект дасягнуў сваіх мэт. Сваім меркаваннем пра канферэнцыю падзяліліся яе ўдзельнікі – беларускія і замежныя эксперты.

Навіны Нацыянальнай бібліятэкі Беларусі

Ля Кургана Славы адбылося ўрачыстае ўскладанне кветак

6 Май 2021

У Нацыянальнай бібліятэцы Беларусі склалася асаблівая традыцыя: напярэдадні Дня Перамогі шанаваць памяць загінуўшых, ускладаючы ад імя ўсіх супрацоўнікаў кветкі да манументаў Перамогі, аддаючы даніну глыбокай павагі ўсім пакаленням абаронцаў Айчыны.

Навіны Нацыянальнай бібліятэкі Беларусі

Рэсурсы адкрытага доступу і інтэгрыраваныя пошукавыя сэрвісы: прымяненне ў навукова-адукацыйнай дзейнасці

6 Май 2021

5 мая ў Нацыянальнай бібліятэцы Беларусі пры падтрымцы выдавецтва Springer Nature адбыўся анлайн-семінар, прысвечаны развіццю ініцыятывы адкрытай навукі.

Навіны Нацыянальнай бібліятэкі Беларусі

Памяці загінуўшых будзем вартыя!

6 Май 2021

6 сакавіка ў бібліятэцы адбылася ўрачыстая акцыя-свята “Памяці загінуўшых будзем вартыя!”, прымеркаваная да Дня Перамогі. Арганізатарамі выступілі Першамайская раённая г. Мінска арганізацыя РГА “Белая Русь” і Нацыянальная бібліятэка Беларусі.

Навіны Нацыянальнай бібліятэкі Беларусі

6 Май 2021

Новы, 22-і па ліку, том серыі «Залатая калекцыя беларускай літаратуры», прысвечаны творчасці Івана Шамякіна, дае нам унікальную магчымасць. Чытаючы творы класікаў, мы часта гадаем наконт прататыпаў, таго, якія рэальныя падзеі з біяграфіі аўтара адбіліся ў тэксце. Тут аб'яднаныя мастацкі твор па матывах аўтабіяграфіі і дакументальны, дзе выкладзены сапраўдныя падзеі, якія ляглі ў аснову мастацкага твора. Гаворка пра пенталогію «Трывожнае шчасце», якая прынесла маладому Шамякіну славу, і аповесць «Слаўся, Марыя!».

Навіны бібліятэк

6 Май 2021

Знакамітую ваенную драму і адзін з самых моцных фільмаў пра вайну “Ідзі і глядзі” Элема Клімава пакажуць у мінскіх кінатэатрах паўторна. Сеансы пройдуць у кінатэатрах “Мір” і “Цэнтральны” 6–9 мая.

Навіны бібліятэк

“Помнім боль і страты твае, Беларусь…” – экскурсія да Дня Перамогі

5 Май 2021

4 мая, напярэдадні Дня Перамогі, экскурсію з цыкла “Славутыя імёны Бацькаўшчыны”, прысвечаную творчасці перыяду Вялікай Айчыннай вайны А. Куляшова, М. Танка, П. Панчанкі, наведалі навучэнцы Мінскага дзяржаўнага прафесіянальна-тэхнічнага каледжа дэкаратыўна-прыкладнога мастацтва імя М.А. Кедышкі.

Навіны Нацыянальнай бібліятэкі Беларусі

Бібліятэкарам
111