З 10 студзеня па 29 лютага ў Нацыянальнай бібліятэцы Беларусі (кальцавы калідор, 3-ці паверх) адкрыта кніжная выстаўка "Вялікія кнігі свету", якая ўключае найбольш значныя творы сусветнай літаратуры (навуковай і мастацкай) усіх часоў і народаў.
Пералікітакіх твораў складаліся і выдаваліся неаднаразова, паколькі кожная кніжная серыя - ці «Литературные памятники», «Жизнь замечательных людей», ці «Библиотека всемирной литературы» - гэта адбор неабходнай колькасці тварэнняў па вызначанай прыкмеце або крытэрыю.
Праходзяць стагоддзі, змяняюцца норавы, веды аб свеце, змяняецца і выбар кніг, якія мыслячы чалавек пастаянна ацэньвае і адбірае. З акіяна кніг яму неабходна адабраць для чытання самыя, самыя... Самыя патрэбныя, неабходныя і, вядома жа, самыя таленавітыя.
Аўтары выдання «100 великих книг» Ю.А. Абрамаў і В.Н. Дземін прапанавалі ўласны пералік, прапушчаны праз свой розум, душу, сэрца і набліжаны да кананічнага. Менавіта іх версія адбору твораў была ўзята за аснову арганізатарамі гэтай выстаўкі.
Экспазіцыя налічвае каля 400 выданняў, размешчаных па наступных раздзелах:
- свяшчэнныя кнігі;
- навука і філасофія;
- замежная класіка;
- руская класіка.
Выстаўка разлічана на шырокую чытацкую аўдыторыю. Шчыра спадзяемся, што яна выклікае цікавасць у наведвальнікаў і з’явіцца своеасаблівай пуцяводнай ніткай у займальны свет "вялікіх" кніг.
Кантактны тэлефон 293-28-86.
 |
 |
 |
 |
 |
 |
 |
 |
 |
 |
 |
 |
